LUKAS 15:30 - KITAB NU TUMPU ALLA LELE MA'IMAI'

³⁰ Anak i Papa aitu nombeasakonmo kakaya'an i Papa tiba boune masala', panyo salatan ia ninsusule'mo mae, kita Tuuma nongkolotimo anak nu sapi' anu molompo' polame'akon ia!’

LUKAS 15:30 Iomraidhean Croise

NOSABATMO 32:11

I Musa nongkakasemo hi Tumpu Allahnyo, ia notatae, “O Tumpu kadaka' Belento mombaumo sumo aijo' hi aha? Te misa' Belento nomposalamatmo aha lengkat mae i Mesir nu kakuasa'an ka' kahosonan anu daka'?

NOSABATMO 32:7

Sahingga Tumpu notataemo hi Musa, “Pintudunmo lia-lia' kalana bansa nu belemiu i laya'mo nosabat mae lengkat i Mesir, nombaumo anu ma'idek.

AMSAL 29:3

Ihe na mongka'ima'i kapandean bapikin, momposanang kinyonyoa nu tuumanyo. Ihe na mosangalu tiba anu lewa' masala' ola mombeasakon doinyo.

MARKUS 12:44

Kalana aha iwi-iwi' mombee' labih nu halata'nyo. Panyo balu aijo' mau pe'e talalo kasiasi nombee'mo iwi-iwi' apaa na anu daagi' hi ia – aijo'mo anu nu palalui i kantumuu'annyo.”

LUKAS 15:29

Panyo ia notatae, ‘Notau-taunmo na kopinnyo aku nokalaja mate-matemo bau kapalaluan i Papa. Madi' toho' aku nonggagakon apaa na pinokauhakon i Papa. Yo apaamo na binee' i Papa hi belengku? Sa'angu' pe'e na mee' ma'isa toho' binee' i Papa hi belengku, da aku mombau bau-bauon tiba to sanga-sangalungku!

LUKAS 15:31

‘Anakku,’ tinaaman nu Papanyo, ‘beleyum saja' aiya tiba aku. Iwi-iwi' na anungku, aijo' suele beleyum na tumpunyo.

LUKAS 15:32

Panyo kita tionyo mombau-bauon ka' balame-lame', kalana utusum ise' aijo' sinilakamo, panyo uuka po'ule'mo tinumuu'; ia nolapusmo, panyo uuka po'ule'mo kinabot.’ ”

LUKAS 18:11

Mian nu Farisi aijo' tinuminjo posi sausa'nyo, ka' binalado'a, ‘O Tumpu, aku mompotoka talima kaseh hi kita, kalana aku madi' sumo sangga'at, mangoa, tageo'kabai masala'. Aku montalima kaseh, kalana aku madi' sumo topo tage hasin aijo'.