LUKAS 19:47 - KITAB NU TUMPU ALLA LELE MA'IMAI'

⁴⁷ Sansina-sinaa i Yesus mompogulu' i Laigan nu Tumpu. Kapala nu to ima-imam tiba gulu-gulu' agama, tiba to tu'a-tu'anyo nu Yahudi mongindi da o pateimo na Ia,

LUKAS 19:47 Iomraidhean Croise

MATIUS 21:23

Lapas aijo', i Yesus ninsusule' i Laigan nu Tumpu, lantas ninsoop ka' nongajan i kiijo'. Tempo'nyo Ia hau-haunyo mongajan, Kapala nu to Ima-imam ka' to pola-polaya' nu Yahudi tinokamo hi Ia ka' nompokilawa, “Apaa na alasan nu Beleyum mombau iwi-iwi' aiya? Ihe na nombee'i hak aiya hi Beleyum?”

MATIUS 26:55

Lantas i Yesus notatae hi mian da'isan aijo', “Te Aku mian ma'idek, sampe komiu toka momboa mae bajak, ka' amangkun mohakop Aku? Toka sansina-sinaa Aku mongajan i Laigan nu Tumpu, kadaka' komiu madi' mohakop Aku!

MARKUS 11:18

To Kapa-kapala nu imam ka' to gulu-gulu' agama nohongo potatae aijo'. Sahingga aha nontampu'unimo nolio jalan da mompatei Yesus. Aha nabuhuk hi Ia, kalana iwi-iwi' na mian bangang na mohongo ajalan-Nyo.

MARKUS 12:12

Sahingga to tu'a-tu'anyo nu bansa Yahudi anu nohongo kantuang aijo', mompagala mohakop i Yesus, kalana nusumbu' nu aha na kantuang aijo' nupatuakon i Yesus hi aha. Panyo aha mabuhuk hi mian da'isan. Jadi aha nambamo nompala'i Yesus.

MARKUS 14:1

Daagi' uansinaa Sinaamo nu Paskah ka' Molame'akonmo Roti anu Madi' ko Raginyo. Kapala nu to imam-imam ka' to gulu-gulu' agama hau-haunyo molio jalan da mohakop i Yesus ka' madi' ko hengge-hengge' da o patei na Ia.

MARKUS 14:49

Toka sansina sinaa Aku mongajan i Laigan nu Tumpu i ahop nu belemiu, ka' komiu madi' mohakop Aku. Panyo memang totu'umo tionyo sumo aijo', da timbali apaa na anu tinulis i uno Kitab nu Tumpu.”

LUKAS 19:48

panyo madi' mohumpak jalan da obau na han aijo', kalana iwi-iwi' na mian saja' mohongo Ia, ka' mongka'ima'i potatae-Nyo.

LUKAS 20:19

To gulu-gulu' agama, ka' Kapala nu to ima-imam monsumbu' saba' kantuangan aijo' nu patuakon i Yesus hi aha. Mokonyo aitu aha kahanda'mo mohakop Ia tempo'nyo aitu, panyo aha mabuhuk hi mian da'isan.

YOHANES 10:39

Aha po'ule' mule' batanga' mohakop i Yesus, panyo Ia ma'isa pinoko hakop nu aha.

YOHANES 18:20

I Yesus nontaami, “Aku saja' basisik sahondo-hondonyo i ahop nu mian da'isan. Aku saja' mompogulu' i to lai-laigan Pogalejaan ka' i Laigan nu Tumpu, tampat nu mian Yahudi biasanyo silimu'. Madi' toho' Aku montaloakon apa-apaa maninsuluk.

YOHANES 7:19

Te misa' i Musa nombee'imo pale-palentah nu Tumpu hi beleyum? Panyo itina' hi komiu madi' ko anu mombatuki pale-palentah haha aijo'. Ka' kadaka' komiu kahanda'mo mompatei Aku?”

YOHANES 7:44

Daagi' ko anu mompai hakopmo Ia, panyo madi' ko samian pe'e na moko toongi Ia.