LUKAS 18:24 - KITAB NU TUMPU ALLA LELE MA'IMAI'

²⁴ Sinumbu' i Yesus na mian aijo' sinusa'mo na kinyonyoanyo, kalana aijo' Ia notatae, “Susa' hondo na mian kaya minsoop mian anu palesayamo hi Tumpu!

LUKAS 18:24 Iomraidhean Croise

MAZMUR 10:3

Mian anu ma'idek na kinyonyoanyo sinombongmo nu tanga'annyo anu ma'i-ma'idek, miana nu mangoa nontotobi'akonmo ka' madi'mo nontalima Tumpu.

AMSAL 11:28

Ihe na talalo montaha'imani halata' saidi mae mohudu'mo susumo hon nu kau' anu manggasmo, panyo mian anu palesaya totu-totu'u mompaka panjoo'mo susumo sumpe nu kau'.

AMSAL 18:11

Panyo mian anu kaya monsangka halata'nyo mo na monjagai ia, susumo mesen anu matangkas ka' mahoson na titikup i kota.

AMSAL 30:9

Kalana bisuannyo aku kaya, ugaat aku motataemo, aku madi' mompalalui Beleyum. Ka' de aku kasiasi, ugaat aku bulingmo sahingga mombusikimo sanggo nu Belento.”

YEREMIA 2:31

O mian nu Israel potombihing mae na potataeng-Ku aiya. Pa' toho'mo na Aku susumo padang tampat anu mateges na jinadi' atina hi belemiu kabai pa' sumo tano' anu pinikatmo hondo? Panyo kadaka' belemiu notataemo koonyo nu belemiu, belemiu mongkahanda'imo bebas, ka' madi'mo daagi' mongka'oho' minsusule' mae hi beleng-Ku?

YEREMIA 5:5

Sahanyo aku mamba hi aha to pama-pamalentah ka' mompoto'i hi aha. Tantu nu sumbu' nu aha apaa na nu kahanda'i tiba nu tuntut nu Tumpu Allah hi aha.” Panyo aha iwi-iwi' suele madi' ahi' mongka'oho' nu palentah nu Tumpu; aha madi' mongka'oho' montuluti Ia.

MARKUS 6:26

Nohongo poitaon aijo', i Herodes nolibos hondo. Panyo ia madi' daagi' mombahakon poitaon aijo' kalana ia binasumpa'mo i ahop nu to mia-mian anu i laga.

LUKAS 18:23

Panyo salatan i hongo nu mian aijo', ia sinusa'mo kalana ia kaya hondo.