LUKAS 15:4 - KITAB NU TUMPU ALLA LELE MA'IMAI'

⁴ “De ko samian anu itina' hi komiu daagi' ko sa'atu na domba, lantas nolapus na sa'angu' – apaa na tionyo nubau? Tantu nu pala'i na domba siompulu' ka' osio', aijo' i hemput padang, ka' mamba molio anu i nolapusmo sampe o humpak.

LUKAS 15:4 Iomraidhean Croise

MAZMUR 119:176

Aku tinalasmo ijalan sumomo domba anu nolapusmo, jadi tokamo mae ka' liomo na posaihon nu Belento aiya, kalana aku madi' mongkolilimi iwi-iwi' na palentah nu Belento.

YESAYA 53:6

Kita iwi-iwi' tinalasmo susumo domba, toto samian mosi lio-liomo jalannyo. Pinotudunmo nu Tumpu hi ia na palabuatanto iwi-iwi' anu ma'idek.

YEREMIA 33:13

Aita' mae ikota-kota' anu idaerah anu ibungkutnyo, ka' anu itengke nu bungkutnyo, ka' mule' i daerah Yehuda sasu salatan, ka' mule' daerah nu aha Benyamin tiba kampung anu toto ise-ise' anu madi' majo'on i Yerusalem, ka' mule' ikota-kota' Yehuda, to pola-polaya' domba po ule' mule' molekeng domba nu aha. Aku, Tumpu notataemo.”

YEREMIA 50:6

Mian anu palesayamo hi beleng-Ku sumomo ahi' domba anu pinopilayamo da talas nu to pola-polaya' aita' mae ibungkutnyo. Aha sola'mo mamba lengkat mae isa'angu' na bungkutnyo mamba ibungkutnyo sangga'at, ka' madi'mo daagi' nu sumbu' nu aha pa' iya mae na laigan nu aha.

YEHEZKIEL 34:16

Anu nolapusmo Kulio, anu tinalasmo Ku sule'akonmo, anu binelaonmo Ku bobodi, anu masakit Ku pakuli'imo; panyo anu molompo' ka' mule' mahoson Ku pateimo kalana Akumo na polaya' anu momba-mombau apaa na anu ma'ima'.

YEHEZKIEL 34:31

Memang totu'u belemiumo na tompukan nu dombang-Ku anu Ku bee'i mongkaan. Belemiu atina'mo na mian anu palesayamo hi beleng-Ku, ka' mule' Aku, Tumpu nu belemiu. Aku, Tumpu Anu Matangkas na Kuasanyo notataemo.”

YEHEZKIEL 34:4

Domba nu belemiu haha atina' anu madi'mo mahoson madi'mo okalesang nu belemiu, anu masakit madi'mo opakuli'i, anu binelaonmo madi'mo obobodi nu belemiu, anu tinalasmo ka' nolapusmo madi'mo olio nu belemiu ka' osule'akon mae. Pakalaus iwi-iwi' na domba haha aijo' talalo ahi' osigohi nu belemiu.

YEHEZKIEL 34:8

Atas sanggong-Ku Tumpu Allah anu tumuu' palahatikan ahi'! Dombang-Ku haha aijo' sina'umo ka' mule' kinaanmo nu binatang anu mahangas, kalana madi' ko anu nolaya' aha. Belemiu to pola-polaya'-Ku madi'mo nongkalesang domba haha aijo'. Belemiu ola ahi' mompotutugakon posi butong nu belemiu, misa'mo kapentingan nu domba haha aijo'.

MATIUS 12:11

I Yesus nontaami, “Bisuannyo daagi' ko samian anu lengkat mae atina' hi komiu ko sa'angu' na domba, ka' i sinaa nu Sabat domba aijo' nanabu' i uno nu bolo' anu maleeng; apaa tumpu nu domba aijo' madi' ko usaha mombuatakon domba aijo' lengkat i uno nu bolo' aijo'?

LUKAS 13:15

Tumpu nontaami, “Baleko' na komiu aiya! I sinaa nu Sabat iwi-iwi' na mian mompolapas sapi' kabai keledainyo i pangkungnyo, ka' oboa i sambiha'nyo da opo'inum nu aha.

LUKAS 15:3

Mokonyo sumo aijo' i Yesus nonsisikakonmo kantuangan aiya hi aha,

LUKAS 19:10

Anak nu Mian toka da molio tiba momposalamat mian anu talas.”

ROMA 2:1

Mokonyo aijo', to Utu-utus, te ihe na kita Utus sahingga kita Utus mompisala'i mian sangga'at? Kita Utus madi' koko mohumpak apa-apaa de mompototu'u posi butong! Kalana de kita Utus mompisala'i mian sangga'at, yo aitu posi kita Utus suele mombau hia anu sumo hia nu aha, nyata' kita Utus mosi nabu'akonmo hukuman suele hi butong.

1 PETRUS 2:25

U'utu mae belemiu sumo domba anu tinalasmo, panyo uuka aiya belemiu sinule'akonmo mae da mombatuki Polaya' ka' anu Mompalakai santuu' miu.