LUKAS 18:43 - KITAB NU TUMPU ALLA LELE MA'IMAI'

⁴³ Tempo'nyo aitu ia nontoamo, lantas nombatukimo Yesus ka' nontaeakonmo talima kase hi Tumpu. Salatan mian da'isan nontoamo han aijo', aha iwi-iwi' nompuji-puji'mo Tumpu.

LUKAS 18:43 Iomraidhean Croise

MAZMUR 107:15

Pantasmo na aha montalima kaseh hi Tumpu kalana kalibosan-Nyo, kalana apa-apaa na anu binau-Nyomo anu mompobangang hondo manusia.

MAZMUR 107:8

Pantasmo na aha montalima kaseh hi Tumpu kalana kalibosanNyo, kalana apa-apaa na anu binau-Nyomo, anu mompobangang hondo manusia.

MAZMUR 146:8

ka' mian anu mapisok opo'alinmo sahingga moko alamo montoa. Ia na mohangkat mian anu tinohumpukmo, ka' mongkalibosi mian anu hodi' na kinyonyoanyo.

MAZMUR 30:2

Aku mompuji'mo Belento o Tumpu, kalana Belento nomposalamatmo mae aku ka' madi'mo nompojohok sampobali'ku lewa' nongkokojoi mae aku.

YESAYA 35:5

Tempo'nyo aijo' mian anu napisokmo moko alamo montoa-toa, ka' mian anu mabongon moko alamo mohongo.

YESAYA 42:16

Bansang-Ku anu napisokmo Ku taka'mo montulu jalan anu madi' nu sumbu' nu aha; aha Ku taka'mo montulu jalan anu madi' nu sumbu' nu aha. Kapintungan Ku potimbalimo da majingka hi aha, ka' jalan anu milebo-lebok Ku pohatamo. Aijo'mo na anu Ku bau hi aha, ka' memang ahi' Ku baumo.

YESAYA 43:21

Ahamo na bansa anu pinojading-Kumo da mombau anu Ku palentahkon, da timbali mombebakon anu bau pompuji' Aku.”

MATIUS 11:5

Mian anu mapisok montoa, mian anu lupe moko lumajang, mian anu ko panyakit kilit anu okabuhuk ma'alin; mian mabongon nohongo, mian anu mate po'ule' tumuu', ka' Lele Ma'ima' lengkat hi Tumpu opotokakon hi to mia-mian kasiasi.

MATIUS 21:14

To mia-mian anu mapisok ka' anu lupe tinoka hi Yesus i Laigan nu Tumpu, ka' Ia nompa'alin aha.

MATIUS 9:8

Tempo'nyo to mia-mian nontoamo anu tinimbali aijo', aha sinawe'mo nu buhuk ka' nompuji' Tumpu, kalana Tumpu nombee'mo kuasa anu daka' hondo hi mian.

LUKAS 13:17

Potaam i Yesus aijo' nombaumo anu mongka'ideki i Yesus aijo' na'ambangmo hondo; iwi-iwi' na to mia-mian sangga'at, sinanangmo na nontoa iwi-iwi' anu okabangangi anu binaumo i Yesus.

LUKAS 19:37

Salatan i Yesus malia'mo toka i Yerusalem, i jalan pintuahan nu Bungkutnyo Zaitun, iwi-iwi' na anu mombatuki Ia da'isan hondo aijo', lewa'mo noloboo'akon mompuji' Tumpu Allah ka' montalima kaseh hi Ia, kalana iwi-iwi' na anu okabangangi sinakisianmo nu aha.

LUKAS 4:39

I Yesus namba i kahoyotan nu totina aijo', lantas nolaa'mo anu nonsihabi aijo'. Anu nonsihabi aijo' i na'alinmo, tina nu bengkele' i Simon balo nobula ka' nongatuni apa-apaa na anu palalu hi aha.

LUKAS 5:26

Aha iwi-iwi' binangang hondo, lantas nompuji' Tumpu. Kalana nongoa'i nabuhukmo, aha notatae, “Mompobangang hondo na anu sinakisiantomo sinaa aiya!”

LUKAS 9:43

Iwi-iwi' na mian binangangmo na nontoa kuasa nu Tumpu anu daka' aijo'. Tempo'nyo to mia-mian daagi' kaho-kahonyo bangang montoa iwi-iwi' na anu binau-Nyo, i Yesus notataemo hi anu saja' mombatuki Ia.

SISIKON NU TO RASUL-RASUL 11:18

Lapas nohongo aijo', aha madi'mo daagi' nonggagakon. Lantas aha nompuji'mo Tumpu. Aha notatae, “Desumo atina', to mia-mian misa' Yahudi suele obee'i tempo' nu Tumpu da balatobat bolimo mombau to dosa-dosa'nyo ka' mongoa'i kantumuu'an ma'ima'!”

SISIKON NU TO RASUL-RASUL 26:18

da aha mosabat lengkat i kapintungan ka' minsoop i uno nu jingka; da aha molapas i ponggodaan nu Ibilis, lantas nu kuasaimo nu Tumpu. Kalana palesaya hi beleng-Ku to dosa-dosa' nu aha o ampunimo ka' aha timbalimo mian anu palesayamo hi Tumpu, anu pinile'anmo na aha.’ ”

SISIKON NU TO RASUL-RASUL 4:21

To mia-mian anu Mongulus Palakala aijo' madi' noko humpak sa'angu' pe'e na alasan da mohukum i Petrus ka' i Yohanes. Jadi aha nompopobuhukmo ua-ua'aha na rasul aijo', lantas pinolapasmo ua-ua'aha kalana iwi-iwi' na mian mompuji-puji' Tumpu kalana apaa na anu tinimbalimo aijo'.

GALATIA 1:24

Sahingga aha nompuji'mo Tumpu kalana aku.

1 PETRUS 2:9

Panyo belemiu bansa anu pinile'anmo, to ima-imam anu mohongo ka' mombau palentah nu tomundo, bansa anu susi' matungka' bau kapentingan nu Tumpu, mian anu nu Tumpu. Tumpu Allah nompile'imo belemiu ka' nolagamo belemiu nosabat mompala'i mae kapintungan da minsoop i uno nu jingka-Nyo anu lonyingkaban, kahanda'nyo da belemiu mombebakon lele mongkona apa-apaa na anu binau-Nyomo anu madi' opoko lingkudui.