LUKAS 17:5 - KITAB NU TUMPU ALLA LELE MA'IMAI'

⁵ To rasul-rasul notatae hi Tumpu Yesus, “Tumpu, pohosonakon mae na palesaya mami.”

LUKAS 17:5 Iomraidhean Croise

MARKUS 6:30

To rasul-rasul anu sinai i Yesus lapas aijo' ninsusule' mule', ka' binala gombu tiba i Yesus. Aha nompoto'i hi Ia, iwi-iwi' anu binaumo ka' ingajanakonmo nu aha.

MARKUS 9:24

Lau-laus tuumanyo aijo' noloboo', “Tuuma, aku palesaya, panyo palesayangku anu totu-totu'u ola sangkiding. Tulungimae na aku da aku lebe palesaya!”

LUKAS 7:13

Salatan i Tumpu Yesus nontoa boune aijo', Ia nolibos hi ia, lantas notatae, “Boli humaang kita Tina!”

LUKAS 7:19

Lantas nonsai aha namba hi Tumpu Yesus ka' mompokilawa, “Kitamo Tuuma na mian anu toka mae susumo anu jinanji'mo nu Tumpu, kabai tionyo kami montanda'i san-samianan?”

FILIPI 4:13

Tiba kuasa anu binee'mo i Kristus hi belengku, aku ko kahosonanmo mongahopi iwi-iwi' na ngahan nu soba'an.

2 TESALONIKA 1:3

To Utu-utus, kami saja' tionyo montaloakon talima kase hi Tumpu kalana komiu. Ka' konanyomo na kami mombau sumo aijo', kalana komiu nompaka palesayamo hi Kristus, ka' komiu lebemo nompaha kali-kalibosimo samian ka' samian.

IBRANI 12:2

Anu otoanto tionyo saja' hi Yesus, kalana Ia na mompodaagi' imanto, ka' monjagai ka salatan pe'e i moonanyo toka-toka i mihinyo. I Yesus nongintimmo sakisa i kau' salib! Madi' pinajulannyo na Ia silaka i kau' salib aijo' salaku sa'angu' na han anu mongambangi. Ia ola monginau' kalame'an anu nu oa'ije i mihinyo mae. Uuka aiya Ia sinumuhangmo i sasu koanan nu kasuhangan nu Tumpu ka' mompalentahmo hingga-hinggat tiba Ia.