LUKAS 12:22 - KITAB NU TUMPU ALLA LELE MA'IMAI'

²² Lantas i Yesus notatae hi anu saja' mombatuki Ia, “Aijo' na sababnyo Aku motatae, ‘Boli bata-bata mongkona kantumuu' anum, aijo'mo pa' apaa na anu okaan miu, kabai apaa na anu opake miu.’

LUKAS 12:22 Iomraidhean Croise

LUKAS 12:11

De komiu oboa i to lai-laigan pogalejaan da opalesa i ahop nu pamalentah kabai anu ko kuasa, boli bata-bata mongkona mosia na komiu tionyo mompototu'u butong, kabai mongkona apaa na anu tionyo otaloakon miu.

LUKAS 12:23

Tumuu' molingkudui kaanon, ka' butong molingkudui pakean.

LUKAS 12:29

Jadi, bolimo bata-bata ka' bingong mongkona apaa na anu okaan miu ka' o inum.

1 KORINTUS 7:32

Pongka'oho'ku da kita Utus bebas i kasusa'an. Mian anu madi' ko bengkele'nyo momposa'angu'mo pikilannyo i hahan mongkona Tumpu, kalana ia mongka'oho' momposanang Tumpu.

FILIPI 4:6

Boli bata-bata maumo pa'apaa. I uno nu iwi-iwi' na han, balado'a ka' potoka na poitaon miu hi Tumpu. Apaa na anu opalalui miu, saja' opoto'i na aijo' hi Tumpu, ka' montalima kase.

IBRANI 13:5

Boli kantumuu'an miu mongka'ima'i doi na mongkuasai, panyo tionyo ahi' komiu mongoa'i sukupmo tiba apaa na anu daagi'mo hi belemiu. Kalana Tumpu notataemo, “Aku madi' mompojohok kabai mompala'i beleyum.”