LUKAS 18:14 - KITAB NU TUMPU ALLA LELE MA'IMAI'

¹⁴ “Palesayamo” na koonyo i Yesus, “salatan ninsusule'mo i laigan, topo tage hasin aijo' na tinalima nu Tumpu, misa' mian nu Farisi aijo'. Kalana batu-batu mian anu mohangkat butongnyo otau'akon, ka' batu-batu mian anu montau'akon butongnyo, o hangkat.”

LUKAS 18:14 Iomraidhean Croise

AYUB 22:29

Mian anu saja' mohangka-hakgat butongnyo nutauakon nu Tumpu, panyo anu madi' lewa' mohangka-hangkat butongnyo nu posalamat nu Tumpu.

AYUB 25:4

Te moko ala ahi' susi' na manusia i mata nu Tumpu Allah? Te moko ala ahi' na ia belesi, de nutoa nu Tumpu Allah?

AYUB 9:20

Aku tulu-tulutan hondo ka' madi' nombau dosa', panyo nganga'ku notataemo madi' ahi' sumo aijo'; batu-batu potatae anu nu anga'akonmo nu biwingku aijo sumomo mompisala'i butongku.

MAZMUR 138:6

Belento talalo hondo susi' panyo anu madi' talakana' Nu palahatikan ahi'; mian anu kobubuun madi' moko ala maninsuluk da madi' Nu toa.

MAZMUR 143:2

Aku aiya posaihon nu Belento, boli mae mompulusi aku, kalana madi' ko mian anu madi' kokasala'annyo i ahop nu Belento.

NOSABATMO 18:11

Uuka aiya sinumbu'kumo taalu' Tumpu na lebe daka' molingkudui pilogot iwi-iwi', kalana iwi-iwi' aijo' binau-Nyomo tempo'nyo mian nu Mesir nongkabisa'imo ka' kinobubuunmo hondo hi aha mian Israel.”

AMSAL 15:33

Mabuhuk hi Tumpu atina'mo na tampu'unannyo nu pangajalan anu ma'ima', panyo madi' kobubuun na kinyonyoa na obau pe'e ahi' momona atina'je ka' kaholomatan.

AMSAL 18:12

Mian anu takabun saidi mae madi'mo ohalagai, mian anu madi'buulon oholomati.

AMSAL 25:7

Lebe ma'ima' opoita moliba i tampat anu ko angga'nyo ka'de mule' opokau mombee'i tampatum hi mian anu matangkas na pangkatnyo.

AMSAL 29:23

Mian anu takabun saidi mae madi'mo o'adati mian anu madi' takabun saidi mae o puji'mo.

AMSAL 3:34

Tumpu mongka'ideki mian anu buulon, panyo mombalakati mian anu madi' buulon.

ANU MOMPOLELE POTATAE NU TUMPU 9:7

Donganmo pongkaan ka' balame-lame'; inumo sana-sanang na kinyonyoa na anggur nu belemiu, Tumpu madi' kabalatan pakalaus Ia ahi' situju.

YESAYA 45:25

Panyo lee' mae i Yakub saidi' mae oposalamatmo, ka' aha mompuji'mo mae Aku, Tumpu.

YESAYA 53:11

Kalana aitu Tumpu notataemo, “Salatan lapas mo na mongoa'i kasansala'an, ia bilahije ka' sanangmo na kinyonyoanyo. Posaihon-Ku aijo', na momposanang kinyonyoang-Ku, nontanggungmo hukuman nu aha mian da'isan; kalana ia Aku mongampunimo aha.

YESAYA 57:15

Kalana sumo uukamo na potatae nu Tumpu Anu Matangkas na Kuasanyo ka' susi', anu balakuasa sampe toka sidu-sidutu', “Kajojoongan-Ku i tampat anu matangkas ka' susi', panyo suele ahi' jojoong hi to mia-mian anu ma'ima' na kinyonyoanyo, ka' anu binalatobatmo isinin na dosa' nu aha, da opo'ule'mo na sumangat nu aha tiba halapan nu aha.

YESAYA 66:2

Songko-songko na dunia aiya, anu binau nu limang-Ku, saba' iwi-iwi' aijo' binaumo. Panyo anu Ku inde'i, aijo'mo mian anu ma'ima' na kinyonyoanyo, anu mongakui to dosa-dosa'nyo, anu mabuhuk ka' tulu-tulutan hi beleng-Ku.

