LUKAS 17:25 - KITAB NU TUMPU ALLA LELE MA'IMAI'

²⁵ Panyo momonanyo Ia tionyo mongoa'i manjoo' na kasansala'an ka' madi' otalima nu to mia-mian tempo' uuka.

LUKAS 17:25 Iomraidhean Croise

YESAYA 53:3

O, aluntomo ka' opatikojo'oni mo na ia, mian anu saja' sansala ka' biasa mongoa' sakit. Madi' ko samian pe'e na ka'oho' montoa ia, ka' kita suele madi' mompalahatikan ia.

MATIUS 16:21

I mulaan lengkat tempo'nyo aijo', i Yesus notatae pinotantu-Nyomo hi anu saja' mombatuki Ia, tukoonyo Ia tionyo mamba i Yerusalem, ka' mongoa'i manjoo' na kasansala'an lengkat i to pola-polaya', to ima-imam kapala ka' to gulu-gulu' agama. Ia tionyo o silakai, panyo sinaa kototolu'nyo Ia po'ule'mo opotumuu'.

MATIUS 21:42

Saba' i Yesus notatae hi aha, “Ma'isa toho' komiu nombasa' anu tinulis i uno nu Kitab nu Tumpu? ‘Batu anu madi' opake nu tukang bangunan tinimbalimo batu anu talalo o palalui. Sumo aijo' na palabuatan nu Tumpu; palias na ko ima'nyo!’ ”

MARKUS 10:33

“Hongomo”, na koo-Nyo, “kita u'uka hau-haunyo mokiijo'mo i Yerusalem. Kiijo' mae Anak nu Mian obee'mo hi to kapa-kapala nu imam ka' to gulu-gulu' agama. Ia o hukumo mate; lapas aijo' obee'mo hi to mia-mian anu misa' Yahudi.

MARKUS 12:10

Komiu tantu nombasa'mo ayat aiya i uno nu Kitab nu Tumpu Allah, ‘Batu anu madi' opake nu anu mombau bangunan tinimbalimo batu anu talalo opalalui.

MARKUS 8:31

Lapas aijo', i Yesus nontampu'unimo nongajan anu saja' mombatuki Ia tukoonyo, Anak nu Mian tionyo mongoa'i manjoo' na kasansala'an, ka' ogagakon nu to pola-polaya', kapala nu to ima-imam, ka' to gulu-gulu' agama. Ia opatei, panyo i sinaa kototolu'nyo Ia po'ule' opotumuu'.

MARKUS 9:31

kalana Ia hau-haunyo mongajan anu saja' mombatuki Ia. “Anak nu Mian obee'mo i kuasa nu mian,” sumo aijo' na koonyo i Yesus, “ka' Ia opatei, panyo sinaa ko totolu'nyo Ia po'ule'mo tumuu'!”

LUKAS 18:31

I Yesus nomposihuk sampu-sampulu' ka' ohua' na anu saja' mombatuki Ia, ola posi aha, lantas Ia notatae. “Potombihing! Kita uuka mambamo mokiijo' i Yerusalem. Kiijo' mae iwi-iwi' na anu tinulismo nu to nabi-nabi mongkona Anak nu Mian, timbalimo.

LUKAS 18:33

Aha monsakisa ka' mompateimo Ia, panyo i sinaa ko totolu'nyo, Ia po'ule'je tumuu'.”

LUKAS 24:46

Lantas Ia notataemo hi aha, “I uno nu Kitab nu Tumpu tinulis, tukoo-Nyo, ‘Tomundo anu Momposalamat tionyo mongoa'i sansala ka' tionyo pu'ule' tumuu' lengkat i kasilakan i sinaa kototolu'nyo.’

LUKAS 9:22

I Yesus po'ule' notatae, “Anak nu Mian memang tionyo mongoa'i sansala manjoo', ka' nu ewa nu to pola-polaya' tiba kapala nu to ima-imam, ka' gulu-gulu' agama. Ia tionyo o patei, panyo sinaa kototolu'nyo po'ule'mo opotumuu'!”

YOHANES 1:11

Ia tinoka i posi lipu'-Nyo panyo bansa-Nyo madi' montalima Ia.

YOHANES 12:38

Sahingga tinimbalimo apaa na anu tinaloakonmo i Nabi Yesaya, “Tumpu, ihemo na palesaya i lele anu opo lele mami? Hi ihena pompotoaan kuasa nu Tumpu?”

1 SAMUEL 10:19

Aku nompobebasmo belemiu da boli sansala ka' mongoa'i kasusa'an, panyo uuka aiya belemiu madi'mo nompajuli Aku, Tumpu Allah nu belemiu, kalana belemiu nompoitamo da Aku montiju' samian anu bau tomundo' nu belemiu. Jadi ma'ima'mo sihukmo mae aiya i ahop-Ku Tumpu Allah nu belemiu iwi-iwi' na tulunan nu bansa gampa mae nu belemiu.’ ”

1 SAMUEL 8:7

ka' Tumpu notataemo, “Popo ii'mo na poitaon iwi-iwi' nu aha bansa aijo' hi beleyum. Kalana misa' beleyum na madi'mo nu ala nu aha, panyo Aku ahi'. Aha madi'mo daagi mongala Aku bau tomundo' nu aha.