LUKAS 15:13 - KITAB NU TUMPU ALLA LELE MA'IMAI'

¹³ Madi' pinin lengkat i aitu pinobaluknyomo nu anak tatampalui' aijo' na pusaka' anu binagimo, ka' i namba i lipu' majo'on. I kiijo' mae ia nombeasakonmo doinyo ka' tumuu' moluluk.

LUKAS 15:13 Iomraidhean Croise

MAZMUR 73:27

Mian anu mompala'i Belento mohumpak kasilaka'an, nu silakai nu Belento na mian anu madi' tulu-tulutan hi Belento.

AMSAL 18:9

Mian anu madi' mombau pakalaja'annyo pokakana na ko ideknyo tiba mian anu mongka'ima'i mongidei.

AMSAL 21:17

Mian anu mongka'ima'i ola bala sanang, saidi mae tataap kakulangan; mian anu mongka'ima'i ola molewa-lewa' madi' koko jadi kaya.

AMSAL 21:20

Mian anu pande tataap tumuu' bilahi ka' molabi panyo mian anu ponga' ola lewa' mombeasakon halata'nyo.

AMSAL 27:8

Mian anu mompala'imo laigannyo, sumomo tomonsi' mompala'imo petanyo.

AMSAL 28:7

Olitau ka' langkoyang anu montuluti atulan atina'mo na mian anu pande. Panyo mian anu mosangalu tiba mian anu loyan na balanja mongambangi tuumanyo.

AMSAL 29:3

Ihe na mongka'ima'i kapandean bapikin, momposanang kinyonyoa nu tuumanyo. Ihe na mosangalu tiba anu lewa' masala' ola mombeasakon doinyo.

AMSAL 6:26

Anu lewa' masala' timbali otamboi nu kaanon sa'angu na lean, panyo masala' tiba bengkele' nu mian sangga'at tionyo ahi' obayan nu nyawa.

YESAYA 1:4

Silakamo na belemiu bansa anu binaladosa', to mia-mian anu palalente ka' mian anu ma'idek na kinyonyoanyo! Belemiu inanabu'mo kalana-binaladosa'mo na belemiu. Belemiu madi'mo nonsumbu' Tumpu ka' nohikuhakonmo Tumpu anu Talalo hondo susi' anu tionyo ahi' osombah nu belemiu.

YESAYA 22:13

Panyo lebe ma'ima' belemiu balasana-sanangmo ka' pombaumo bau-bauon, mongkaan antok nu binatang ka' mule' monginum anggur ka' lewa' motatae, “Imbo' da kita mongkaan ka' mule' lewa' monginum kalana dodop kita silakamo!”

YESAYA 30:11

Lako'mo bolimo mamba mae hi kami, pongalamo jalan sangga'at. Bolimo mae sola' mongganggu kami tiba Tumpu Israel anu susi'.”

YESAYA 56:12

Anu topo palangu haha aijo' notatae, ‘Imbo' da kita monginum anggur ka' monginum sampe ma'osa! Dodop na lebe' mule' ma'ima' nulingkudui na sinaa uuka aiya!’ ”

YEREMIA 2:13

Mian anu palesayamo hi belengku nombaumo ohua' na ngahan nu dosa': aha nohikumo mae Aku, mata nu uee anu mombee'i kantumuu'an hi manusia; aha nombaumo kolam nu butong nu aha, kolam anu losut madi' moko ala montahan ueenyo.”

YEREMIA 2:31

O mian nu Israel potombihing mae na potataeng-Ku aiya. Pa' toho'mo na Aku susumo padang tampat anu mateges na jinadi' atina hi belemiu kabai pa' sumo tano' anu pinikatmo hondo? Panyo kadaka' belemiu notataemo koonyo nu belemiu, belemiu mongkahanda'imo bebas, ka' madi'mo daagi' mongka'oho' minsusule' mae hi beleng-Ku?

YEREMIA 2:5

Tumpu notatae, “Kasala'an apaa na anu tinoa nu mompolee' nu belemiu hi beleng-Ku, sahingga aha pinalagantamo mae hi beleng-Ku? Aha pagala nolio pilogot anu madi' ko angga'nyo ka' ahennyo posi ahamo ahi' na na ambang.

MIKHA 6:3

Tumpu notatae, “O, mian-Ku anu palesayamo apaa na anu binaung-Kumo hi belemiu? I han apaa na Aku nomposusa'mo belemiu? Taami mae na Aku!

LUKAS 15:12

Anu tatampalui' notatae hi ia, ‘Papa, bee'akonmo mae uuka aiya na bahagianku nu kakaya'anto.’ Sahingga papanyo nombagimo kakaya'annyo hi ua-ua'aha na anaknyo.

LUKAS 15:14

Salatan doinyo ningkotmo iwi-iwi' i lipu' aijo', tinokamo na tempo' nu ohop isongko-songko na lipu', sahingga ia nontampu'unimo kinasiasi.

LUKAS 15:30

Anak i Papa aitu nombeasakonmo kakaya'an i Papa tiba boune masala', panyo salatan ia ninsusule'mo mae, kita Tuuma nongkolotimo anak nu sapi' anu molompo' polame'akon ia!’

LUKAS 16:1

I Yesus notatae hi anu saja' mombatuki Ia, “Daagi' ko samian anu kaya. Ia daagi' ko samian anu binee'anmo kalaja mongulus doi ka' mongatun kakaya'annyo. Mian kaya aijo' nohumpak lapulan, tukoonyo pongulus doi nombeasakon doinyo.

LUKAS 16:19

“Daagi' ko samian anu kaya. Pakeannyo to maha-mahan, tiba mule' kantumuu'annyo tumuu' molabi-labi sansina-sinaa.

EFESUS 2:13

Panyo uuka, kalana komiu nosa'angu'mo tiba i Kristus Yesus, komiu anu naipuan mae majo'on, panyo kalana i Kristus sinilakamo jadi aijo'mo na nompo ohani.

EFESUS 2:17

Mokonyo aijo' i Kristus tinokamo nompolele Lele Ma'ima' mongkona paladamean aijo' hi komiu; mau misa' hi komiu mian nu Yahudi anu naipuan mae majo'on hi Tumpu, maumo hi mian nu Yahudi anu ohani hi Tumpu.

2 PETRUS 2:13

Salaku bau pohukum kalana kasansala'an anu sinaduakonmo nu aha, aha mongoa'ije kasansala'an. De hi aha, anu momposanang kinyonyoa atina'mo mombau tulu-tulumo pa' apaa sinaa, bau pomposanang anu nuka'ima'i nu butong nu aha. De aha sumuhang hingga-hinggat tiba komiu i uno nu bau-bauon mongkakan, kalakuan nu aha monsaduakon da kita mahega kalana aha talalo ahi' mongka'ima'i da ma'osa i napisu.