LUKAS 17:30 - KITAB NU TUMPU ALLA LELE MA'IMAI'

³⁰ Sumo aitumo na baunyo saidi' mae de sinaa Anak nu Mian oponyata'mo.

LUKAS 17:30 Iomraidhean Croise

MATIUS 16:27

Madi'mo pin Anak nu Mian, mohingga-hinggatmo tiba to mala-malaikat-Nyo tokamo mae tiba kuasa nu Tuuma-Nyo. Tempo'nyo aitu Ia mombalosimo toto samian sitimbang tiba i palabuatannyo.

MATIUS 24:3

Lapas aitu, i Yesus namba i Bungkutnyo nu Zaitun, ka' hau-haunyo Ia suha-suhang, anu saja' mombatuki Ia tinoka ka' binisala tiba Ia mongkona posi aha. “Poto'i mae hi kami hipian na iwi-iwi' aijo' timbali,” koonyo nu aha hi Ia, “Apaa na bau pongoosian salaku tanda katokaanmo nu kita Tuuma, ka' sinaa imihinyomae?”

MATIUS 24:37

De Anak nu Mian tokamo, lupanyo sumo tempo'nyo i Nuh naipuan mae.

MATIUS 24:39

Tempo'nyo iyaba' aijo' noleetabi aha iwi-iwi', atina'je ka' aha nonsumbu' apaa na anu tinimbali. Sumo aitumo suele na lupanyo saidi' mae de Anak nu Mian tokamo.

MATIUS 26:64

I Yesus nontaami, “Sumo itina' anu tinaloakonumo. Panyo palesayamo: Mulai uuka, aiya komiu montoaje Anak nu Mian sumuhangmo i sasu koanan nu Tumpu Anu Talalo ko Kuasa, ka' toka mae aita' i kundom, i langit!”

MARKUS 13:26

Tempo'nyo aijo' Anak nu Mian otoantoje na toka i uno nu sehu' tiba kuasanyo anu daka' ka' kamulia'annyo.

LUKAS 17:24

Sumomo kilat pojohonjit i langit ka' monjingkai lengkat mae i puusnyo toka i puusnyo, sumo aitumo saidi' mae na baunyo Anak nu Mian toka i sinaanyo.

LUKAS 17:29

Panyo salatan i Lot nosabatmo lengkat mae i Sodom, i sinaa aitu apu tiba belelang nintau'mo lengkat mae i langit ka' nonsilakai aha iwi-iwi'.

LUKAS 21:22

Kalana sina-sinaa aijo' aitumo na ‘Sina-sinaa Hukuman Onabu'akonmo,’ da tiba anu sumo aijo' tinimbalimo apaa na anu tinulismo i uno nu Kitab nu Tumpu.

LUKAS 21:27

I tempo'mo aitu na Anak nu Mian toka i uno nu kundom tiba kuasa-Nyo anu o angga'i.

1 KORINTUS 1:7

sahingga sa'angu' pe'e na balakat madi' maga'a hi komiu, hau-haunyo komiu montanda'i Tumpunto i Yesus Kristus toka ka' nutoa nu mian iwi-iwi'.

1 KORINTUS 1:8

Posi i Kristus na monjagai komiu sampe i mihinyo; da de tempo'nyomo Ia po'ule'mo toka, komiu otokai mae madi' ko ideknyo.

KOLOSE 3:4

Jadi, pinolengkatan nu kantumuu'an miu anu totu-totu'u atina'mo hi Kristus, ka' de Ia po'ule'mo otoa, komiu suele tokamo mae hingga-hinggat tiba Ia ka' opopodaka'mo suele tiba Ia!

2 TESALONIKA 1:7

Ka' hi komiu anu uuka aiya nongoa'imo kasansala'an – sumo aitu mule' hi kami – Tumpu mombee'je kasanangan de Sinaanyomo nu Tumpu Yesus minsusule'mo mae lengkat i suluga' ka' mompotoamo butong-Nyo tiba to mala-malaikat-Nyo anu to babaani

1 PETRUS 1:13

Kalana aitu, tionyo ahi' komiu saja' mosadia. Bajaga-jaga ka' otaha'imani ahi' totu-totu'u na balakat anu obee'je mae hi beleyum de i Yesus Kristus po'ule'mo toka saidi' mae.

1 PETRUS 1:7

Anu nupatui aijo'mo kahanda' momponyata' pa' komiu totu-totu'u palesaya hi Tumpu kabai madi'. Mosoni' pe'e anu timbali ma'idek, o uji' nu apu. Jadi, palesaya miu anu totu-totu'u molingkudui oli nu mosoni', jadi tionyo ahi' o uji' suele da timbali mahoson. Ka' tiba jalan sumo aijo' komiu o puji' ka' o angga'i tiba opopodaka' toka i sinaa-Nyo de i Yesus Kristus po'ule'mo toka.

1 PETRUS 4:13

Ola ahi' komiu sabenannyo mongoa'i sanang kalana sansalamo hingga-hinggat tiba i Kristus. Sahingga de saidi' mae katalasanggoan i Kristus opotoamo, komiu balame-lame'je.

1 YOHANES 2:28

Jadi to ana-anakku, saja' ahi' tumuu' mosa'angu' tiba i Kristus, da saidi' mae de tempo'nyomo Ia toka, kita buke-buke' nu kabaanian na mangadap hi Ia, ka' madi' maninsuluk kalana ma'ambang.

1 YOHANES 3:2

To Utu-utus anu okanonongi! Kita tempo' uuka to ana-anakmo nu Tumpu, panyo mosia na ka'ada'anto saidi' mae ma'isa nanasa. Panyo osumbu'to, saba' de i Kristus tokamo, kita timbalimo sumo Ia, kalana kita montoamo Ia anu sahondo-hondo-Nyo.

ANU PINOTO'I HI YOHANES 1:7

Toa, Ia toka mae nu saput nu kundom! Iwi-iwi' na mian montoa Ia, ka' suele aha anu nonjalo'mo Ia. Iwi-iwi' na bansa i dunia mohangi Ia. Memang, totu-totu'u! Amin!