LUKAS 13:11 - KITAB NU TUMPU ALLA LELE MA'IMAI'

¹¹ I kiijo' daagi' ko samian na boune masakit sampulu'mo ka' uwalu' na taun, kalana daagi' ko roh ma'idek i uno nu butongnyo. Boune aijo' tabohukut ka' madi'mo moko tuminjo hodi-hodi'.

LUKAS 13:11 Iomraidhean Croise

AYUB 2:7

Jadi Anu saja' Monggoda aijo' nambamo pinala'iannyomo na Tumpu, ka' pinokonannyomo na butongnyo i Ayub songko-songko kahomo bela nu kumahut, lengkat pe'e i pala nu tengkenyo tinoka-toka nokiita' i ubaknyo.

MAZMUR 145:14

Tumpu montulungi mian anu i uno nu kasusa'an, Ia montinjohi mian anu madi' panggaga.

MAZMUR 146:8

ka' mian anu mapisok opo'alinmo sahingga moko alamo montoa. Ia na mohangkat mian anu tinohumpukmo, ka' mongkalibosi mian anu hodi' na kinyonyoanyo.

MAZMUR 38:6

Songko-songko na belangku ninana'mo ka' nabusikmo, kalana aku nimbalu-balu'mo mian anu ponga'.

MAZMUR 42:5

Kinyonyoangku susa'mo de tonginau'mo naipuan mae, salatan aku mambamo i Laigan nu Tumpu, hingga-hinggat tiba mian da'i-da'isan anu mombaumo lamean. Aku ilumajang mamba momona hi aha anu lumajang lame-lame' lewa' montaligalai ka' manyanyi bau pompuji' Tumpu.

MAZMUR 6:2

O Tumpu, boli mae mondoke aku de Belento motambuha'mo, boli mae mohukum aku de Belento pusamo.

MATIUS 4:23

I Galilea, i Yesus nonsongkohi iwi-iwi' na lipu' ka' nongajan i laigan pogalejaan. Ia nompolele Lele Ma'ima' tukoonyo Tumpu tionyo mompalentah. Ka' Ia mule' nompa'alin to mia-mian anu masakit ka' anu madi' sampa' na butongnyo.

MARKUS 9:21

Lantas i Yesus nompokilawa hi tuumanyo, “Ipianmo na ia sinumo aiya?” “Daagi' pe'e ia ise'!” tinaaman nu tuumanyo.

LUKAS 13:12

Salatan tinoa i Yesus, Ia notatae daka-daka' hi ia, “Kita Tina, beleyum ma'alinmo i panyakitum!”

LUKAS 13:16

Yo, uuka aiya daagi' ko samian na boune lee' i Abraham, anu sampulu'mo uwalu' na taun na kopinnyo pinungu nu Ibilis. Pa' madi' ia olapasakon kiijo' pungu-pungu na ia i sinaa nu Sabat?”

LUKAS 21:28

De hahan aijo' montampu'unimo jadi, pobulamo ka' bangonakon na ubakum kalana gagana' uuka komiu oposalamatmo.”

LUKAS 8:2

Sumo aitu mule' to pia-piangkuka na boune anu na'alinmo, anu kinona nu roh ma'idek ka' panyakit. Aha aijo'mo i Maria anu osa-osanggohi Magdalena (popitu' na roh ma'idek anu sinabatakon hi ia);

LUKAS 8:27

Tempo'nyo i Yesus nintau'mo i katano'an, Ia i lambanan mae nu samian na mo'ane anu sinoku'onmo nu roh ma'idek. Mian aijo' lengkat mae i kota. Pininmo na ia madi' mibaju' ka' madi' mongka'oho' jojoong i laigan. Ia ola mongka'ima'i lewa' jojoong i liang pompo'una'an mian anu silakamo.

LUKAS 8:43

I kiijo' daagi' mule' ko samian na boune anu umunnyo sampulu'mo ohua' na taun masakit binuntulan nu home, ola kalana tinokamo na adat nu boune. Ia nongingkotimo iwi-iwi' na halata'nyo bau bapakuli' hi dokoten, panyo madi' ko anu noko pa'alinakon.

SISIKON NU TO RASUL-RASUL 3:2

I kiijo' mae i sabatan anu osanggohi “Sabatan Ma'ima'”, daagi' ko samian na mo'ane anu kapi' salatan pe'e i hampe. Toka sansina-sinaa mian aijo' oboa mokiijo' da momoita hi to mia-mian anu minsoop i Laigan nu Tumpu.

SISIKON NU TO RASUL-RASUL 4:22

Mian anu nongoa'i na'alinmo, anu okabangangi aijo', umunnyo labimo patom pulu' na taun.