LUKAS 12:9 - KITAB NU TUMPU ALLA LELE MA'IMAI'

⁹ Panyo mian anu madi' mongakui i ahop nu mian da'isan tukoonyo ia anu saja' mombatuki Aku, ia suele opojalo nu Anak nu Mian i ahop nu to mala-malaikat nu Tumpu.

LUKAS 12:9 Iomraidhean Croise

MATIUS 10:33

Panyo de ihe na madi' mongakui Aku i ahop nu mian da'isan, tukoonyo ia misa' anu mombatuki Aku, Aku suele madi' mongakui Ia, i ahop nu Tuumang-Ku i suluga'.”

MATIUS 25:12

Panyo boting mo'ane aijo' nontaami, ‘Aku madi' monsumbu' komiu!’ ”

MATIUS 25:31

“De Anak Mian toka sumo Tomundo nu sampo jaalan nu malaikat-Nyo iwi-iwi', Ia sumuhang i kasuhangan-Nyo anu opopodaka'.

MATIUS 25:41

Lantas Tomundo aijo' notatae hi to mia-mian anu i sasu kowi-Nyo, ‘Lako'mo pokiijo', anu kinutukanmo! Pinsoopmo i uno nu apu anu madi' toho' mate, anu pinosadiakonmo i Setan ka' hi to mala-malaikatnyo!

MATIUS 7:23

Panyo Ku taamije, ‘Aku madi' toho' nonsumbu' komiu! Lako'mo, na komiu anu mombau ka'idekan!’ ”

MARKUS 8:38

De toto samian ma'ambang na mongakui Aku ka' pangajalan-Ku, i tempo' nu duluhaka ka' ka'idekan aiya, Anak nu Mian suele ma'ambang na mongakui mian aijo', tempo'nyo Ia po'ule' toka tiba kuasa nu Tuuma-Nyo, tiba to mala-malaikat anu susi'.”

LUKAS 15:10

Sumo aitumo na malaekat nu Tumpu lame' de daagi' ko samian anu ma'idek balatobatmo i dosa-dosa'nyo. Palesayamo!”

LUKAS 22:57

Panyo i Petrus nojalo. Ia notatae, “Aku madi' hondo monsumbu' mian aijo'!”

LUKAS 9:26

De mian ma'ambang mongakui Aku tiba pangajalan-Ku, Anak nu Mian suele ma'ambang na mongakui mian aijo', de Ia po'ule'mo toka tiba kuasa-Nyo, ka' tiba kuasa nu Tumpu hingga-hinggat kuasa nu to mala-malaikat anu susi'!

2 TIMOTIUS 2:12

De kita tataap sabaan, kita mompalentahje suele tiba Ia. De kita madi'mo mongakui Ia, Ia suele madi'mo mongakui kita.

1 YOHANES 2:23

Mian anu madi' mongakui Anak, alati'nyo madi' montalima Tuuma mule'. Ka' mian anu mongakui Anak, alati'nyo montalima Tuuma suele.

1 YOHANES 2:28

Jadi to ana-anakku, saja' ahi' tumuu' mosa'angu' tiba i Kristus, da saidi' mae de tempo'nyomo Ia toka, kita buke-buke' nu kabaanian na mangadap hi Ia, ka' madi' maninsuluk kalana ma'ambang.

ANU PINOTO'I HI YOHANES 3:8

Ku sumbu' apaa na anu binaumo miu. Ku sumbu' saba' belemiu madi' talalo mahoson; belemiu nombatukimo pangajalan-Ku ka' nohongo-hongomo Aku. Kona hi belemiu tinuhea'akon-Kumo na sa'angu' na tumban anu madi' daagi' opoko tumban nu mau mule' pa' ihe.