LUKAS 14:21 - KITAB NU TUMPU ALLA LELE MA'IMAI'

²¹ Posaihon aijo' ninsusule' ka' nompoto'i han aijo' hi tuannyo. Tuan aijo' notambuha'mo hondo ka' notatae hi pokauhonnyo, ‘Lako' lia-lia' mokiijo' i jala-jalan ka' i panga-panga' nu jalan nu kota'. Boamae na mian kasiasi, mian anu madi' sampa'na butongnyo, mian mapisok, ka' mian lupe.’

LUKAS 14:21 Iomraidhean Croise

MAZMUR 2:12

nu lakat ahi' na tolodadupu i ahop-Nyo, dumo ahi' nutambuha'i nu Tumpu ka' ola sangkinihap belemiu opateimo, kalana ia motambuha' pojohinjit sumo apu. Mohumpak ka'ima'an na mian anu mihohung hi Tumpu!

MAZMUR 38:7

Aku dinumukumo ka' tinadungkungmo sansina-sinaa aku mangkuyumo ka' sinusa'mo na kinyonyoa.

YESAYA 35:6

Mian anu kinapi'mo maha lumpatanmo susumo jonga, mian anu imomo'mo lewa'mo molo ais kalana ilame'mo. Kalana mata nu uee lubatmo ipadang tampat anu mateges, kaunyo mo ilimo ipadang tampat anu ewa.

YEREMIA 5:1

O mian anu jojoong i Yerusalem, tuusakon na jalan-jalan anu atina' ikota' nu belemiu! Lio iyaya mae ka' posi sakisimo. Soba palesa itampat-tampat anu loas na popasannyo atina' ikota' pa' daagi' ko anu hodi' na kinyonyoanyo anu bala usaha tulu-tulutan hi Tumpu Allah. De daagi' na nu ampuni ahi' nu Tumpu na Yerusalem.

ZAKHARIA 11:11

Isinaamo aijo' na palajanjian ai-aijo' madi'mo daagi' osidahakon. To pada-padagang domba haha aijo' no mata-mataimo mae aku ka' aha sininsumbu'mo talu' iwi-iwi' na palabuatanku aijo'mo na salaku potatae nu Tumpu.

ZAKHARIA 11:7

Aku, i Zakharia, lantas tinamboanmo nu to pada-padagang domba da molaya' domba-domba anu okolotmo. Aku daagi' ko tokon ohua'; sa'angu' sinanggohanku, i “Kanonongan” ka' sa'angu' mule' i “Posegot”. Lapas aijo' jinagaankumo ka' lewa'mo pinotuu'ku na domba haha aijo'.

MATIUS 11:28

Tokamo mae hi beleng-Ku na komiu iwi-iwi' anu malawe, ka' anu mongoa'i koboatnyo nu boaon; Aku mompilaweije komiu.

MATIUS 11:5

Mian anu mapisok montoa, mian anu lupe moko lumajang, mian anu ko panyakit kilit anu okabuhuk ma'alin; mian mabongon nohongo, mian anu mate po'ule' tumuu', ka' Lele Ma'ima' lengkat hi Tumpu opotokakon hi to mia-mian kasiasi.

MATIUS 15:12

Lantas anu saja' mombatuki Yesus tinoka ka' notatae hi Ia, “Osumbu'mo nu Kita Tuuma saba' to mia-mian nu Farisi aijo' ingise'-ise'mo, tempo'nyo nohongo Kita Tuuma notatae sumo aijo'?”

MATIUS 18:31

Salatan to posa-posaihon sangga'at nontoa apaa na anu jinadimo aha nolibos ka' nompoto'i han aijo' hi tomundo.

MATIUS 20:7

To mia-mian aijo' nontaami, ‘Madi' ko mian anu mombee'i pakalaja'an hi kami.’ ‘Desumo aijo'’, koonyo nu tumpu nu ale' aijo', ‘lako'mo na komiu mokalaja i ale' nu anggurku.’

LUKAS 14:13

Jadi, de beleyum mombau bau-bauon, opaso mian kasiasi, mian panyakiton, mian lupe tiba mian mapisok.

LUKAS 14:20

Anu sangga'at mule' notatae, ‘Aku sala'je no'osoa, kalana aitu aku madi' moko ala toka.’

