LUKAS 18:27 - KITAB NU TUMPU ALLA LELE MA'IMAI'

²⁷ I Yesus nontaami, “Anu madi' timbali opoko ala o bau nu mian, hi Tumpu timbali!”

LUKAS 18:27 Iomraidhean Croise

KAJADIAN 18:14

Te daagi' ko han anu madi' opoko ala nubau nu Tumpu? Susumo anu tinaloakon-Kumo u'uka daagi' osio' na bitu'on Aku po'ule'mo minsusule' mae aiya. Ka' tempo'nyo aijo' i Sara nohampeakonmo anak mo'ane.”

YEREMIA 32:17

“Tumpu Anu Matangkas na Kuasanyo, Belentomo na anu nompotimbalimo langit tiba tano' nu kuasa tiba kamampuan nu Belento anu daka' hondo. Madi' ko anu madi' nu poko ala Nu bau.

DANIEL 4:35

Iwi-iwi' na bansa i dunia aiya madi' ko alati'nyo. Tumpu na mongkuasai malaekat kiita' i suluga' ka' mule' mian anu jojoong i dunia aiya. Madi' ko samian pe'e na anu moko ala monggagakon tanga'an-Nyo, madi' ko anu baani mompokilawa apaa na anu binau-Nyomo.”

ZAKHARIA 8:6

Han aijo' ugaat madi' minsoop i'akan hi aha to mia-mian anu daagi tumuu' tempo uuka hi bansa aiya, panyo hi beleng-Ku na minsoop ahi' i'akan.

MATIUS 19:26

I Yesus nontoa aha lantas notatae, “De mian, aijo' madi' opoko ala! Panyo de hi Tumpu, iwi-iwi' timbali.”

LUKAS 1:37

Kalana hi Tumpu madi' ko sa'angu' na madi' tontimbali.”

LUKAS 18:26

To mia-mian anu nohongo i Yesus nontaloakon sumo aijo', nompokilawamo, “Desumo aitu, ihe na moko ala salamat?”