LUKAS 12:42 - KITAB NU TUMPU ALLA LELE MA'IMAI'

⁴² Tumpu nontaami, “Ihe na posaihon anu mohongo-hongo ka' pande, sahingga i hangkat nu tuannyo timbali kapala nu to posa-posaihon sangga'at da ia mombee'i aha mongkaan toka i tempo'nyo?

LUKAS 12:42 Iomraidhean Croise

NOSABATMO 36:4

Lantas iwi-iwi' na anu monsumbu' mombau apa-apaa anu aijo' hau-haunyo mombau pakalaja'an aijo'

AMSAL 12:8

Mian opuji' sitimbang tiba kapandeannyo; mian o alu sitimbang tiba kaponga'annyo.

AMSAL 15:23

Potatae anu otaeakon kona memang itempo'nyo mompotoka mae kasanangan nu kinyonyoa,

AMSAL 27:18

Ihe na mongkalesang kau' saidi 'mae mongkaan bua'nyo, Posaihon ohalagai de monsumbu' mongala kinyonyoa nu tuannyo.

AMSAL 31:15

Ia mobula daagi hondo subu-subu da montoukaimo anu okaan nu aha salaigan; ka' mombagi-bagiakon pakalaja'an hi to posa-posaihonnyo.

YESAYA 50:4

Tumpu Anu Matangkas na Kuasanyo nompogulu'mo aku notatae, da potataengku mompohoson mian anu ilusekmo. De subu-subumo Nu po ingatmo mae na anu nu ka'ima'i nu kinyonyoangku, da mohongomo pangajalan-Nyo anu obee' hi belengku.

YEREMIA 23:4

Aku mohangkatmo polaya' da monjagai aha. Mian anu palesayamo hi beleng-Ku madi'mo daagi' mabuhuk ka' madi'mo daagi' saja' nu lakat; madi'mo daagi' maga'a na mian anu aijo' hi aha. Aku, Tumpu notataemo.”

YEHEZKIEL 34:3

Susunyo o inum nu belemiu, bulunyo obau nu belemiu pakean, ka' domba anu molompo' hondo okolot ka' okaan nu belemiu. Belemiu madi' toho' mongkalesang domba nu belemiu haha atina.

MATIUS 13:52

Lantas i Yesus notataemo, “Aijo', na sababnyo batu-batu gulu' Agama anu timbalimo mian anu palesayamo hi Tumpu, sumo samian na tumpu nu laigan anu monsabatakon lengkat i tampat nu halata'nyo anu bu'ou ka' anu pininmo.”

MATIUS 20:8

Ohanimo malom, tumpu nu ale' nu anggur aijo' notatae hi mandonnyo, ‘Lagamo na anu mokalaja aijo' ka' bayanmo na tamboo nu aha toto samian, otampu'uni lengkat hi mian anu ninsoop i mihi toka hi aha anu moona ninsoop.’

LUKAS 12:43

Palias na ko bilahinyo na posaihon aijo' de tuannyo minsusule'mo mae ka' montokai ia hau-haunyo mombau anu pinokauhakonnyo!

LUKAS 7:13

Salatan i Tumpu Yesus nontoa boune aijo', Ia nolibos hi ia, lantas notatae, “Boli humaang kita Tina!”

LUKAS 7:19

Lantas nonsai aha namba hi Tumpu Yesus ka' mompokilawa, “Kitamo Tuuma na mian anu toka mae susumo anu jinanji'mo nu Tumpu, kabai tionyo kami montanda'i san-samianan?”

SISIKON NU TO RASUL-RASUL 20:28

Tionyo obala ingati na butong miu ka' otoa suele na jama'at iwi-iwi' anu binee'mo nu Roh nu Tumpu hi komiu da otoa; kalana komiu ingangkatmo da montoa jama'at aijo'. Tionyo komiu montoa jama'at nu Tumpu aijo' sumo polaya' montoa dombanyo, kalana Tumpu nompotimbalimo jama'at-Nyo, aijo'mo na sababnyo sahingga i Yesus Anaknyo sinilakamo.

1 TIMOTIUS 3:15

da de aku ma'isa malia' toka nusumbu'mo nu beleyum mosia na kita tionyo ahi' tumuu' salaku sampoto utusan nu Tumpu, aijo'mo jama'at nu Tumpu anu tumuu'. Aiyamo na jama'at anu sumo salaku ahi' montinjohakon ka' ponsoko pangajalan anu totu'u lengkat mae hi Tumpu.

1 TIMOTIUS 5:17

Polaya' nu jama'at anu mompojalan kalaja ma'i-ma'ima', patut obee'i bau ponginau' kalajanyo pinduan lipat, lebe-lebe aha anu make-makeke na mompogreja ka' mongajan.

2 TIMOTIUS 4:2

Tionyo ahi' beleyum saja' mompolele lele lengkat mae hi Tumpu Allah aijo', ka' sabole-bole opoita da mian mohongo pa' aha mongka'oho', kabai madi'. Tionyo ahi' beleyum bala usaha da mian palesaya totu-totu'u, mompoto'i kasala'an ka' mongkakeha'i aha. Pagala osabalakon na mongajan mian.

TITUS 1:7

Polaya' nu jama'at atina'mo mian anu mongatun pakalaja'an nu Tumpu, ia madi' timbali ko kasala'annyo. Ia madi' timbali kobubuun kabai saja' pusa, kabai saja' malangu, kabai mongka'ima'i mahantuda', kabai kinyonyoa saja' mompopikilakon doi.

IBRANI 13:17

Obatuki na palentah nu to pola-polaya' miu, ka' otuluti na aha. Kalana aha saja' mompalahatikan santuu' miu, ka' aha mule' saja' ahi' mompalahatikan mosia na pakalaja'an nu Tumpu anu binaumo nu aha. De komiu montuluti aha, sanang na kinyonyoa nu aha mokalaja; de madi', tantu aha mokalaja susa' na kinyonyoa, ka' aijo' madi' mompo'untung komiu.

IBRANI 13:7

Boli okolilimi na to pola-polaya' miu anu mompotoka potuunon nu Tumpu hi belemiu. Opalahatikan mosia na aha tumuu' ka' mosia na aha silaka, ka' obau sonto' na iman nu aha.

IBRANI 3:5

I Musa tulu-tulutan hondo salaku posaihon i uno nu Laigan nu Tumpu ka' mompotokakon hahan anu nu poto'ije nu Tumpu Allah aiyamae i ahop.

1 PETRUS 4:10

Belemiu toto samian nohumpakmo taju anu madi' pokakana lengkat mae hi Tumpu. Kalana aijo' salaku mian anu nonggunakonmo ima-ima' apaa na anu binee'mo nu Tumpu, ogunakon ahi' na kahosonan aijo' bau kapalaluan hingga-hinggat.