LUKAS 16:25 - KITAB NU TUMPU ALLA LELE MA'IMAI'

²⁵ Panyo i Abraham nontaami, ‘Tutugi anakku: Salatanmo pe'e tinuu'um, beleyum nohumpakmo anu toto ima-ima'; sadang i Lazarus nohumpak anu toto ide-idek. Uuka ia sanangmo i aiya, ka' beleyumo na sansala.

LUKAS 16:25 Iomraidhean Croise

AYUB 22:18

Padahan Tumpu Allah na anu nompokayamo aha! Aku totu-totu'u madi' hondo monsumbu-sumbu' pikilan nu mian anu ma'idek na kinyonyoanyo!

MAZMUR 17:14

Boli mae na aku nupoposia nu to mia-mian anu montambun halata' nu aha i dunia aiya. Hukum na aha nu balaa' anu pinotoukamo nu Belento pohukum aha. Ka' to maku-makumpu nu aha suele ahi' o hukum.

MAZMUR 49:11

Madi', memang ia montoaje saidi' mae saba' maumo ahi' mian anu pande suele ahi' mate. Mian anu talalo ahi' waweng ka' ponga' bubu' silaka, ka' mompala'imo halata'nyo baumo bagi nu mian sangga'at.

MAZMUR 73:7

Kiijo' i uno nu kinyonyoa nu aha tombulokmo maena kalakuan anu ma'idek, aha saja' mompopikilakon tanga'an anu toto ide-idek.

MOHAANGI 1:7

Salatan i hansunmo na kota' ka' sinansalamo, Yerusalem tinonginau'mo tempo'nyo naipuan mae, tempo'nyo ia daagi' ko halata'; mosia na miannyo anu jojoong i kiijo' pinatundu'mo nu sampobali', ka' madi' ko samian pe'e na tinoka nontulungi. Sampobali' haha aijo' ola ahi' mongkokojoi na montoa kahansunannyo.

DANIEL 5:30

Pihi-pihimo aijo' na i Belsyazar tomundo' nu Babel aijo' pinatean.

MATIUS 27:63

ka' notatae, “Kita Tuan, kami tinonginau'mo tempo'nyo mian anu baleko' aijo' daagi' tumuu', Ia toho' notatae, ‘Sailapas tolunsinaa, Aku po'ule'mo tumuu'.’

MARKUS 9:45

De tengkeum mombau beleyum baladosa', kolongi na tengkeum. Sahanyo beleyum tumuu' tiba Tumpu mau ola sambiha' na tengke, de mule' beleyum ua-uambiha' na tengke o alin i uno nu nalaka. [

LUKAS 16:20

I ahop nu sabatan nu laigannyo, pino'una' samian na anu kasiasi sanggonyo i Lazarus. Butongnyo kaho bela.

LUKAS 16:23

Mian kaya aijo' suele i nate ka' i lamun. I dunia nu mian mate aijo' sinansala hondo. Ka' tempo'nyo ia nontanggalakon aijo' mae nokiita' i bawo, tinoanyo na i Abraham i tampat majo'on, ka' i Lazarus i sohipi' i Abraham.

LUKAS 16:26

Ka' mule' aitu i olotum ka' kami binaumo na keles daka', de mian lengkat mae aiya madi' moko pokiijo', ka' anu lengkat mae aijo', madi' moko po'uuka mae!’

LUKAS 6:24

Panyo silaka na komiu anu kaya uuka aiya; kalana komiu nongoa'imo kasanangan!

YOHANES 16:33

Iwi-iwi' aiya Ku taloakon da komiu mohumpak ka' ima'an, kalana mosa'angu' tiba Aku. I dunia komiu sansala, panyo potataap na kinyonyoa miu! Ihungku'ankumo na dunia!”

SISIKON NU TO RASUL-RASUL 14:22

I kota-kota aijo' aha nompaka pohoson kinyonyoa nu anu saja' mombatuki Yesus ka' nompokinde'i anu saja' mombatuki aijo' da tataap palesaya hi Yesus. “Kita tionyo manjoo' na mongoa'i sansala i moonanyo, atina'je ka' kita mongoa'i ka'ima'an nu Dunia Bu'ou nu Tumpu,” sumo aitumo na to rasul-rasul aijo' mongajanakon hi anu saja' mombatuki Yesus i to kota-kota haha aijo'.

ROMA 8:7

Mian anu pikilannyo kinuasanmo nu sipat nu mian, mian aijo' mompaha bali'mo tiba Tumpu; kalana mian aijo' madi' mohongo-hongo atulan nu Tumpu; ka' memang ia madi' moko ala mohongo-hongo atulan nu Tumpu.

PO'ULE' INGULIT 28:17

Okutukimo na gandum nu belemiu anu pinadakmo ka' anu okaan gandum na anu binau miu aijo'.

FILIPI 3:19

Kantumuu'an nu to mia-mian anu sumo aijo' mingahenje nu kapatean, kalana pilogot nu aha aijo'mo apaa na anu nu nuka'ima'i nu butong nu aha. Hahan anu mongambangi, aijo'mo ahi' na anu nunu kabubuulakon nu aha; kalana aha mompopikilakon ola saja' anu mompahakona tiba dunia aiya.

1 TESALONIKA 3:3

Tiba jalan anu sumo aijo' madi' ko samian pe'e itina' hi komiu na anu tolo sule' kalana saja' mongoa'i kasansala'an-kasansala'anto anu sumo aiya. Posi komiu monsumbu'mo saba' kasansala'an-kasansala'an anu sumo, aijo' ninsoopmo i uno nu tanga'an nu Tumpu kona hi kita.

IBRANI 11:25

Ia lebe mongka'ima'i hingga-hinggat mongoa'i sansala tiba mian anu palesayamo hi Tumpu, asan boli mongoa'i kasanangan i kantumuu'an anu baladosa' anu ola sasaingoni'.

1 YOHANES 2:15

Boli mongka'ima'i dunia aiya, kabai mau mule' pa' apaa na anu i uno nu dunia aiya. De komiu mongka'ima'imo dunia, komiu madi'mo mongka'ima'i Tuuma.

ANU PINOTO'I HI YOHANES 7:14

“Aku madi' monsumbu', Tuan. Posi i Tuanmo na monsumbu',” tinaamanku. Sahingga ia notatae hi belengku, “Aiyamo na to mia-mian anu sinalamatmo anu noko lapasmo na nongoa'i kasansala'an anu daka' hondo. Aha nombaso'imo juba' nu aha nu baso' nu Anak nu Domba aijo' da mopute'.