LUKAS 16:15 - KITAB NU TUMPU ALLA LELE MA'IMAI'

¹⁵ Panyo i Yesus notatae hi aha, “Komiumo na mian de i ahop nu san-samianan otoa totu'u, panyo Tumpu monsumbu' isi nu kinyonyoaum. Kalana apaa na anu osangka matangkas nu mian, nutoa nu Tumpu heede'.

LUKAS 16:15 Iomraidhean Croise

1 TAWARIKH 29:17

Ku sumbu' toto samian o uji' nu Belento na kinyonyoanyo ka' oka'ima'i nu Belento na kinyonyoa nu mian anu lomas. Tiba kinyonyoa sanang ka' sahondo-hondonyo ku sombahkonmo na iwi-iwi' aiya hi belento. Tinoangkumo mosia na mian anu pinalesayamo hi belento anu sinilimu'mo i aiya nomboa mae anu nu sombahkon nu aha hi belento, kinyonyoa nu aha sanang hondo.

2 TAWARIKH 6:30

de timbali da belento i uno nu kajojoongan nu Belento i suluga' mohongo mae ka' mongampuniakon mae aha. Ola belento na monsumbu' isi nu kinyonyoa nu manusia. Kalana aitu pokonai hukuman na mian sitimbang tiba apa na anu binaunyomo,

MAZMUR 10:3

Mian anu ma'idek na kinyonyoanyo sinombongmo nu tanga'annyo anu ma'i-ma'idek, miana nu mangoa nontotobi'akonmo ka' madi'mo nontalima Tumpu.

MAZMUR 49:13

Manusia madi' moko ala tumuu' sidu-sidutu'i uno nu kakaya'annyo; susumo binatang ia suele ahi' saidi' mae silaka.

MAZMUR 49:18

Kalana de silakamo ia madi'mo daagi' momboa apa-apaa, halata'nyo madi' oboa i uno nu kubun hingga-hinggat tiba ia.

MAZMUR 7:9

Belentomo na momputusi manusia; bee'i mae na aku ka'adilan, o Tumpu kalana aku madi' ko kasala'an.

AMSAL 16:5

Iwi-iwi' na mian anu takabun nu ka'ideki nu Tumpu; Ian madi' mompojohok aha da madi' ohukum.

AMSAL 20:6

Manjoo' na mian anu mangaku butongnyo salaku sangalu panyo anu totu-totu'u tulu-tulutan, mahan na okabot.

AMSAL 21:2

Batu-batu palabuatan nu mian, de ia na mosi oa'i tantu koonyo aijo' maima', panyo Tumpu na anu monsumbu' isi nu kinyonyoanyo.

YEREMIA 17:10

Aku, Tumpu monselidiki kinyonyoa kinyonyoa nu manusia Ku uji'. Batu-batu mian Ku balosakon sitimbang tiba kalakuannyo, ka' Ku bee'i hukuman sitimbang tiba palabuatannyo.”

MALEAKHI 3:15

Pinosi toantomo na to mia-mian anu bulon sanang na kantumuu'an nu aha. Mian anu ma'idek na kalakuannyo misa' ola mompaka kayamo, panyo de aha monguji' kasabalan nu Tumpu nu palabuatan anu ma'idek, aha madi' ahi' nu poposia nu Tumpu.’ ”

MATIUS 23:5

Iwi-iwi' anu nu bau nu aha ola da nu toa nu mian. Aha sangaja' mompake kahohon anu opake balado'a opobolaa ka' opo uli-ulit ka' mompomantan na jambu-jambu nu juba' nu aha!

MATIUS 6:16

“De komiu bapuasa', boli mompotoa ohup susa', sumo mian anu mimpula-pula. Aha mombali'i lupa nu ohupnyo da iwi-iwi' na mian monsumbu' au'aitu aha bapuasa'. O inau' aijo'mo na tamboonyo anu tinalimamo nu aha.

MATIUS 6:2

Jadi, de komiu mombee' sadaka' hi mian kasiasi, boli lewa' o hengge-hengge'akon na han aijo' sumo anu nu bau nu to mia-mian geguan. Nu ka'ima'i nu aha na mombau sumo aijo' i uno nu laigan pogalejaan tiba i jalan daka', da nu puji' nu mian. O inau' aha nontalimamo tamboonyo.

MATIUS 6:5

“De komiu balado'a, boli sumo to mia-mian anu mongka' oho' bapula-pula. Aha mongka'oho' balado'a tinjo-tinjo i laigan pogalejaan ka' i popanga'an nu jalan da nu toa nu mian. O inau', aijo'mo na tamboonyo anu tinalimamo nu aha.

LUKAS 10:29

Panyo gulu' agama aijo' mompai pototu'u butongnyo. Ia nompokilawa, “Ihe na sangko mianku?”

LUKAS 11:39

Kalana aijo' Tumpu notatae hi ia, “Memang komiu to mia-mian nu Farisi saja' mombaso'i mangko' ka' lean i sasu sambiha'nyo, panyo i uno nu posi butongum saja' hondo panggaga ka' manjoo' na ka'idekan.

LUKAS 18:11

Mian nu Farisi aijo' tinuminjo posi sausa'nyo, ka' binalado'a, ‘O Tumpu, aku mompotoka talima kaseh hi kita, kalana aku madi' sumo sangga'at, mangoa, tageo'kabai masala'. Aku montalima kaseh, kalana aku madi' sumo topo tage hasin aijo'.

LUKAS 18:14

“Palesayamo” na koonyo i Yesus, “salatan ninsusule'mo i laigan, topo tage hasin aijo' na tinalima nu Tumpu, misa' mian nu Farisi aijo'. Kalana batu-batu mian anu mohangkat butongnyo otau'akon, ka' batu-batu mian anu montau'akon butongnyo, o hangkat.”

