LUKAS 13:34 - KITAB NU TUMPU ALLA LELE MA'IMAI'

³⁴ Yerusalem, Yerusalem! To nabi-nabi pinateanmo! To poka-pokauhon nu Tumpu pinahambunu'akonkumo nu batu sampe i nate! To pimpi-pimpianmo na Aku kahanda' molimu' iwi-iwi' na tumpu nu lipu'um sumo tinaan nu manuk mongokobi to sio-sioknyo i aluk nu polipiknyo, panyo beleyum madi' mongka'oho'!

LUKAS 13:34 Iomraidhean Croise

NEHEMIA 9:26

Panyo mian anu palesayamo hi Belento notomuhukmo ka' madi'mo nontuluti Belento, madi'mo nombau apaa na anu kokoonyo nu atulan ka' mule' apaa na anu ingatunmo nu Belento, nompateimo to nabi-nabi anu nonompokinde'imo aha, ka' anu nompalentahmo aha, po ule' palesaya hi Belento, Tumpu Allah nu aha. O Tumpu de Belento po ule' mule' nu alu nu aha,

NEHEMIA 9:30

Taun toka sataun sabaan na Belento mompokinde'i aha; Roh nu Belento mompoto'i aha to nabi-nabi da mompoto'iakon hi aha mian, Panyo mian anu palesayamo hi Belento mongonsongimo bihing nu aha, lantas binee'mo nu Belento na lipu' iwi-iwi' hi to bansa-bansa.

MAZMUR 149:2

Balame-lame'mo, o Israel kalana Ia na anu nompotimbalimo beleyum; bila-bilahimo, o mian anu jojoong i Sion kalana tomundo' nu beleyum!

MAZMUR 17:8

Potuu'akon mae na aku susumo batu nu mata nu Belento, posulukakon mae na aku i uno nu polipik nu Belento na montindungi mae aku

MAZMUR 36:7

Kanonongan nu Belento matunjo hondo sumo ko tangkasnyo nu bungkutnyo, ka' ka adinan nu Belento sumo koleengnyo nu ndalangon; manusia tiba binatang Belento na mompotuu' o Tumpu.

MAZMUR 57:1

Anu mongkapalai panyanyi. Ingala i lagu nu nyanyian: Boli mompatei. Mazmur i Daud, tempo'nyo ia nopalaimo ninsoop i uno nu liang da madi' nukabot i Saul.

MAZMUR 81:13

Kalana aijo' pinojoho-Kumo na aha da pinanggagamo, bakasmo na aha da mombatukimo posi pongka'oho' nu aha.

MAZMUR 91:4

Ia na nongkukubi beleyum nu polipiknyo sahingga beleyum madi' ko anu mompoposia kiijo' i uno nyo; kanonongan-Nyo sumomo kanta monjagai beleyum.

YESAYA 30:15

Tumpu Anu Matangkas na Kuasanyo, Tumpu nu Israel anu susi', nompoto'imo hi mian anu palesayamo hi Ia, “Balatobatmo ka' potataap na kinyonyoa da belemiu Ku posalamat. Palesaya mae na Aku nu kinyonyoa anu madi' mimpio-pio' da belemiu Ku bee'ije kahosonan.” Panyo belemiu madi' ahi mongka'oho'!

YESAYA 50:2

Kadaka' aijo' aha mian anu palesayamo hi beleng-Ku mau samian madi' ko anu montaami mae, tempo'nyo Aku tokamo mae molaga aha? Pa' ugaat aha ola ahi' momohokot kalana monsangka Aku madi' moko ala mompobebas ka' mule' madi' moko ala momposalamat aha? Padahan mau ola Ku palentah na ambai timbali mo'oti, iwi-iwi na kaunyo timbali Ku pojadi padang tampat anu mateges, sahingga to ika-ikan matemo ka' mabusikmo.

YEREMIA 2:30

Ola palasuma' na belemiu Ku hukum, kalana belemiu madi' mongka'oho' montalima pokinde'. Pokakana susumo singa anu nangamu'mo, sumo aijo'mo na belemiu nompateimo to nabi-nabi nu belemiu.

YEREMIA 26:23

Lantas binoamo mae nu aha na ia hi Tomundo' Yoyakim. Lapas aijo' pinalentahmo i tomundo'da opateimo na ia, ka' bangke'nyo mamba o alin itampat polamunan nu aha mian da'isan.

YEREMIA 35:14

I Yonadab nontewa'mo lee'nyo da boli monginum anggur ka' tinulutanmo ahi' nu aha na palentah aijo'. Sampe sinaa uuka madi' ko samian pe'e na aha na anu monginum anggur. Panyo Aku na saja' ahi' mompoto'i hi belemiu panyo belemiu madi' ahi' mongka'oho mohongo-hongo.

YEREMIA 35:17

Kalana aijo' Aku, Tumpu Anu Mahakuasa, Tumpu Allah Israel, mompotokamo mae aiya hi belemiu – mian nu Yehuda tiba Yerusalem – iwi-iwi' na balaa' anu tinantukan-Kumo mongkona belemiu, susumo anu pinoto'ing-Kumo. Han aijo' Ku baumo kalana belemiu madi' mongka'oho' mohongo-hongo de Ku poto'imo hi belemiu, ka' belemiu madi' mongka'oho' montaami salatan Ku lagamo na belemiu.”

