LUKAS 16:16 - KITAB NU TUMPU ALLA LELE MA'IMAI'

¹⁶ Atulan anu binee' i Musa tiba ajalan nu to nabi-nabi, tataap o pake sampe tempo'nyo i Yohanes anu Mompalamandikan. Mulai tempo' aitu, Lele Ma'ima' mongkona mosia na Tumpu mompalentah susumo Tomundo, saja'mo i leleakon. Ka' mian mompakisakon butong da timbali minsoop mian anu palesayamo hi Tumpu.

LUKAS 16:16 Iomraidhean Croise

MATIUS 10:7

Sisikakon hi aha saba' Tumpu tokamo lia-lia' mompalentah sumo Tomundo'.

MATIUS 15:11

Anu minsoop i nganga' madi' mombau da mian aijo' mahumimi'; ola ahi' anu mosabat lengkat i nganga'nyo, aijo'mo na anu mompotimbali ia mahumimi'.”

MATIUS 21:32

Kalana i Yohanes anu Mompalamandikan tinoka, ka' nompotiju' hi komiu mosia na tumuu' anu nu kahanda'i nu Tumpu, panyo komiu madi' mongka'oho' palesaya i pangajalannyo; panyo anu saja' montage hasin ka' to bou-boune masala' palesaya hi ia. Panyo mau mule' komiu nontoamo iwi-iwi' aijo', komiu madi' ahi' mombali'i pikilan miu ka' madi' palesaya hi Tumpu.”

MATIUS 3:2

“Balatobatmo bolimo mombau dosa-dosa' miu,” tukoonyo, “kalana Tumpu mompalentahmo sumo Tomundo!”

MATIUS 4:17

Lengkat tempo'nyo aijo' i Yesus nontampu'unimo nompolele, “Balatobatmo bolimo komiu mombau dosa-dosa' miu, kalana Tumpu Allah malia'mo mompalentah sumo Tomundo!”

MATIUS 4:23

I Galilea, i Yesus nonsongkohi iwi-iwi' na lipu' ka' nongajan i laigan pogalejaan. Ia nompolele Lele Ma'ima' tukoonyo Tumpu tionyo mompalentah. Ka' Ia mule' nompa'alin to mia-mian anu masakit ka' anu madi' sampa' na butongnyo.

MARKUS 1:14

Salatan i Yohanes tinalungku', i Yesus namba nokiijo' i Galilea, ka' noleleakon Lele Ma'ima' lengkat hi Tumpu i kiijo' mae.

MARKUS 1:45

Panyo mian aijo' namba, ka' lau-laus saja' nonsisik anu jinadi aijo' iyayamae sampe i Yesus ola ninsoop hoko-hokot i kota. Ia ola jinojoong i sambiha' nu kota i tampat anu liing. Mau sumo aijo' mian saja' toka hi Ia, lengkat iyayamae.

LUKAS 10:11

‘Ka' mule' abu' nu kota'um anu matikampit i tengke mami, o sapuakon mami sumo salaku pokinde' hi beleyum. Panyo osumbu'mo saba' malia'mo na tempo'nyo Tumpu montampu'uni mompalentah sumo Tomundo hi komiu!’

LUKAS 10:9

Opa'alinakon na to mia-mian anu masakit i kota aijo', ka' opoto'i hi to mia-mian i kiijo'. ‘Tumpu malia'mo montampu'uni mompalentah sumo Tomundo hi komiu.’

LUKAS 16:29

I Abraham nontaami, ‘Aha ko kitab-kitabmo i Musa tiba kitab nu to nabi-nabi! Bakas aha montulutije apaa na anu tinulismo i uno nu kitab-kitab aijo'!’

LUKAS 16:31

Panyo i Abraham notatae, ‘De aha madi' mompajuli palentah i Musa ka' to nabi-nabi, tantu ahi' aha madi' palesaya mau mule', ko anu i nate po'ule' tinumuu'.’ ”

LUKAS 9:2

Lapas aijo' Ia nompokau aha namba nompa'alinakon mian masakit, ka' mompolele lele mongkona mosia na Tumpu mompalentah sumo Tomundo.

YOHANES 1:45

I Filipus siningkabot tiba i Natanael ka' notatae hi ia, “Kami siningkabotmo mian anu sisinanggo i Musa i uno nu kitab Atulan nu Tumpu ka' anu bibinebakonmo nu to nabi-nabi. Aijo'mo Ia i Yesus anu lengkat mae i Nazaret, anak i Yusuf.”

YOHANES 11:48

De kita ola mompopilaya saja' sumo aitu-Nyo, iwi-iwi' na mian palesayamo hi Ia. Ka' ahennyo anu mongkuasai Roma toka mongidei Laigan nu Tumpu ka' iwi-iwi' na bansanto!”

YOHANES 12:19

Sahingga to mia-mian Farisi notatae samian ka' samian, “Kita madi' moko ala mombau apa-apaa! Toamo ahi', songko-songko na dunia mamba mombatuki Ia!”

YOHANES 5:4

Kalana toto minsan malaikat nu Tumpu mintatau' i talaga aijo' ka' mongkembong ueenyo. Ka' mian masakit anu momona makakiop i talaga aijo' de ueenyo mokokembongmo tionyo ma'alin mau mule' panyakit apaa na o'oa'i.]

SISIKON NU TO RASUL-RASUL 3:18

Ka' kalana aijo'mo na jinadi suele apaa na anu noko poto'imo nu Tumpu u'utu mae hi to nabi-nabi-Nyo, anu pinotokanyomo hi komiu saba' Tomundo anu Momposalamat anu jinanji'mo aijo' tionyo mongoa'i sansala.