LUKAS 16:22 - KITAB NU TUMPU ALLA LELE MA'IMAI'

²² Mian kasiasi aijo' imihinyo mae natemo, lantas binoa nu malaikat i tampat anu ko angga'nyo i sohipi' i Abraham i suluga'.

LUKAS 16:22 Iomraidhean Croise

AYUB 21:13

Sansina-sinaa na kantumuu'an nu aha mingahen i kabilahian, ka' de silakamo sanang hondo na kinyonyoa nu aha.

AMSAL 14:32

Mian anu ma'idek na kinyonyoanyo mohumpak kabinasa'an kalana palabuatannyo anu ma'idek; panyo mian anu manonong madi' opoposia kalana hodi' na kinyonyoanyo.

ANU MOMPOLELE POTATAE NU TUMPU 8:10

Toho' mule' tinoangku na mian anu ma'idek na palabuatannyo sinilaka ka' ilamun. Panyo salatan mian ninsusule'mo lengkat mae i pinolamunan aha nompuji'mo ia i kota' tampat anu pinombauannyo han anu ma'idek. Jadi aijo' mule' madi' ko gunanyo.

YESAYA 14:18

Iwi-iwi' na anu toho'mo tinimbali tomundo' nu aha to bansa-bansa ilamun binau ahi' na adatnyo ima-ima' ikubulan nu aha toto samian,

YESAYA 22:16

“Pa' koonyo nu beleyum, ihe na beleyum aiya? Apaa na hak nu beleyum sahingga beleyum mompa'atimo bau kubulan nu beleyum i puge'nyo nu batu?

MATIUS 18:10

“Jaga! Boli mompopo'ambang sala'samian na to mia-mian anu ise' aijo'. Kalana, o inau'mo, na to mala-malaikat, aha saja' i ahop nu Tuumang-Ku i suluga'. [

MATIUS 24:31

Tolompet anu daka' pino'onyi'mo, ka' Anak nu Mian monsaimo to mala-malaikat-Nyo molimu' mian-Nyo anu palesayamo lengkat mae i pasu' alam opat nu dunia, lengkat mae i puus nu langit sa'angu', toka i puus nu langit sangga'at.”

MATIUS 8:11

Totu'u! Manjoo' na mian anu tokaje lengkat mae i kabete'an tiba kinsoban da balame-lame' hingga-hinggat tiba i Abraham, i Ishak, ka' i Yakub, i uno nu Dunia Bu'ou nu Tumpu.

MARKUS 8:36

Apaa na untungnyo hi toto samian, de songko-songko na dunia aiya timbalimo anunyo, panyo ia madi' matantu na kantumuu'annyo?

LUKAS 12:20

Panyo Tumpu notatae hi ia, ‘O anu ponga'! Pihi uuka mule' beleyum matemo, lantas ihemo ahi' na mohumpak iwi-iwi' kakaya'an anu ilimu'umo bau kapentingan nu butongum?’

LUKAS 16:21

Ia ka'oho' mongisi kompongnyo nu laaya' anu manabu' lengkat i meja' nu mian kaya aijo'. Dedeng pe'e saja' toka mojila'i belanyo.

YOHANES 1:18

Madi' ko anu toho'mo nontoa Tumpu, de misa' anak nu Tuuma anu samba-sambatumo, anu pokakana tiba Tuuma ka' anu mompahakona hondo Ia. Ia na anu momponyata' Tuuma hi kita.

YOHANES 13:23

Anu saja' mombatuki nunu kalibosi Yesus suha-suhang i sohipi' i Yesus.

YOHANES 21:20

Salatan i Petrus nosiloi, ia nontoa i hikunyo anu saja' mombatuki nunu kalibosi Yesus. (Iamo na anu sinumuhang oha-ohani Yesus tempo'nyo nongkaan, ka' anu nompokilawa hi Ia, “Ihe na saidi' mae monguwesani Tumpu?”)

IBRANI 1:14

Desumo aijo', to mala-malaikat haha aijo' ihe ahi' na sabenannyo na aha? Aha aijo'mo na to roh-roh anu mombau apaa na anu nu pokauhakon nu Tumpu, ka' anu nu palentah nu Tumpu Allah, da montulungi to mia-mian anu mohumpak kasalamatan.

IBRANI 2:14

Kalana to mia-mian anu sinanggo-Nyo anak aijo', atina'mo mian anu timbali silaka, jadi i Yesus tinimbalimo pokakana sumo aha ka' tinumuu'mo pokakana sumo mian. Ia nombau sumo aijo', da kalana Ia sinilaka sumo aijo' Ia timbali mohopu'i Ibilis anu mongkuasai kapatean.

YAKOBUS 1:11

De bete'mo na sinaa ka' panasnyo talalomo mahangehes, sahingga hemput aijo' mangkalualemo ka' bunganyo mohudu'mo ka' madi'mo ma'ima'. Sumo aitumo singkona na mian kaya; ia silaka hau-haunyo ia mompojalan usahanyo.

1 PETRUS 2:24

Posi i Kristus na nonsimbu to dosa-dosa'to i butong-Nyo aita' i kau' salib da kita opobebas i kuasa nu dosa', ka' tumuu' mombatuki pongka'oho' nu Tumpu. Iwi-iwi' bela i Kristus na anu mompa'alin belemiu.

ANU PINOTO'I HI YOHANES 14:13

Lantas aku nohongo potatae lengkat mae i suluga' nontaloakon, “O tulis na aiya: Otampu'uni uuka aiya, mohumpakmo ka'ima'an na to mia-mian anu sinilakamo tempo'nyo saja' nombau anu pinalentahkonmo nu Tumpu!” “Totu'u!” tinaaman nu Roh nu Tumpu. “Aha madi'mo pagala mokalaja, kalana hasin nu kalaja nu aha aijo'mo na nomboa aha nohumpak ka'ima'an.”