LUKAS 13:16 - KITAB NU TUMPU ALLA LELE MA'IMAI'

¹⁶ Yo, uuka aiya daagi' ko samian na boune lee' i Abraham, anu sampulu'mo uwalu' na taun na kopinnyo pinungu nu Ibilis. Pa' madi' ia olapasakon kiijo' pungu-pungu na ia i sinaa nu Sabat?”

LUKAS 13:16 Iomraidhean Croise

MAZMUR 107:14

Aha i uno nu pikat, sinabatakon-Nyomo, ka' nombotu'akonmo lante' besak anu pinompungu aha.

MATIUS 4:10

I Yesus nontaami, “Lako' na oko anu Monggoda! I uno nu Kitab nu Tumpu tinulis: O sombah na Tumpu, Tumpuum, ka' ola Ia na hongo na palentah-Nyo!”

MARKUS 2:27

Lantas i Yesus notatae mule', “Sinaa nu Sabat binau bau kapentingan nu mian; misa' mian bau sinaa nu Sabat.

LUKAS 16:24

‘Tuumangku Abraham!’ loboo' nu mian kaya aijo'. ‘Kalibosi na aku. Pokau mae na i Lazarus molobong bua' nu limanyo i uno nu uee lantas toka mae mohumpisi jila'ku. Tahahumo sansala na aku i uno nu apu aiya!’

LUKAS 19:9

Lantas koonyo i Yesus, “Sinaa aiya beleyum tiba komiu sampoto utusanum pinosalamatmo nu Tumpu, ka' binee'annyomo kantumuu'an bu'ou, kalana beleyum suele lee' i Abraham.

LUKAS 3:8

Potoa'i kalakuanum, de komiu binala tobatmo, madi'mo mombau dosa-dosa' miu! Boli montampu'uni motatae, tukoo miu i Abraham aijo' mompolee' miu! Inau': Te batu pe'e aiya, Tumpu moko ala mombau lee' i Abraham!

YOHANES 8:44

Ibilis na tuuma miu, ka' komiu mongka'oho'mo mombatuki kahanda' nu tuuma miu. Lengkat pe'e imoonanyo Ibilis aijo' saja'mo nompatei. Ia madi' toho' mosambiha' i kahondoan, kalana madi' ko kahondoan hi ia. De ia baleko', aijo' pantas, kalana sumo aijo'mo na sipatnyo. Ia baleko' ka' pinolengkatan nu leko'.

SISIKON NU TO RASUL-RASUL 13:26

To Utu-utus lee' i Abraham, ka' iwi-iwi' to Utu-utus anu sangga'atannyo, i aiya anu mohongo hi Tumpu! Tumpu nompakatumo hi kita lele kasalamatan aijo';

2 TIMOTIUS 2:26

Tiba jalan anu sumo aijo' aha po'ule'mo sinsumbu' ka' nolapasmo i ponggoda'an nu Ibilis anu nonsale'imo aha ka' nompakisamo aha mombatuki pongka'oho'nyo.