LUKAS 15:18 - KITAB NU TUMPU ALLA LELE MA'IMAI'

¹⁸ Aku molengkatmo ka' mamba hi tuumangku, ka' motatae hi ia: Papa, aku binala dosa'mo i ahop nu Tumpu ka' i ahop nu kita tuumangku.

LUKAS 15:18 Iomraidhean Croise

2 TAWARIKH 33:19

I Uno nu kitab Sisikon nu to Nabi-nabi tinulismo suele na do'a i Manasye ka' mosia na Tumpu nontaami do'a aijo', ka' mule' sisikon mongkona iwi-iwi na dosa'nyo tempo'nyo ia ma'isa binalatobat, iwi-iwi na tampat bau ponsomban pilogot ka' iwi-iwi na patong Pilogot boune Asyera anu binaunyomo ka' to pilo-pilogot anu nu sombah.

MAZMUR 25:11

O Tumpu, ampuniakon mae na aku susumo anu jinanji'mo nu Belento, kalana dinaka'mo hondo na kasala'anku.

AMSAL 23:13

Boli hente na mongajan anak nu beleyum. De beleyum mondoke ia nu ue', ia madi mule' silaka,

YESAYA 63:16

Te misa' Belentomo ahi' na Tuuma mami? I Abraham tiba i Yakub madi' Monsumbu' kami. Panyo belento o, Tumpu atina'mo ahi na Tuuma mami anu Nomposalamatmo kami daagi' pe'e naipuan mae.

YEREMIA 3:19

Tumpu notatae, “O Israel, Aku kahanda'mo montalima beleyum salaku anak-Ku, ka' mombee'imo beleyum lipu' anu oka'ima'i nu kinyonyoa, lipu' anu ma'ima' hondo idunia aiya songko-songko. Ku kahanda'i da beleyum monsanggo Aku tuuma nu beleyum, ka' madi'mo daagi' mompala'i Aku.

YEREMIA 31:20

O Israel beleyum anak anu Ku kanonongi hondo anak anu oka'ima'i hondo, saja' o inau' i uno nu kinyonyoang-Ku. De Aku montambuha'imo bele saja'mo Ku inau' na beleyum ka' molibosmo. Beleyum na Ku atun ahi' ima-ima' nu kalibosan.

MOHAANGI 3:29

Sahanyo kita mompoduku butong ka' boli mombau apa-apaa. Kalana ugaat daagi' ko anu otaha'imani.

MOHAANGI 3:40

Sahanyo oselidikinto na kantumuu'anto, ka' pobalikmo hi Tumpu Allah i suluga'. Imbo'mo da kita momposadia kinyonyoa ka' balado'a

DANIEL 4:26

Malaekat haha aijo' nompalentahmo da tu'o nu kau' aijo' opojohokmo aijo' i uno nu tano'. Aijo' alati'nyo saba' belento Tuanku po ule'mo timbali tomundo' salatan belento Tuanku mongakuimo saba' Tumpu ahi' na mongkuasai songko-songko na dunia aiya.

YUNUS 2:4

I unonu kinyonyoangku aku nosi potataemo: Tumpu nola'mo aku aiya da bolimo ko anu daagi i ahop-Nyo. Madi'mo daagi aku montoa laigan kajojoongan-Nyo anu susi'.

YUNUS 3:9

Ihe na monsumbu' Tumpu mombabali'imo niat-Nyo ka' madi'mo daagi motambuha' sahingga kita madi'mo silaka!”

MATIUS 3:6

Aha nongakui dosa-dosa' nu aha, ka' i Yohanes nompalamandikanmo aha i Kaunyo nu Yordan.

MATIUS 6:14

De komiu mongampuni mian anu mombau sala' hi beleyum, Tuumaum i suluga' suele mongampunije kasala'anum.

MATIUS 6:9

Jadi balado'a sumo uuka, ‘Tuuma mami isuluga': Sa'a-sa'angu'nyo kita na Tumpu. O'amalakon kitamo na anu o sombah ka' anu o'angga'i.

MATIUS 7:11

Mau mule' komiu ma'idek, komiu suele mombee' anu ma'ima' hi to ana-anakum. Apaa mule' Tuumaum i suluga'! Ia lebe mule' mombee' anu ma'ima' hi mian anu momoita hi Ia.

LUKAS 11:2

Lantas i Yesus notatae hi aha, “De komiu balado'a, taloakon sumo uuka, ‘Tuuma, Kitamo na Tumpu anu sa'a-sa'angu'nyo. O amalakon na Kita o sombah ka' o angga'i.

LUKAS 15:17

Kinahimpusannyo ia sininsumbu'mo ka' notatae, ‘To mia-mian anu mokalaja hi tuumangku molabi-labi na kaanonnyo, jo aku i aiya mompai patemo nu ohop!

LUKAS 15:19

Madi'mo nukona na aku osanggohi anak nu kita tuuma. Sanggohimo mae na aku samian anu mongala tamboo hi kita Tuuma.’

LUKAS 15:21

‘Papa,’ tukoonyo nu anak aijo', ‘aku binala dosa'mo i ahop nu Tumpu tiba hi Papa. Madi'mo nukona na aku osanggohi anak i Papa.’

LUKAS 18:13

Panyo topo tage hasin aijo' tinuminjo jo'o-jo'on ka' madi' baani montihanga langit. Ka' nompanyamo saha'annyo ia notatae, ‘O Tumpu, kalibosiakon na aku mian baladosa' aiya!’ ”