LUKAS 18:21

“Iwi-iwi' na palentah aijo' binatukankumo, salatanmo pe'e daagi' olitau,” tinaaman nu mian aijo'.

LUKAS 18:9

I Yesus nonsisikakon suele kantuangan aiya anu pinatuakon hi mian anu montoa mian sangga'at madi' talakana', panyo mangaku posi butongnyo ma'ima'.

LUKAS 20:20

Jadi aha molio kasampatan anu ma'ima'. Aha nonsuu'akon hi mian da montiho susumo mian tobos, ka' monsai mian haha aijo' mompoki-pokilawa apa-apaa hi Yesus da o humpak na kasala'annyo, da aha timbali momboa Ia hi anu ko kuasa ka' pamalentah nu Gubernur.

LUKAS 20:47

Aha mongakali to balu-balu, ka' mongagoi laigannyo. Ka' da bau pongkulubi ka'idekan nu aha aijo', aha balado'a manta-mantan! Hukuman nu aha saidi' mae maboat!”

YOHANES 2:25

Madi' pilenje mian mombee'i katalangan hi Ia mongkona mian pa' ihe, kalana nu posi sumbu' pa' apaa na i uno nu kinyonyoa nu mian.

YOHANES 21:17

Kopintolunnyo i Yesus nompokilawa hi ia, “Simon anak i Yona, apaa beleyum mongkalibosi Aku?” I Petrus tinongkolibosonmo, kalana i Yesus nompokilawa hi ia sampe pinintolunmo. Sahingga i Petrus po'ule' nontaami, “Kita Tumpu, Kita Tumpu na monsumbu' iwi-iwi'. Nu sumbu' nu Kita Tumpu na aku mongkalibosi Kita Tumpu!” Lantas i Yesus notatae hi ia, “Palakaiyakon na domba-dombangku.

SISIKON NU TO RASUL-RASUL 1:18

I Yudas aiya nohumpakmo tano' bau polamunan anu ihumpaknyo salaku tambonyo lewa' nombau anu ma'idek mongkabisa'i mian. Ia nanabu' ka' i nate ka' kompongnyo nobiha' sampe isi nu kompongnyo nosabat iwi-iwi'.

SISIKON NU TO RASUL-RASUL 1:24

Lantas aha binala do'amo. Aha notatae, “Tumpu, Kita monsumbu' iwi-iwi' kinyonyoa nu mian. I Yudas binelentimo i pakalaja'annyo sumo rasul, ka' i natemo. Jadi potiju'akonmo mae hi kami, ihe na anu ua'aha na mian aiya, na nupile'i nu Tumpu da obee'i kalaja aijo' mombolosi i Yudas.”

SISIKON NU TO RASUL-RASUL 15:8

Ka' Tumpu anu monsumbu' kinyonyoa nu mian nompotiju'mo saba' ia montalima aha; Ia nombee'i Roh nu Tumpu Allah sumo anu binee'-Nyo hi kita suele da mompotiju' han aijo' hi kita.

ROMA 3:20

Kalana madi' ko samian pe'e na moko ala mompaha ima' tiba Tumpu, kalana mian aijo' mombau hahan anu daagi' i uno nu atulan nu agama. Ola ahi' atulan aijo' na mompotiju' hi mian taalu' mian aijo' baladosa'.

ROMA 8:27

Panyo Tumpu anu monsumbu' isi nu kinyonyoa nu mian, monsumbu' pongka'oho' nu Roh aijo' na mompoita hi Tumpu Allah bau bagi nu mian anu palesaya hi Tumpu, ka' pokakana tiba pongka'oho' nu Tumpu.

1 KORINTUS 4:5

Mokonyo aijo', kalana misa' pe'e tempo'nyo, boli komiu lia-lia' montantukan batu-batu mian kosala'nyo kabai madi'. Tanda'i tokaje na Tumpu. Iaje na mompoto'i iwi-iwi' lahasia anu sulu-suluk i uno nu pintung. Iaje na mompotalang tanga'an anu sulu-suluk i uno nu kinyonyoa nu mian. Tempo'je aitu ka' batu-batu mian mohumpak pompuji' lengkat hi Tumpu anu patut nu talima.

1 PETRUS 3:4

Panyo belemiu handa tionyo ahi' molengkat mae i uno nu kinyonyoa, kalakuan anu tobos ka' madi' solaa' hengge'; aijo' ahi' na handa anu sampe toka sidu-sidutu' ka' anu talalo ko angga'nyo i pontoan nu Tumpu.

1 PETRUS 5:5

Sumo aitumo na kita Utus, to oli-olitau ka' to lalangkoyang. Tulu-tulutan hi to mia-mian anu motu'amo. Kita Utus iwi-iwi' boli ko tige-tige ka' mompaha kale-kalesang ahi', boli kobubuun na kinyonyoa. Kalana i uno nu Kitab nu Tumpu tinulismo sumo uuka, “Tumpu mongewa mian anu buulon, panyo mongkalibosi mian anu madi' ko tige-tige.”

ANU PINOTO'I HI YOHANES 2:23

Anu mombatuki ia Kupatei suele da iwi-iwi' na jama'at sinsumbu' saba' Akumo na Ia anu mompangalati'i pikilan ka' kinyonyoa nu mian. Komiu Ku balosije sumo apaa na anu binaumo miu i toto samian.

1 SAMUEL 16:7

Panyo pinoto'i nu Tumpu hi Samuel, “Boli beleyum ola montoa kalana ia olitau ka' butongnyo mule' matangkas, misa' ia na anu Ku kahanda'i. Aku madi' mongangga'i susumo pongangga'i nu manusia. Manusia montoa ola tambongnyo nu butong, panyo aku montoa kinyonyoa.”