LUKAS 15:2 - KITAB NU TUMPU ALLA LELE MA'IMAI'

² To mia-mian Farisi ka' to gulu-gulu' agama mulaimo nompisala'i. Aha notatae, “Se', na mian aiya montalima to mia-mian anu madi' ma'ima', ka' aijo' mongkaanmo hingga-hinggat tiba aha!”

LUKAS 15:2 Iomraidhean Croise

MATIUS 11:19

Sinaa aiya Anak nu Mian toka – Ia mongkaan ka' monginum; ka' aitu to mia-mian motatae, ‘Toa na mian aijo'! Majoko', saja' malangu, sangalu nu anu saja' montage hasin, ka' sangalu nu mian anu baladosa'.’ Mau mule' sumo aijo', kapandean nu Tumpu otoa i kasawe'annyo mae.”

MATIUS 9:11

Daagi' ko to mia-mian Farisi anu nontoa han aijo'. Ka' aha nompokilawamo hi anu saja' mombatuki Yesus, “Apaa na sababnyo gulu'um mongkaan hingga-hinggat tiba topo tagi hasin, ka' to mia-mian anu madi' ma'ima'?”

LUKAS 15:3

Mokonyo sumo aijo' i Yesus nonsisikakonmo kantuangan aiya hi aha,

LUKAS 19:7

Iwi-iwi' na mian anu nontoa aijo' nontampu'unimo nongo-nguyung. Aha notatae, “Se'! Ia mamba sonso' i laigan nu mian anu madi' ma'ima'!”

LUKAS 5:30

To pia-piangkuka na mian nu Farisi ka' to gulu-gulu' agama mongoa'i madi' sanang, lantas notatae hi anu mombatuki Yesus, “Kadaka' komiu iwi-iwi' mongkaan ka' monginum tiba topo tage hasin, ka' to mia-mian madi' ma'ima'?”

LUKAS 7:34

Anak nu Mian toka – Ia mongkaan ka' monginum – lantas komiu motatae, ‘Toa na mian aijo'! Mabebes, saja' ma langu, sangalu nu topo tage hasin, ka' sangalu nu mian baladosa'.’

LUKAS 7:39

Salatan mian nu Farisi anu nolaga i Yesus nontoa han aijo', ia notataemo i kinyonyoanyo, “De mian aiya nabi, tantu nusumbu' ihe na boune aijo' anu nongkanyang Ia, apaa mule' boune aijo' tumuu' i uno nu dosa'!”

SISIKON NU TO RASUL-RASUL 11:3

Aha notatae, “Kadaka' beleyum mamba mokiijo' i laigan nu to mia-mian anu ma'isa sinunat? Ola mule' beleyum suele nongkaan hingga-hinggat tiba aha!”

GALATIA 2:12

Momonanyo ia sinumuhang mongkaan hingga-hinggat tiba to Utu-utus anu misa' Yahudi. Panyo salatan to mia-mian anu sinai mae i Yakobus tinokamo, ia madi'mo nosangalu tiba to Utu-utus anu misa' Yahudi ka' madi'mo mongka'oho' mongkaan tiba aha, kalana nabuhukmo hi to mia-mian anu mongka'oho' da iwi-iwi' na mian o sunat.

1 TIMOTIUS 1:15

Totu'u hondo na potatae aiya – kalana aijo' tionyo ahi' otalima ka' opalesaya sahondo-hondonyo –: “I Kristus Yesus tinoka i dunia aiya da momposalamat mian baladosa'.” Ka' akumo na mian baladosa' anu talalo ma'idek.