LUKAS 14:22

Lapas aijo', pokauhon aijo' notataemo, ‘Tuan, palentah i Tuan pinojalanmo, panyo tampat daagi' manjoo'.’

LUKAS 14:24

O inau'! Madi'mo ko samian pe'e na anu pinasomo aijo' mongkaan kaanon i bau-bauonku aiya!’ ”

LUKAS 24:47

Sumo aitu mule' i uno nu sanggo nu Tomundo anu Momposalamat aijo' tionyo ahi' pagala opoto'i hi iwi-iwi' bansa, saba' mian tionyo ahi' balatobat, ka' saba' Tumpu mongampunimo dosa'. Ka' lele aijo' tionyo ahi' pagala opoto'i, otampu'uni lengkat mae i Yerusalem.

LUKAS 9:10

To rasul-rasul i Yesus ninsusule'mo ka' nonsisikakon hi Yesus iwi-iwi' na anu binaumo nu aha. I Yesus nongendemo aha, lantas namba hingga-hinggat aha nanintade i kota Betsaida.

YOHANES 9:39

I Yesus notatae, “Aku toka i dunia aiya kahanda' momputusimo da mian anu mapisok timbali montoa, ka' anu moko ala montoa timbalimo mapisok.”

IBRANI 13:17

Obatuki na palentah nu to pola-polaya' miu, ka' otuluti na aha. Kalana aha saja' mompalahatikan santuu' miu, ka' aha mule' saja' ahi' mompalahatikan mosia na pakalaja'an nu Tumpu anu binaumo nu aha. De komiu montuluti aha, sanang na kinyonyoa nu aha mokalaja; de madi', tantu aha mokalaja susa' na kinyonyoa, ka' aijo' madi' mompo'untung komiu.

IBRANI 2:3

Pakalaus mule' de kasalamatan anu lebe daka' na angga'nyo ka' anu molingkuduimo potuunon haha aijo'! De kita madi' saja' monginau' kasalamatan aijo', tantu kita madi' molapas i hukuman. Kalana Tumpu na momonanyomo nompoto'i kasalamatan aijo', ka' to mia-mian anu momonanyo nohongo nomponyata'mo anu totu'unyo hi kita.

YAKOBUS 2:5

O inau', to Utu-utus anu okanonongi! Mian anu kasiasi i dunia aiya, pinile'anmo nu Tumpu da timbali mian anu kaya i uno nu iman. Mian haha aijo' pinosoopmo da timbalimo mian anu palesayamo hi Tumpu, sumo anu jinanji'mo nu Tumpu hi mian anu mongkalibosi Ia.

ANU PINOTO'I HI YOHANES 19:15

Lengkat mae i nganga'nyo nosabatmo samata na bajak anu matajom, ka' tiba bajaknyo aijo' nu hungku'ije saidi' mae na to bansa-bansa, ka' nu palentahje saidi' mae na aha nu tokon-Nyo besak. Ia mompao'je anggur i uno nu tampat pompao'an anggur tambuha' nu Tumpu Anu Matangkas na kuasanyo.

ANU PINOTO'I HI YOHANES 22:17

Roh nu Tumpu ka' Boting Boune aijo' notatae, “Imbo'mo!” Ihe na mian anu mohongo aiya, tionyo suele motatae, “Imbo'mo!” Ihe na anu megot, tionyo ia toka! Ka' ihe na anu mongkamilui, tionyo ia mongala uee anu mombee'i kantumuu'an aijo' madi' opai oli.

1 SAMUEL 2:8

I uno nu kasusa'an ihangkatNyomo na mian anu madi' ko apa-apaa, i uno nu kasansala'an pinobebasNyomo na mian anu madi' kokaliangannyo. Aha pinotimbalimo sangalu nu to mia-mian tulunan nu mian daka', ka' binee'anmo pangkat anu o angga'i. Paningkokoan nu dunia, nu Tumpu, ka' aita'i buannyo na pinombauanNyo dunia.

1 SAMUEL 25:12

Sahingga suludadu i Daud aijo' ninsusule'mo hi Daud ka' nompoto'i hi ia apaa na anu tinaloakonmo i Nabal aijo'.