YEREMIA 6:16

Tumpu notatae hi mian anu palesayamo hi Ia, “Tinjo' ipopanga'an-popanga'an nu jalan ka' palahatikan ima-ima'! Pokilawa na jalan anu naipuan mae, ka' iya na anu ma'ima'an hondo na jalan haha aijo'. Tuusakonmo na jalan aijo' da belemiu tumuu' madi' ko anu mompoposia.” Panyo aha notatae, “Madi', kami madi' mongka'oho' montuusakon jalan aijo'!”

MOHAANGI 1:16

Aitu na sababnyo sahingga matangku i lolu'onmo, madi' ko anu mombee'i bau pombikas ka' mombee'i potatae anu moko sanang na kinyonyoa. Madi'mo daagi ko apa-apaa hi bansangku, kalana sampobali' na lebe balakuasa.

MOHAANGI 4:13

Panyo han aijo' jinadimo, kalana dosa' nu to ima-imam ka' to nabi-nabi. Aha nombubusakonmo baso', nu mian anu madi' ko sala'nyo.

HOSEA 11:2

Panyo lebe Ku laga na anak-Ku aijo' lebe mule' ahi' majo'on na ia hi beleng-Ku. Ia momboa koloban ka' mompapui kamangian osombahkon hi Baal tiba hi pilogot sangga'at.

HOSEA 11:7

ka' madi'mo hondo mohongo Aku. Sahingga aha lewa'mo opalentah, madi' ko anu moko ala mompobebas aha mau ahi' aha moloboo' momoita tulung.”

YOËL 2:23

O mian da'isan nu Sion, balame-lame'mo! Bilahimo ka' polo aismo! Kalana iwi-iwi' na anu ma'ima' lengkat mae hi Tumpu nu belemiu. I tempo'nyo nu polosuan binee'an-Nyomo sukup na ujan hi belemiu. I tempo'nyo nu bakin ujan tinudunakon-Nyomo mae. Ka' suele tempo'nyo nu pimbuhakan sumomo u'utu mae.

ZAKHARIA 1:4

Boli montiho susumo mompolee' nu belemiu. Daagi' pe'e naipuan mae to nabi-nabi nompotokamo potuunon-Ku hi aha da aha bolimo mombau palabuatan anu ma'idek, ka' mombau dosa'. Panyo aha madi' nompajuli ka' madi' nongka oho' tinulu-tulutan hi beleng-Ku.

MATIUS 22:3

Tomundo aijo' nonsai to poka-pokauhon mamba molabot to mia-mian anu i laga da toka i bau-bauon aijo'. Panyo aha anu i laga aijo' madi' mongka'oho' toka.

MATIUS 22:6

ka' anu sangga'at mule' nohakop to posa-posaihon nu tomundo aijo', lantas nomboboti ka' nompatei aha.

LUKAS 15:28

Anak tumpenyo aijo' pinusamo hondo, sahingga madi'mo mongka'oho' minsoop i laigan. Lantas tuumanyo nosabat ka' nongindeeko' da ia minsoop.

LUKAS 19:44

Nugalisi nu aha na beleyum tiba tumpu nu lipu'um; ka' madi' ko sambatu pe'e na batu nu pojohok nu aha tasusun i tampatnyo, kalana beleyum madi'mo mompalahatikan pa' hi pian na Tumpu toka mae momposalamat beleyum!”

LUKAS 23:28

Panyo i Yesus nosiloi ka' notatae hi aha, “To bou-boune nu Yerusalem! Boli mohaangi Aku. Haangi na posi butongum ka' to ana-anakum.

SISIKON NU TO RASUL-RASUL 7:52

Apaa daagi' ko nabi anu madi' sinakisa nu mompolee' miu? Aha nompateimo to posa-posaihon nu Tumpu anu u'utu pe'e mae nombebakonmo tukoonyo. Posaihon nu Tumpu anu totu'u, tokaje mae. Ka' uuka aiya komiu nongkabisa'imo ka' nompateimo Posaihon nu Tumpu aijo'.

SISIKON NU TO RASUL-RASUL 7:59

Hau-haunyo aha mompahambunu'akon i Stefanus, i Stefanus noloboo', “Kita Tumpu Yesus, talimamo na roh-ku!”

SISIKON NU TO RASUL-RASUL 8:1

Ka' i Saulus suele sinanangmo kalana mian aijo' pinateanmo. Sinaa aitu mule' jama'at i Yerusalem mulaimo saja' o loloi', sahingga iwi-iwi' mian anu palesayamo, me sambiha'nyo to rasul-rasul, noga'a-ga'atmo nokiijo' i songko-songko na tano' nu i Yudea ka' i Samaria.

PO'ULE' INGULIT 32:29

De aha pande, aha mangalati'mo, ka' mompopikilakonmo apaa na anu saidi' mae jadi i mihinyo hi aha.

PO'ULE' INGULIT 5:29

Soba de aha saja' ko pikilan sumo aijo'! Soba de aha saja' mongadati Aku ka' montuluti palentah-ngKu iwi-iwi', sahingga aha ka' lee' nu aha mohumpak ka'ima'an sampe toka sidu-sidutu'!

ANU PINOTO'I HI YOHANES 11:8

Ka' aha anu sinilakamo paha-paha timpasmo i jalan anu ewa i kota daka', anu pinonsalipan nu aha Tumpu. Sanggo anu pinongkantuangakon kota aijo' atina'mo Sodom kabai Mesir.

I RUT 2:12

Ku amalakon da Tumpu mombalosi iwi-iwi' na ka'ima'an nu beleyum. Ku amalakon da beleyum mohumpak apaa na anu patut obee' hi beleyum nu Tumpu, Tumpu Allah Israel, kalana beleyum tinokamo mae mompoita da Ia na monjagai.”