LUKAS 14:13 - KITAB NU TUMPU ALLA LELE MA'IMAI'

¹³ Jadi, de beleyum mombau bau-bauon, opaso mian kasiasi, mian panyakiton, mian lupe tiba mian mapisok.

LUKAS 14:13 Iomraidhean Croise

2 SAMUEL 6:19

Lapas aijo' binagi-baginnyomo anu okaan na aha iwi-iwi'. Toto samian na aha anu ikiijo' to momo'ane tiba to bou-boune binee'annyo sampadot na ponoha' anu tinunuanmo, roti tiba kukis kismis. Lapas aijo' aha iwi-iwi' ninsusule'mo ilaigan nu aha toto samian.

2 TAWARIKH 30:24

I Tomundo Hizkian nombee' 1.000 na sapi' lakinyo ka' 7.000 na domba. To mia-mian anu ko pangkatnyo mokalaja hi Hizkia nombee' 1.000 na sapi' lakinyo ka' 10.000 na domba. Iwi-iwi' na binatang haha aijo' binee'mo hi mian da'isan da okolot ka' o kaan. Manjoo' hondo na to ima-imam nomposusi'mo butong nu aha.

NEHEMIA 8:10

Jadi uuka pinsusule'mo; pongkaan ka' ponginum obau lame-lame' na kinyonyoa. Sambagian na anu o kaan nu belemiu ka' anggur anu o'inum nu belemiu bee' hi aha anu kinadaagi'anmo i anu o kaan, sinaa aiya sinaa anu tinantukanmo hi Tumpu Allah-nto, jadi bolimo susa' na kinyonyoa. Kalame'an nu kinyonyoa anu binee'mo nu Tumpu hi belemiu atina'mo na mompohoson belemiu.”

NEHEMIA 8:12

Sahingga ninsusule'mo iwi-iwi' na mian da'isan da aha mongkaanmo ka' monginumo ka' mombagi-bagimo anu o kaan hi mian sangga'at. Aha i lame'mo kalana nongalati'mo apaa na alatinyo nu anu binasa'mo ka' anu i hongomo nu aha aijo'.

AYUB 29:13

Aku nupuji' nu mian anu talalo hondo susa', ku tulungi na mian anu binalumo sahingga aha madi'mo susa'.

AMSAL 14:31

Ihe na manonong hi mian anu kasiasi, moholomatimo Tumpu Allah-nyo; panyo ihe na mongkabisa'i mian anu lupe sumomo mongalu anu Nompotimbali ia.

AMSAL 22:9

Mian anu manonong nu balakati nu Tumpu kalana Ia mombee'i dale' hi mian anu madi' ko apa-apaanyo.

YESAYA 58:10

Bee'i mongkaan na mian anu mo'ohop ka' tulungi na to mia-mian anu sinansalamo. De belemiu mombaumo sumo aijo', saba' pikat hondomi' anu atina' hi belemiu majingkamo susumo sinaa.

YESAYA 58:7

Obagi na kaanon nu belemiu hi mian anu mo'ohopmo, otalima na to mia-mian anu mahalajangan i laigan nu belemiu. Obee'i baju' na mian anu langgo' ka'boli mojalo i utus nu belemiu anu palalumo otulungi.

MATIUS 15:30

Da'isan na mian anu tinoka hi Ia nomboa to mia-mian anu pengko', anu mapisok, anu kapi', anu momo', ka' da'isan mule' na mian anu masakit, sangga'at. Aha nompo'una' mian haha aijo' i ahop hi Yesus, ka' Ia nompa'alinakon mian haha aijo'.

MATIUS 22:10

Saba' to posa-posaihon aijo' nambamo. Aha nokiijo' i jala-jalan anu ewa, lantas nolimu' iwi-iwi' na mian anu kinabot nu aha, anu ma'ima' mau anu ma'idek. Sahingga nobuke' na laigan nu bau-bauon po'osoan aijo' tiba to mia-mian anu i laga.

LUKAS 11:41

Anu i uno nu mangko' ka' i leanum aijo', aijo'mo na anu tionyo obee' miu hi to mia-mian anu kasiasi. Tiba jalan aijo', iwi-iwi' timbalije mompobelesi' butong komiu.

LUKAS 14:12

Lantas koonyo i Yesus hi tumpu nu laigan, “De beleyum mompaso mian i bau-bauon mongkaan sinaa kabai mongkaan malom, boli mompaso sangalu kabai utus, kabai to tomi-tominsan, kabai sampo bebe' nu laiganum anu kaya. Kalana saidi' mae aha suele mompaso komiu, desumo aitu beleyum montalima pombalosi nu bau-bauonum.

