LUKAS 16:9 - KITAB NU TUMPU ALLA LELE MA'IMAI'

⁹ Lantas i Yesus po'ule' notatae, tukoo-Nyo, “Hongo! Pakemo na kakaya'an nu dunia aiya da mohumpak sangalu, da de kakaya'an nu dunia aiya madi'mo ko olinyo, komiu otalimaje i tampat kajojoongan anu sidu-sidutu'.

LUKAS 16:9 Iomraidhean Croise

MAZMUR 73:26

Maumo ahi' santuu'ku ka' butongku madi'mo moko ala mombau apa-apaa, Belento na timbali bau kahosonanku, o, Tumpu; Belento na anu talalo ku taha'imani sampe toka sidu-sidutu' molingkudui iwi-iwi' apaa na anu daagi' hi belengku.

AMSAL 14:24

Mian anu pande opuji' kalana kapandeannyo; panyo mian anu punga' osumbu' kalana kaponga'annyo.

AMSAL 19:17

Montulungi mian anu kasiasi pokakanamo sumo monsaboli Tumpu; Tumpuje suele na mombalosakon.

AMSAL 23:5

Kalana, ola sangkinihap halata' nu beleyum aijo' lanyapmo sumomo ia anu ko polipiknyo ka' lumahap mokiita' i langa susumo bonyia'.

ANU MOMPOLELE POTATAE NU TUMPU 11:1

Balanjakon na doi nu beleyum isa'angu' na usaha kiijo' mae ilipu' anu isantano'an. Beleyum tionyo mohumpak kauntungan imihinyo mae.

YESAYA 57:16

Madi' sampe toka sidu-sidutu'mo na Aku mompisala'i mian anu palesayamo hi beleng-Ku; madi' ahi' saja'mo Aku motambuha', da boli hente na kinyonyoa nu aha, padahan Akumo aiya na mompotumuu' aha.

DANIEL 4:27

Kalana aijo' tionyo ahi' belento Tuanku montuluti pokinde'ku. Bolimo belento Tuanku po ule' mombau dosa', panyo anu ma'ima' ka' anu adin na saja' obau ka' mongkalibosi ahi' anu kasiasi. Tiba jalan anu sumo aijo' belento Tuanku tataap tumuu' bilahi.”

MATIUS 19:21

I Yesus notatae hi ia, “De beleyum mongkahanda'i da timbali mian anu madi' kokasala'annyo, lako' pobaluk iwi-iwi' na halata'um. Bee' na doinyo hi mian anu kasiasi, ka' beleyum mohumpakje halata' anu i suluga'. Lapas aijo', tokajemae mombatuki Aku!”

MATIUS 6:19

“Boli molimu' halata' da bau kapalaluan nu butongum i dunia, iya na ane' ka' atak timbali mongidei, ka' tololang toka montomang.

MATIUS 6:24

“Madi' ko samian pe'e timbali mokalaja hi ohua' na tuan. Kalana ia lebe mongkalibosi samian molingkudui anu sangga'at. Kabai ia lebe mohongo-hongo hi tuan samian molingkudui sangga'at. Sumo aitu suele na komiu. Komiu madi' timbali mokalaja bau kapentingan nu Tumpu ka' bau kapentingan suele i halata'.

LUKAS 11:41

Anu i uno nu mangko' ka' i leanum aijo', aijo'mo na anu tionyo obee' miu hi to mia-mian anu kasiasi. Tiba jalan aijo', iwi-iwi' timbalije mompobelesi' butong komiu.

LUKAS 12:33

Pobaluk na anu daagi' hi beleyum ka' bee' na doinyo hi mian kasiasi. Pombaumo dompet bau kapentingan nu butongum, anu madi' toho' ma'idek, aijo'mo halata' anu opo una' i suluga'. Halata' aijo' madi' ko kapolapusannyo, kalana madi' nupoko ala nu anu buling, ka' atak madi' moko ala mongidei.

LUKAS 14:14

Beleyum obalakati, kalana mian haha aijo' madi' moko ala mombalosi ka'ima'anum. Ka'ima'anum nubalosije nu Tumpu, de to mian-mian anu ma'ima' po'ule'mo je opotumuu' mau ia silakamo.”

LUKAS 16:11

Jadi, de mongkona kakaya'an nu dunia aiya komiu madi'mo timbali palesaya, ihe na mongka'oho' mompalesayakon hi komiu kakaya'an nu santuu'?

LUKAS 16:13

Madi' ko samian moko ala mombau kalaja hi aha ohua' na tuan; kalana ia lebemo mongkalibosi samian lantas sangga'at madi'mo. Sumo aijo'mo mule' na komiu. Komiu madi' moko ala mombau kalaja nu Tumpu Allah ka' mule' halata' nu dunia aiya.”

LUKAS 16:4

Aku ko akan; de aku opobelenti, ku'usahakon da manjoo' na sangalu anu mongka'oho' montalima aku i laigan nu aha!’

SISIKON NU TO RASUL-RASUL 10:31

Ia notatae, ‘Kornelius! Tumpu nontalimamo do'a nu beleyum ka' monginau' ka'ima'an nu kinyonyoaum.

SISIKON NU TO RASUL-RASUL 10:4

I Kornelius nontonto'i Malaikat aijo' ka' nabuhukmo lantas notatae, “Daagi' ko apaa Tuan?” Tinaaman nu malaikat aijo', “Do'aum ka' ka'ima'an nu kinyonyoaum tinalimamo nu Tumpu ka' Tumpu nonginau'mo beleyum.

2 KORINTUS 4:17

Ka' kasusa'an anu madi' tala-talalomo sumo aiya, anu o'oa'i mami ola sasaingoni', mompodaagi'je hi kami sa'angu' na kabilahian anu madi' ko gampanyo ka' sampe toka sidu-sidutu'. Kabilahian aijo' lebe daka' molingkudui kasusa'an ai-aijo'.

YUDAS 1:21

ka' saja' ahi' tumuu' i uno nu kakuasa'an nu kalibosan nu Tumpu, hau-haunyo komiu montanda'i balakat i Yesus Kristus Tumpunto, anu mombee'ije kantumuu'an kopian hi komiu sampe toka sidu-sidutu'.