DANIEL 4:37

Jadi uuka aiya aku i Nebukadnezar mompuji'mo, mompopodaka'mo katalasanggoan nu Tomundo' nu Suluga'. Iwi-iwi' na anu binau-Nyomo totu'u ka' mule' adin ka' moko ala mompota'aluk mian anu kalakuannyo takabun.

HABAKUK 2:4

Ka' o ingat: Mian anu ma'idek na kinyonyoanyo madi' salamat, panyo mian anu mombau pongka'oho' nu Tumpu saidi' mae tumuu' kalana ia tulu-tulutan hi Tumpu.”

MATIUS 23:12

Mian anu mohangkat butongnyo, o tauhakon, ka' mian anu montauhakon butongnyo o hangkatakon.”

MATIUS 5:3

“Bila-bilahi na mian anu mongoa'i madi' moko ala, ka' ola montaha'imani Tumpu samata-mata; aha ninsoopmo mian anu palesayamo hi Tumpu!

LUKAS 1:52

To Tomu-tomundo tinauhakon-Nyo na pangkatnyo ka' mian loloison i hangkatakon.

LUKAS 10:29

Panyo gulu' agama aijo' mompai pototu'u butongnyo. Ia nompokilawa, “Ihe na sangko mianku?”

LUKAS 14:11

Kalana batu-batu mian anu mohangkat butongnyo, tionyo otauhakon, panyo anu mongalukakon butongnyo o hangkat.”

LUKAS 16:15

Panyo i Yesus notatae hi aha, “Komiumo na mian de i ahop nu san-samianan otoa totu'u, panyo Tumpu monsumbu' isi nu kinyonyoaum. Kalana apaa na anu osangka matangkas nu mian, nutoa nu Tumpu heede'.

ROMA 3:20

Kalana madi' ko samian pe'e na moko ala mompaha ima' tiba Tumpu, kalana mian aijo' mombau hahan anu daagi' i uno nu atulan nu agama. Ola ahi' atulan aijo' na mompotiju' hi mian taalu' mian aijo' baladosa'.

ROMA 4:5

Panyo daagi' ko mian anu madi' montaha'imani posi usahanyo; ia mongasanakon butongnyo hi Tumpu anu nompoto'imo mian baladosa' opobebasmo i kasala'an. Kalana kapalesaya'annyo aijo' Tumpu nontalimamo mian aijo' salaku mian anu momposanang kinyonyoa nu Tumpu.

ROMA 5:1

Uuka aiya kita po'ule'mo na'ima' tiba Tumpu, kalana kita palesaya. Mokonyo aitu kita tumuu' i uno nu kadamean tiba Tumpu kalana Tumpunto i Yesus Kristus.

ROMA 8:33

Ihe na anu moko ala mohenggo kita mian anu palesayamo ka' pinile'anmo nu Tumpu, de posi Tumpu na montaloakon kita madi'mo ko kasala'an?

GALATIA 2:16

Mau mule' sumo aitu osumbu' mami saba' mian mompo'ule'mo ma'ima' tiba Tumpu ola kalana palesaya hi Yesus Kristus, ka' misa' kalana mompojalan atulan nu agama. Kami suele palesaya hi Yesus Kristus, da kami mompo'ule'mo ma'ima' tiba Tumpu Allah kalana palesaya totu-totu'u, misa' kalana kami mompojalan atulan nu agama. Kalana de ola mompojalan atulan nu agama, madi' ko samian pe'e na timbali mompo'ule'mo ma'ima' tiba Tumpu Allah.

YAKOBUS 4:10

Tionyo ahi' komiu mompati'alukakon butong hi ahop nu Tumpu, sahingga nu hangkatje nu Tumpu na komiu.

YAKOBUS 4:6

Mau mule' sumo aijo', balakat nu Tumpu anu binee'nyomo hi kita lebe daka' molingkudui pongka'oho' nu rohto aijo'. Mokonyo aijo' i uno nu Kitab nu Tumpu tinulis mule', “Tumpu mompisala'i anu ko bubuun, panyo mule' Ia mongkalibosi mian anu kinyonyoanyo mati aluk.”

1 SAMUEL 1:18

Tinaaman i Hana, “Kutaha imani da aku ositujui mae nu belento Tuumangku.” Lapas aijo' ia nambamo lantas nongkaanmo; ka' ia madi'mo lewa' sinusa' na kinyonyoanyo.