LUKAS 16:2 - KITAB NU TUMPU ALLA LELE MA'IMAI'

² Sahingga i laganyo na pongulus doi aijo' ka' notatae, ‘Mosia na uuka anu i hongongkumo mongkona beleyum? Uuka aiya bee'mae hi belengku na lapulan iwi-iwi' nu kalajaum nongatun kakaya'anku. Beleyum madi'mo daagi' timbali mongulus doingku.’

LUKAS 16:2 Iomraidhean Croise

ANU MOMPOLELE POTATAE NU TUMPU 12:14

Tumpu na saidi' mae momputusi iwi-iwi na palabuatanto, anu ma'ima' tiba anu ma'idek, ka' mule' anu sulu-suluk.

MATIUS 12:36

Jadi, o inau': I Sinaa nu Kiamat, toto samian tionyo nu akui apaa na anu tinaloakonnyomo anu madi' ko gunanyo.

MATIUS 20:8

Ohanimo malom, tumpu nu ale' nu anggur aijo' notatae hi mandonnyo, ‘Lagamo na anu mokalaja aijo' ka' bayanmo na tamboo nu aha toto samian, otampu'uni lengkat hi mian anu ninsoop i mihi toka hi aha anu moona ninsoop.’

LUKAS 12:20

Panyo Tumpu notatae hi ia, ‘O anu ponga'! Pihi uuka mule' beleyum matemo, lantas ihemo ahi' na mohumpak iwi-iwi' kakaya'an anu ilimu'umo bau kapentingan nu butongum?’

LUKAS 12:42

Tumpu nontaami, “Ihe na posaihon anu mohongo-hongo ka' pande, sahingga i hangkat nu tuannyo timbali kapala nu to posa-posaihon sangga'at da ia mombee'i aha mongkaan toka i tempo'nyo?

LUKAS 16:1

I Yesus notatae hi anu saja' mombatuki Ia, “Daagi' ko samian anu kaya. Ia daagi' ko samian anu binee'anmo kalaja mongulus doi ka' mongatun kakaya'annyo. Mian kaya aijo' nohumpak lapulan, tukoonyo pongulus doi nombeasakon doinyo.

LUKAS 16:3

Saba' pongulus doi aijo' binapikin, ‘Apaa na kubau uuka? Tuanku ka'oho'mo mompobelenti aku. Mompason, aku madi' mahoson; lewa' momoita aku ma'ambang.

ROMA 14:12

Jadi kita toto samian tionyo mongakui iwi-iwi' apaa na anu binauntomo hi Tumpu.

1 KORINTUS 1:11

Kalana, to mia-mian anu lengkat mae hi sa'anakan i Kloë nompoto'imo hi belengku tukoonyo daagi' kino painggagaan itina' hi komiu.

1 KORINTUS 4:2

Anu momona pagala opoita hi to posa-posaihon anu susumo aijo' madi' kosangalasannyo aijo'mo da ia mohongo-hongo tuannyo.

1 KORINTUS 4:5

Mokonyo aijo', kalana misa' pe'e tempo'nyo, boli komiu lia-lia' montantukan batu-batu mian kosala'nyo kabai madi'. Tanda'i tokaje na Tumpu. Iaje na mompoto'i iwi-iwi' lahasia anu sulu-suluk i uno nu pintung. Iaje na mompotalang tanga'an anu sulu-suluk i uno nu kinyonyoa nu mian. Tempo'je aitu ka' batu-batu mian mohumpak pompuji' lengkat hi Tumpu anu patut nu talima.

2 KORINTUS 5:10

Kalana memang kita iwi-iwi' tionyo mangadap hi Kristus na momputusi, ka' toto samian mohumpak balosnyo pokakana tiba anu binaunyo i dunia aiya – anu binaunyo ma'ima' kabai ma'idek.

1 TIMOTIUS 4:14

Boli beleyum batuk moluluk na mompake balakat lengkat hi Roh nu Tumpu anu binee'mo hi beleyum tempo'nyo to pola-polaya' nu jama'at nompotudumo lima nu aha atina' i ubakum, ka' to nabi-nabi nompokambotmo potuunon nu Tumpu mongkona butong nu beleyum.

1 TIMOTIUS 5:24

Dosa' nu sambagian mian mau ma'isa pe'e oputusi, nanasamo na nontoa. Panyo dosa' nu mian sangga'at osumbu'je de lapasmo na mongulus.

1 PETRUS 4:10

Belemiu toto samian nohumpakmo taju anu madi' pokakana lengkat mae hi Tumpu. Kalana aijo' salaku mian anu nonggunakonmo ima-ima' apaa na anu binee'mo nu Tumpu, ogunakon ahi' na kahosonan aijo' bau kapalaluan hingga-hinggat.

1 PETRUS 4:5

Panyo aha saidi' mae tionyo mosadia bau pontaami apaa na anu binaumo nu aha hi Tumpu anu sasadiamo momputusi mian tumuu' ka' anu sinilakamo.

ANU PINOTO'I HI YOHANES 20:12

Ka' aku nontoamo to mia-mian anu sinilakamo, anu daka'mo ka' anu daagi' ise', tinuminjo i ahop nu kasuhangan aijo'. Sahingga to kita-kitab suele pinaha buka'mo. Lantas sa'angu' na kitab sangga'at binuka'mo, atina'mo Kitab nu Mian anu Tumuu'. Lapas aijo' hukuman inabu'akonmo hi mian anu sinilakamo, sitimbang tiba anu binaumo nu aha susumo anu tinulismo i uno nu kitab haha aijo'.