LUKAS 14:14

Beleyum obalakati, kalana mian haha aijo' madi' moko ala mombalosi ka'ima'anum. Ka'ima'anum nubalosije nu Tumpu, de to mian-mian anu ma'ima' po'ule'mo je opotumuu' mau ia silakamo.”

LUKAS 14:21

Posaihon aijo' ninsusule' ka' nompoto'i han aijo' hi tuannyo. Tuan aijo' notambuha'mo hondo ka' notatae hi pokauhonnyo, ‘Lako' lia-lia' mokiijo' i jala-jalan ka' i panga-panga' nu jalan nu kota'. Boamae na mian kasiasi, mian anu madi' sampa'na butongnyo, mian mapisok, ka' mian lupe.’

SISIKON NU TO RASUL-RASUL 9:39

Lau-laus i Petrus tinuminjo ka' nombatuki aha. Potokanyo kiijo' mae, ia binoa i kaman anu i bawonyo. Iwi-iwi' balu anu i kiijo' nontikubi i Petrus galo-galo' humaang ka' nompotoa hi ia to baju-baju'nyo ka' juba-juba' anu kina'utakon i Dorkas hi aha tempo'nyo ia daagi' tumuu'.

PO'ULE' INGULIT 14:29

Anu okaan aijo' bagi nu aha mian nu Lewi kalana aha madi' ko tano', ka' bagi nu mian anu lengkat mae i salipu'an, anak anu madi' ko tuuma ka' tinanyo ka' to balu-balu anu jojoong i kota-kota nu belemiu. Aha timbali toka mae ka' mongala apa-apaa na anu opalalui nu aha. De belemiu mombaumo sumo aijo' saba' Tumpu Allah nu belemiu mombalakatije iwi-iwi' na anu obau nu belemiu.”

PO'ULE' INGULIT 16:11

I ahop nu Tumpu Allah nu belemiu i tampat anu pinile'an-Nyomo, belemiu tionyo ahi' bilahi hingga-hinggat tiba to ana-anak nu belemiu, to posa-posaihon nu belemiu ka' aha mian nu Lewi, mian anu lengkat mae i salipu'an, anak anu madi'mo ko tuuma ka' tinanyo, ka' to balu-balu anu jojoong i songko-songko na kota nu belemiu.

PO'ULE' INGULIT 16:14

Balasana-sanang hingga-hinggat tiba to ana-anak nu belemiu, to posa-posaihon miu, aha mian nu Lewi, mian anu lengkat mae i salipu'an, anak anu madi'mo ko tuuma ka' tinanyo ka' to balu-balu anu jojoong i songko-songko na kota nu belemiu iwi-iwi'.

1 TIMOTIUS 3:2

Samian na anu montoongi jama'at tionyo ahi' mian anu madi' ko kasala'annyo, ola sa'angu' na bengkele'nyo, monsumbu' sabaan, pande ka' anu montoongi atulan; ia mongka'ima'i montalima mian i laigannyo, ka' timbali mongajan mian,

1 TIMOTIUS 5:10

talasanggo salaku boune anu saja' nombaumo hahan anu ma'ima', salaku sonto'nyo: nompidaka'imo to ana-anaknyo sampe na'ima', sanang na montalima to mia-mian sonso' male' i bonuanyo, montoa kapalaluan nu mian anu pinalesayamo, montulungi to mia-mian anu susa', ka' mombau totu-totu'u iwi-iwi' na ngahan nu kalaja anu ma'ima'.

TITUS 1:8

Ia tionyo ahi' sanang na montalima mian anu sonsoo' i laigannyo, mongka'ima'i hahan anu ma'ima', timbali mongatun butong, jujun, susi' ka' ta'atun.

FILEMON 1:7

Utusku i Filemon, kalibosanum kona hi iwi-iwi' mian anu palesaya hi Tumpu nompolame'mo aku, ka' nongkakeha'imo aku! Iwi-iwi' mian anu pinalesayamo hi Tumpu i lame'mo kalana kita Utus.

IBRANI 13:2

Boli bata-bata na montalima i laigan miu to mia-mian anu ma'isa osumbu' miu. Kalana de mombaumo anu sumo aijo' daagi' kino mian madi' sinumbu-sumbu'nyo, padahan ia nontalimamo malaikat i laigannyo.