LUKAS 16:1 - KITAB NU TUMPU ALLA LELE MA'IMAI'

¹ I Yesus notatae hi anu saja' mombatuki Ia, “Daagi' ko samian anu kaya. Ia daagi' ko samian anu binee'anmo kalaja mongulus doi ka' mongatun kakaya'annyo. Mian kaya aijo' nohumpak lapulan, tukoonyo pongulus doi nombeasakon doinyo.

LUKAS 16:1 Iomraidhean Croise

KAJADIAN 15:2

Panyo notatae na i Abram, “Tumpu Anu Matangkas hondo na kuasanyo, Tumpu madi' mae mombee'i anak aku. Mian anu mongala halata'ku olamo i Eliezer, posaihonku anu lengkat mae i Damsyik. Jadi apaamo na ma'ananyo Tumpu mombee'i mae aku tambo?”

KAJADIAN 43:19

Kalana aijo', koko sabatan nu laigan i Yusuf, aha notataemo hi kapala nu ulusan nu laigan nu aha.

1 TAWARIKH 28:1

I Tomundo' Daud nompalentahmo da iwi-iwi' na to pola-polaya' nu aha Israel sihuk i Yerusalem. Jadi to kapa-kapala nu toto sa'angu' mae na tulunan nu bansa anu montoongi pangkat kapalentahan, to kapa-kapala nu aha sa'anakan mae, to mia-mian anu montoa ka' mompalesa halata' ka' potuu'on i tomundo' ka' montoa to ana-anaknyo anu toto momo'ane – osaingkodo-kodo'imo to mia-mian daka' anu ko pangkatnyo i laigan nu tomundo', to sulu-suludadu anu toto tangka-tangkas na pangkatnyo, ka' to mia-mian anu o'angga'i, iwi-iwi' sinihukmo i Yerusalem.

AMSAL 18:9

Mian anu madi' mombau pakalaja'annyo pokakana na ko ideknyo tiba mian anu mongka'ima'i mongidei.

HOSEA 2:8

Tina nu beleyum madi' toho' mompototu'u saba' Akumo na anu nombee'i ia gandum, anggur, lanya' nu zaitun ka' iwi-iwi na mosoni', salaka, anu pinakenyo nonsombah Baal aijo'.

MATIUS 20:8

Ohanimo malom, tumpu nu ale' nu anggur aijo' notatae hi mandonnyo, ‘Lagamo na anu mokalaja aijo' ka' bayanmo na tamboo nu aha toto samian, otampu'uni lengkat hi mian anu ninsoop i mihi toka hi aha anu moona ninsoop.’

LUKAS 12:42

Tumpu nontaami, “Ihe na posaihon anu mohongo-hongo ka' pande, sahingga i hangkat nu tuannyo timbali kapala nu to posa-posaihon sangga'at da ia mombee'i aha mongkaan toka i tempo'nyo?

LUKAS 15:13

Madi' pinin lengkat i aitu pinobaluknyomo nu anak tatampalui' aijo' na pusaka' anu binagimo, ka' i namba i lipu' majo'on. I kiijo' mae ia nombeasakonmo doinyo ka' tumuu' moluluk.

LUKAS 15:30

Anak i Papa aitu nombeasakonmo kakaya'an i Papa tiba boune masala', panyo salatan ia ninsusule'mo mae, kita Tuuma nongkolotimo anak nu sapi' anu molompo' polame'akon ia!’

LUKAS 16:19

“Daagi' ko samian anu kaya. Pakeannyo to maha-mahan, tiba mule' kantumuu'annyo tumuu' molabi-labi sansina-sinaa.

LUKAS 16:2

Sahingga i laganyo na pongulus doi aijo' ka' notatae, ‘Mosia na uuka anu i hongongkumo mongkona beleyum? Uuka aiya bee'mae hi belengku na lapulan iwi-iwi' nu kalajaum nongatun kakaya'anku. Beleyum madi'mo daagi' timbali mongulus doingku.’

LUKAS 19:20

Pokauhon sangga'at tinoka ka' notatae, ‘Tuan, aiya na dointo Tuan, pino'una'ku i lenso.

LUKAS 8:3

singkona i Yohana bengkele' i Khuza, anu ko kalaja i laigan daka' hi Herodes; i Susana, ka' manjoo' mule' na boune sangga'at. Posi ongkos nu aha na montulungi Yesus ka' anu saja' mombatuki Ia.

TITUS 1:7

Polaya' nu jama'at atina'mo mian anu mongatun pakalaja'an nu Tumpu, ia madi' timbali ko kasala'annyo. Ia madi' timbali kobubuun kabai saja' pusa, kabai saja' malangu, kabai mongka'ima'i mahantuda', kabai kinyonyoa saja' mompopikilakon doi.

YAKOBUS 4:3

Ka' mau mule' komiu nomoitamo, komiu madi' ahi' mohumpak, kalana anu okahanda'i miu opoita sala'; apaa na anu opoita miu atina' ola bau kasanangan nu posi butong.

1 PETRUS 4:10

Belemiu toto samian nohumpakmo taju anu madi' pokakana lengkat mae hi Tumpu. Kalana aijo' salaku mian anu nonggunakonmo ima-ima' apaa na anu binee'mo nu Tumpu, ogunakon ahi' na kahosonan aijo' bau kapalaluan hingga-hinggat.