LUKAS 15:6 - KITAB NU TUMPU ALLA LELE MA'IMAI'

⁶ lantas binoanyomo ninsusule'. Ka' ilapas aijo' i laganyomo na to sanga-sangalunyo tiba anu mompaha ohani laigannyo ka' notatae, ‘Imbo' da kita balame-lame'. Dombangku anu inolapus po'ule'mo kinabotku!’

LUKAS 15:6 Iomraidhean Croise

MAZMUR 119:176

Aku tinalasmo ijalan sumomo domba anu nolapusmo, jadi tokamo mae ka' liomo na posaihon nu Belento aiya, kalana aku madi' mongkolilimi iwi-iwi' na palentah nu Belento.

LUKAS 1:58

Sampo dewe tiba to utu-utusnyo nohongo tukoonyo kino ima' na Tumpu montoa i Elisabet, aha suele ilame'mo hingga-hinggat tiba ia.

LUKAS 15:10

Sumo aitumo na malaekat nu Tumpu lame' de daagi' ko samian anu ma'idek balatobatmo i dosa-dosa'nyo. Palesayamo!”

LUKAS 15:24

Kalana anakku aiya i natemo, aiya tinumuu'mo mule'; ia nolapusmo, uuka i humpakkumo mule'.’ Balo aha nombau bau-bauon.

LUKAS 15:5

Ka' de po'ule'mo nu humpak na domba aijo', ia sanangmo sahingga sinimbunyomo na domba aijo' i bikoangnyo,

LUKAS 15:7

Jadi, sumo aitumo na i suluga' ko kalame'an anu daka' hondo kalana samian anu baladosa' binala tobatmo, nolingkuduimo anu siompulu' ka' osio', na mian anu na'ima'mo ka' madi'mo palalu balatobat.”

YOHANES 15:14

Komiu atina'mo na to bela-bela'-Ku, de komiu mombau apaa na anu pinalentahkon-Kumo hi komiu.

YOHANES 3:29

Boting boune tumpunyo boting mo'ane. Bela' nu boting mo'ane aijo' ola tuminjo monsangalui ka' mohongo, ka' ia sanang de mohongo potatae nu boting mo'ane. Sumo aitumo na aku. Uuka aku sanang hondo.

SISIKON NU TO RASUL-RASUL 11:23

Ka' salatan i Barnabas tinokamo kiijo' mae, ka' nontoa mosia na Tumpu nombalakatimo to mia-mian aijo', ia ilame' hondo. Lantas ia nompoita da aha totu-totu'u mohongo-hongo Tumpu nu iwi-iwi' na kinyonyoa.

SISIKON NU TO RASUL-RASUL 15:3

Jama'at i Antiokhia nolaya' aha tinoka i sambiha' nu kota, lapas aijo' aha namba notulu i Fenisia ka' i Samaria. I kiijo' mae aha nonsisikakon mosia na to mia-mian anu misa' Yahudi nombee'mo butongnyo hi Tumpu. Lele aijo' talalo nompolame' to mia-mian anu palesaya i kiijo'.

FILIPI 1:4

Ka' de aku mondo'akonmo komiu Utus iwi-iwi', sanang na kinyonyoangku balado'a.

FILIPI 2:17

Ugaat aku saidi' mae opateimo ka' baso'ku timbalimo sumo kuluban anu obubusakon i bawo nu anu osombahkon komiu hi Tumpu Allah salaku sa'angu' na tanda saba' komiu pinalesayamo hi Ia. De memang aijo' tionyo sumo aijo', aku montalima kase i han aijo' ka' lame'mo hingga-hinggat tiba komiu.

FILIPI 4:1

Mokonyo aijo', to Utu-utusku anu kuku kanonongi, sumo aitumo na komiu tionyo ahi' totu-totu'u palesaya hi Tumpu. Kinyonyoangku saja' montutugi hi komiu! Komiumo na anu kuku kabilahiakon ka' anu nompolame'mo aku.

1 TESALONIKA 2:19

Komiumo na anu otaha'imani mami ka' okalame'akon mami. Kalana de Tumpu Yesus tokamo, ka' kita mangadapmo hi Ia, saba' komiumo na anu timbali obuulakon mami!

1 PETRUS 2:10

Naipuan mae belemiu misa' mian anu pinalesayamo hi Tumpu, panyo uuka aiya belemiu mian anu pinalesayamo hi Tumpu. Naipuan mae belemiu madi' okalibosi nu Tumpu, panyo uuka aiya belemiu montalimamo pongkalibosi-Nyo.

1 PETRUS 2:25

U'utu mae belemiu sumo domba anu tinalasmo, panyo uuka aiya belemiu sinule'akonmo mae da mombatuki Polaya' ka' anu Mompalakai santuu' miu.