LUKAS 13:32 - KITAB NU TUMPU ALLA LELE MA'IMAI'

³² I Yesus nontaami, “Lako' poto'iakon hi mian anu madi' mingguna aijo', ‘Sinaa uuka ka' dodop Aku molaa'mo roh ma'idek ka' nompa'alin mian masakit, panyo i sinaa kototolu'nyo, Aku mompomingkotmo pakalaja'an-Ku.’

LUKAS 13:32 Iomraidhean Croise

NYANYIAN ANU TALASANGGO 2:15

Paha hakopakon na bau' nu alas haha aijo', bau' nu alas haha aijo' mongideimo ale' nu anggur, kalana ale' nu anggur mami hau-haunyomo timboka na bunganyo.

YEHEZKIEL 13:4

O, Israel, nabi nu belemiu haha atina' madi' kogunanyo, pokakanamo susumo serigala-serigala anu tumuu' itotonga' nu kota' anu ihansunmo.

ZEFANYA 3:3

To mia-mian daka' anu i kota' aijo' sumomo singa anu lewa' molohu'. To mia-mian kopiannyo sumomo to seri-serigala anu no'ohopmo, aha talalomo hondo nangoa sahingga sangkolong pe'e na buku madi'mo ko tuha'nyo anu okaan dodop.

MARKUS 6:14

To lele-lele anu mongkona iwi-iwi' na kajadian aijo' tinoka hi Tomundo Herodes, kalana sanggo i Yesus sinumbu'mo iyayamae. Daagi' ko mian anu notatae, “I Yohanes anu Mompalamandikan po'ule'mo tinumuu'! Aijo'mo na sababnyo Ia ko kuasa mombau anu okabangangi aijo'.”

YOHANES 10:32

Panyo i Yesus notatae hi aha, “Komiu nontoamo Aku nombau manjoo' na hia anu ma'ima', anu pinalentahkon nu Tuuma hi beleng-Ku. Iwi-iwi' na hia aijo', iya na anu monsaduakon komiu mongka'oho'mo mombunu' Aku nu batu?”

YOHANES 19:30

I Yesus nontumi' uee nu anggur aijo' lantas notataemo, “I lapasmo!” Balo Ia tinompalupek na ubak-Nyo ka' sinilaka.

IBRANI 2:10

Memang konanyomo na Tumpu – anu nompotimbalimo iwi-iwi na apaa bau kapentingan-Nyo – ka' nompotimbalimo i Yesus anu momposalamat totu-totu'u, Ia nongoa'imo kasansala'an. Tiba jalan anu sumo aijo' na Tumpu nolagamo mian iwi-iwi' da suele opopodaka' tiba i Yesus. Kalana Iamo na pombuka' jalan hi aha da timbali oposalamat.

IBRANI 5:9

Sahingga salatan Ia pinotimbalimo anu momposalamat totu-totu'u, Ia tinimbalimo pinolengkatan nu kasalamatan anu sampe toka sidu-sidutu' kona hi iwi-iwi'na mian anu tulu-tulutan hi Ia,

IBRANI 7:28

Atulan nu agama Yahudi mohangkat mian anu madi' ma'ima' da timbali imam daka'. Panyo salatan noko lapasmo na atulan aijo', Tumpu nojanji'mo ka' sinumpa'nyomo tukoonyo Ia mohangkatmo anu salaku bau Imam Daka', Anak anu pinotimbalimo bau Pomposalamat totu-totu'u ma'ima' sampe toka sidu-sidutu'.