LUKAS 17:2 - KITAB NU TUMPU ALLA LELE MA'IMAI'

² Lebe ma'ima' de batu ponggiling oposegot i gogohongnyo, lantas ia o alin i uno nu ambai, ka' de mule' ia monsaduakon sala'samian na to mia-mian ise' aiya mombau dosa'.

LUKAS 17:2 Iomraidhean Croise

YESAYA 40:11

Susumo samian na polaya' nu binatang na Ia mompotuu', potuu'on-Nyo; Ia na nomposihuk aha. To ana-anak nu domba Nu tangkung mae, madi' Ia monsigohi mae na montuntuni to tina-tinanyo.

ZAKHARIA 13:7

Tumpu Anu Daka' na kuasanyo notatae, “Tinjomo mae o, bajak ka' tumbuhimo na polaya' potuu'on anu mokalaja hi beleng-Ku! Pateimo na Ia sahingga to domba-domba mosungke-sungkehetmo. Kutumbuhimo na mian anu palesayamo hi beleng-Ku,

MATIUS 17:27

Panyo boli kita monsinggung kinyonyoa nu to mia-mian aijo'. Jadi, lako'mo pokiijo'mo i dowiwi da momeka. Ala na ikan momona i humpakum. I uno nu nganga'nyo aijo' beleyum mohumpakje doi anu sukup bau pombayan hasin nu kita ohua'. Ala na doi aijo' ka' bayan hi aha na hasin nu Laigan nu Tumpu.”

MATIUS 18:10

“Jaga! Boli mompopo'ambang sala'samian na to mia-mian anu ise' aijo'. Kalana, o inau'mo, na to mala-malaikat, aha saja' i ahop nu Tuumang-Ku i suluga'. [

MATIUS 18:14

Sumo aitumo na Tuumaum i suluga' madi' mongka'oho' sala'samian lengkat hi to mia-mian anu sala'je palesaya hi beleng-Ku aiya, sala' jalan.”

MATIUS 26:24

Memang Anak nu Mian tionyo mate, sumo anu tinulis i uno nu Kitab nu Tumpu. Panyo silaka na mian anu mongkabisa'i Anak nu Mian! Lebe ma'ima' na mian aijo' de ia madi' pinohampe!”

MARKUS 9:42

Ihe na monsaduakon sala'samian lengkat hi to mia-mian anu ise' aiya madi'mo palesaya hi beleng-Ku, sahanyo de batu ponggilingan oposegot i bokoko'nyo, ka' ia o alin i uno nu ambai.

YOHANES 21:15

Noko kaan na aha, i Yesus notataemo hi Simon Petrus, “Simon anak i Yona, apaa beleyum lebe mongkalibosi Aku, molingkudui pongkalibosi nu aha aiya hi beleng-Ku?” “Totu'u, Kita Tumpu,” tinaaman i Petrus. “Nu sumbu' nu Kita Tumpu na aku mongkalibosi Kita Tumpu.” I Yesus notatae hi ia, “Palakaiyakon na to ana-anak nu dombang-Ku.”

1 KORINTUS 9:15

Panyo ma'isa toho' aku nompake hak haha aijo' mau pe'e sangahan. Ka' aku nontulis sulat aiya misa' mule' ko kahanda' da anu haha aijo' obee'mo uuka hi belengku. Lebe ma'ima' aku silaka ka' de mule' ola talabakas na anu ku kabubuulakon aijo'.

1 KORINTUS 9:22

Hi aha to mia-mian anu kapalesaya'annyo madi' mahoson, aku mule' montiho sumo samian anu kapalesaya'annyo madi' mahoson, da aku timbali moko ala mongendei aha da timbali mombatuki i Kristus. Memang, aku tinimbalimo sumo anu iwi-iwi' aijo', kalana kapalaluan nu iwi-iwi' mian da mau mule' mosiamo na jalan timbali na aku momposalamat sambagian na aha.