LUKAS 15:27 - KITAB NU TUMPU ALLA LELE MA'IMAI'

²⁷ Pokauhon aijo' nontaami, ‘Utus ise' i Tuan ninsusule'mo mae! Ka' tuuma i Tuan noki kolotmo anak nu sapi' anu molompo', kalana po'ule'mo i humpaknyo na anaknyo ninsusule'mo mae ma'i-ma'ima'.’

LUKAS 15:27 Iomraidhean Croise

MATIUS 22:4

Lapas aijo', tomundo aijo' nonsai mule' to poka-pokauhonnyo sangga'at. Pinoto'inyo hi aha: ‘Opoto'iakon hi aha anu i laga aijo': Kaanon nu bau-bauon sinadiamo. Sapi', ka' ana-anak nu sapi'ku anu talalo ma'ima' kinolotmo. Iwi-iwi' sinadiamo. Imbo'mo da mokiijo' i bau-bauon po'osoan!’

LUKAS 15:26

I laganyomo na sala'samian pokauhon, lantas pinokilawanyomo, ‘Ko apaanyo na uutu i laigan?’

LUKAS 15:28

Anak tumpenyo aijo' pinusamo hondo, sahingga madi'mo mongka'oho' minsoop i laigan. Lantas tuumanyo nosabat ka' nongindeeko' da ia minsoop.

LUKAS 15:30

Anak i Papa aitu nombeasakonmo kakaya'an i Papa tiba boune masala', panyo salatan ia ninsusule'mo mae, kita Tuuma nongkolotimo anak nu sapi' anu molompo' polame'akon ia!’

SISIKON NU TO RASUL-RASUL 22:13

Ia tinoka nontoa aku, lantas tinuminjo i sohipi'ku ka' notatae, ‘Utusku Saulus, po'ule'mo beleyum montoa!’ Tempo'nyo aitu mule' aku tinolosinda, lantas nontoamo ia.

SISIKON NU TO RASUL-RASUL 9:17

Sahingga i Ananias namba i laigan aijo' ka' nompotiik limanyo i buan nu ubak i Saulus. “Utusku Saulus,” koonyo i Ananias, “Tumpu Yesus anu tinoa nu kita Utus i totonga' nu jalan tempo'nyo kita Utus mo'ukamo mae, Iamo na nonsai mae aku toka da kita Utus timbali moko ala montoa mule' ka' nu kuasai nu Roh nu Tumpu.”

FILEMON 1:16

Uuka aiya ia misa'mo ola timbali posaihon nu kita Utus; ia misa'mo ola sumo aijo'. Ia atina' sangko mian Kristen anu okanonongi. Ia kinogunanyo hondo hi belengku, lebe-lebe mule' hi beleyum! Tantu ia ko gunanyo hondo salaku posaihon ka' mule' salaku mian anu noto utusmo hi Tumpu!

1 SAMUEL 28:24

Nalia-lia' na boune aijo' nongkolot anak nu sapi'nyo anu molo-molompo' hondo lantas nongalamo labu ka' ginalo'nyo binaunyo roti anu madi' ginalo'annyo ragi.