LUKAS 12:15 - KITAB NU TUMPU ALLA LELE MA'IMAI'

¹⁵ Lapas aijo', kona hi mian iwi-iwi' anu daagi' i kiijo', i Yesus notatae, “Obala'ingati ka' bajaga-jaga, boli sampe komiu mangoa. Kalana kantumuu'an nu mian madi' ola taha'iman i kakaya'annyo mau mule' halata'nyo molabi-labi.”

LUKAS 12:15 Iomraidhean Croise

1 TOMU-TOMUNDO' 2:40

ia nompokonamo kasake'an i keledainyo, lantas ia nambamo hi Tomundo' Akhis kiijo' i Gat molio posaihonnyo ua-ua'aha aijo'. Ia nohumpak aha lantas binoanyomo na aha ninsusule'.

AYUB 2:4

Panyo Anu lewa' Monggoda nontaami, “Nyawa ka' butong mahoson na lebe ko angga'nyo molingkudui halata'. Manusia halala' na mongkolobanakon halata'nyo asan ia tataap sabole-bole tumuu'.

MAZMUR 10:3

Mian anu ma'idek na kinyonyoanyo sinombongmo nu tanga'annyo anu ma'i-ma'idek, miana nu mangoa nontotobi'akonmo ka' madi'mo nontalima Tumpu.

MAZMUR 37:16

Balang mau ola sangkiding na daagi' hi aha mian anu ma'ima na kinyonyoanyo lebe ko angga'nyo nu lingkudui na balang anu molabi-labimo hi aha mian anu ma'idek na kinyonyoanyo.

MAZMUR 62:10

Manusia ola susumo monguusakon napas, tu'anyomo kabai daagi' anak bubuu' madi' ko angga'nyo. De otimbang, aha laing hondo, nulingkudui na kolaingnyo nu napas anu ouusakon.

AMSAL 15:16

Lebe ma'ima' ola sangkiding na halata'panyo monsumbu' mabuhuk hi Tumpu, ka' de mule' manjoo' na halata' panyo saja bata-bata.

AMSAL 16:16

Mohumpak kapandean bapikin nu lingkudui na mohumpak mosini'; mohumpak ilimu' lebe ko angga'nyo nu lingkudui na mohumpak salaka.

AMSAL 28:16

Anu balakuasa monsansalai mian sangga'at madi' ko pikilan anu ma'ima'; anu balakuasa mongkaddeki anu madi'adin mompalentah motau-taun.

YEREMIA 6:13

Aha iwi-iwi', anu tu'amo tiba anu daagi' anak, molio ka untungan tiba jalan anu madi' hodi'. Paka laus mule' nabi tiba imam suele nongakalimo miam.

YEHEZKIEL 33:31

Aha toka mae manjoo' hondo na mian ka' salaku mian anu palesayamo hi belengku, aha sumuhangmo mompotombihing potatae nu beleyum, panyo apaa na anu nu palentahkon nu beleyum madi' ahi' nu tuluti nu aha. Biwi nu aha montaloakon potatae mongka'ima'i panyo kinyonyoa nu aha na ola ahi' mompotutugakon mosia na mohumpak ka'untungan.

MIKHA 2:2

De aha mongka'ima'imo sa'angu' na ale' nu mian nu agoimo nu aha. De aha mongka'ima'imo sa'angu' na laigan nu mian nu alamo nu aha. Mau halata' mau pe'e poto'utusan madi'mo ko anu mompaha kona.

HABAKUK 2:9

Kinutukan na beleyum! Beleyum nompokayamo auan nu beleyum nu kauntungan anu i humpak nu beleyum kalana nompakisamo, da laigan nu beleyum amanmo ka' madi'mo ko kasusa'an ka' mule' balaa' anu montokai mae.

MARKUS 7:22

mahenyu, baleko', mongalu, tiba mombau sangga'at anu to ide-idek, timbali matongot, madi' ko atulan, minsihip, mohang hangka-hangkat butong, ka' madi' opoko ajan.

