LUKAS 12:17 - KITAB NU TUMPU ALLA LELE MA'IMAI'

¹⁷ Mian kaya aijo' nontampu'unimo binapikin i uno nu kinyonyoanyo, ‘Madi'mo daagi' ko tampat bau pompo'una'an hasin nu tano'ku. Mosia na pikilanku tempo' uuka?’

LUKAS 12:17 Iomraidhean Croise

ANU MOMPOLELE POTATAE NU TUMPU 11:2

Balanjakon na doi nu beleyum ingangahan nu badagangan; Olio na usaha jonjoo'. Kalana mian palalu saja balajaga-jaga; mau ma'isa pe'e ko balaa' montokai mae.

YESAYA 58:7

Obagi na kaanon nu belemiu hi mian anu mo'ohopmo, otalima na to mia-mian anu mahalajangan i laigan nu belemiu. Obee'i baju' na mian anu langgo' ka'boli mojalo i utus nu belemiu anu palalumo otulungi.

MATIUS 16:7

Nohongo potatae i Yesus aijo', anu saja' mombatuki Yesus nontampu'unimo notatae samian ka' samian, “Ia motatae sumo aijo', kalana kita madi' mae nomboa roti.”

MATIUS 5:42

De komian mompoita apa-apaa hi komiu, bee'iakonmo na ia. Ka' boli mule' tolo madi' himian anu mongka'oho' mosabon apa-apaa hi beleyum.”

LUKAS 10:25

Lapas aijo' samian na gulu' agama tinokamo da monsobai Yesus. Ia nompokilawa, “Tuumangku Gulu', apaa na tionyo kubau da montalima kantumuu'an anu mingkaliangan ka' toka sidu-sidutu'?”

LUKAS 11:41

Anu i uno nu mangko' ka' i leanum aijo', aijo'mo na anu tionyo obee' miu hi to mia-mian anu kasiasi. Tiba jalan aijo', iwi-iwi' timbalije mompobelesi' butong komiu.

LUKAS 12:16

Lantas i Yesus nonsisikakon kantuang aiya, “Daagi' ko samian anu kaya. Ia daagi' ko tano' anu manjoo' na hasinnyo.

LUKAS 12:18

Lapas aijo' ia binapikin mule' ka' notatae hi posi butongnyo, ‘Ah, aku ko pikilan; gudangku iwi-iwi' ku poki ideimo, lantas ku potinjo na anu lebe daka'. I kiijo' na ponguna'anku gandumku iwi-iwi' tiba to langke-langkengku sangga'at.’

LUKAS 12:22

Lantas i Yesus notatae hi anu saja' mombatuki Ia, “Aijo' na sababnyo Aku motatae, ‘Boli bata-bata mongkona kantumuu' anum, aijo'mo pa' apaa na anu okaan miu, kabai apaa na anu opake miu.’

LUKAS 12:29

Jadi, bolimo bata-bata ka' bingong mongkona apaa na anu okaan miu ka' o inum.

LUKAS 12:33

Pobaluk na anu daagi' hi beleyum ka' bee' na doinyo hi mian kasiasi. Pombaumo dompet bau kapentingan nu butongum, anu madi' toho' ma'idek, aijo'mo halata' anu opo una' i suluga'. Halata' aijo' madi' ko kapolapusannyo, kalana madi' nupoko ala nu anu buling, ka' atak madi' moko ala mongidei.

LUKAS 16:3

Saba' pongulus doi aijo' binapikin, ‘Apaa na kubau uuka? Tuanku ka'oho'mo mompobelenti aku. Mompason, aku madi' mahoson; lewa' momoita aku ma'ambang.

LUKAS 16:9

Lantas i Yesus po'ule' notatae, tukoo-Nyo, “Hongo! Pakemo na kakaya'an nu dunia aiya da mohumpak sangalu, da de kakaya'an nu dunia aiya madi'mo ko olinyo, komiu otalimaje i tampat kajojoongan anu sidu-sidutu'.

LUKAS 18:22

Nohongo aijo', i Yesus notatae, “Daagi' ko sa'angu' na han na anu tionyo nu bau: Pobaluk na anu iwi-iwi' hi beleyum, bee' hi mian kasiasi na doinyo, mohumpakje halata' i suluga' na beleyum. Lapas aijo' tokaje mae mombatuki Aku.”

LUKAS 19:17

‘Ma'ima',’ tukoonyo nu Tuan aijo', ‘beleyum pokauhon anu ma'ima'! Kalana i hahan anu toto ise-ise' beleyum timbali opalesaya. Beleyum kupotimbali mongkuasai sampulu' na kota.’

LUKAS 3:11

I Yohanes nontaami, “Mian anu ko baju' ohua', tionyo mombee'i sa'angu' hi mian anu madi' ko baju'; ka' anu daagi' ko kaanon tionyo mombagi.”

SISIKON NU TO RASUL-RASUL 16:30

Lapas aitu ia nomboa aha nosabat ka' notatae, “To Tuan-tuan, apaa na anu tionyo ku bau da aku o posalamat?”

SISIKON NU TO RASUL-RASUL 2:37

Salatan to mia-mian aijo' nohongo han aijo', kinyonyoa nu aha madi'mo talalo sinanang. Lantas aha nompokilawamo hi Petrus ka' hi to rasul-rasul sangga'atannyo, “To Utu-utus, kami tionyo mombau apaa?”

ROMA 12:13

Otulungi ka' posukupakon na kapalaluan nu to mia-mian Kristen sangga'at, ka' olabot na to Utu-utus anu sangko agama, anu ma'isa osumbu'to nu kita Utus tiba kinyonyoa anu sanang i laigan beleyum.

1 TIMOTIUS 6:17

Hi to mia-mian anu kaya i dunia aiya tionyo ahi' nupoita nu beleyum da aha boli kobubuun, ka' boli montaha'imani to paka-pakakas anu madi' tataap – sumo hannyo nu kakaya'an. Aha tionyo montaha'imani Tumpu anu nombee'imo molabi-labi iwi-iwi na apaa hi kita, da olasainto.

1 YOHANES 3:16

Tiba jalan anu sumo aiya kita nonsumbu'mo mosia na mongkalibosi sangko mian: I Kristus nombee'mo butong-Nyo kalana kita. Kalana aijo', kita suele tionyo ahi' mombee' kantumuu'anto kalana to Utu-utusto!