LUKAS 12:16

Lantas i Yesus nonsisikakon kantuang aiya, “Daagi' ko samian anu kaya. Ia daagi' ko tano' anu manjoo' na hasinnyo.

LUKAS 16:14

To mia-mian Farisi nohongomo iwi-iwi' anu tinaloakon i Yesus. Lantas kinokojoanmo nu aha, kalana aha mongka'ima'i doi.

LUKAS 21:34

“Ojagai na butongum, boli komiu talalo mongka'ima'i mombau bau-bauon ka' lewa' monginum inumon anu moko langu, kabai talalo mompotutugakon kapalaluan nu kantumuu'anum, sahingga komiu madi' mosadia sampe toka sinaanyo aijo' anu nu potolokengkeng mae.

LUKAS 8:14

Bine' anu nanabu' i totonga' nu hemput hii'on, sumomo mian anu mohongo lele aijo', panyo bata-bata i kantumuu'an nu aha, ka' mongindi tumuu' molabi ka' sanang i dunia aiya. Iwi-iwi' aijo' mompeedi aha sahingga madi' mohasinakon bua' matantu.

1 KORINTUS 6:10

anu buling, anu mangoa, saja' malangu, anu saja' mongalu mian sangga'at, tiba anu mompolugi' mian sangga'at – iwi-iwi' na mian anu sumo aijo' madi' timbali mian anu palesayamo hi Tumpu Allah.

KOLOSE 3:5

Mokonyo aijo' bolimo monginde'i hahan anu nu kamilui nu dunia anu mompigalapi butong miu, sumo masala', hahan anu madi' pantas, napisu nu kinyonyoa, mongkamilui anu ma'idek, ka' mangaluk, (kalana mangaluk sumomo palesaya hi pilogot).

2 TIMOTIUS 3:2

Mian mosi pentingkanmo butongnyo, me saja' mongkamata doi, kobubuun ka' mongka'ima'i sisik anu madi' kogunanyo. Aha mongka'ima'i mompopo'ise' mian, panggaga hi tuumanyo, madi' monsumbu' montalima kase ka' mongka'ideki hahan rohani.

IBRANI 13:5

Boli kantumuu'an miu mongka'ima'i doi na mongkuasai, panyo tionyo ahi' komiu mongoa'i sukupmo tiba apaa na anu daagi'mo hi belemiu. Kalana Tumpu notataemo, “Aku madi' mompojohok kabai mompala'i beleyum.”

YOSUA 7:21

To bala-balang anu ihumpakto nahampate, sala'sa'angu' tinoangku jubah anu ma'ima' hondo, anu kina'ut nu aha Babilonia, ka' suele salaka ku gantang ohua' na kilogram ka' sangkolong na mosoni' mintonga' na kilogram ko labinyo sangkiding. Kinamiluankumo hondo na balang haha aijo', sahingga ingalangkumo ka' pinosulukumo i uno nu tano' kiijo' i kemah-ku; salaka kaiyong i aluknyo hondo-hondo.”

2 PETRUS 2:14

Aha madi' ko kapa'osannyo na mombau dosa', ka' anu nu ka'ima'i aha aijo'mo montoa boune anu lewa' masala'. Ka' mian anu sala'je palesaya ka' anu ma'isa talalo palesaya totu-totu'u, nugoda nu aha. Kinyonyoa nu aha inanayamo nu mangoa. Aha to mia-mian anu kinutukanmo!

2 PETRUS 2:3

Kalana aha mangoa, sahingga to gulu-gulu' anu madi' totu'u aijo' nonsisikakonmo hi belemiu to sisi-sisik anu o posi kalang da bau pohumpakan ka'untungan hi belemiu. Panyo anu momputusi monabu'akonmo hukuman hi aha pininmo na pinosadia, ka' kabinasa'an anu tinantukanmo bau bagi nu aha hau-haunyomo montanda'imo aha.