LUKAS 11:48 - KITAB NU TUMPU ALLA LELE MA'IMAI'

⁴⁸ Jadi, posi komiu mongakuimo, saba' komiu monsitujuimo apaa na anu binaumo nu mompolee' miu; kalana memang aha na nompatei to nabi-nabi aijo', ka' komiumo na nombau polamunannyo.

LUKAS 11:48 Iomraidhean Croise

2 TAWARIKH 36:16

Panyo aha madi' nontapali to mia-mian anu sinai mae Tumpu Allah aijo', ka' lewa' mongkokojoi to nabi-nabi-Nyo ka' madi'mo nontapali potatae-Nyo. Ahennyo Tumpu notambuha'mo hondo hi aha sahingga madi'mo daagi' ko jalan anu nubau nu aha da madi'mo mohumpak hukuman.

AYUB 15:6

Madi'mo pilenje ku tuuk na beleyum ka' kupisala'i kalana posi potataemo nu beleyum atina' na mongkalak beleyum.

MAZMUR 64:8

Panyo nupana'akonmo nu Tumpu na pana'-Nyo mokiijo' hi aha, ka' monti-montiik ahi' aha belaonmo.

YEHEZKIEL 18:19

Panyo ugaat ahi' daagi' ko mian anu mompokilawa, kadaka' anak aijo' madi' suele ahi' montanggung hukuman nu dosa' iwi-iwi' anu binaumo nu tuumanyo. Bau pontaami aijo'mo, kalana anak aijo' manonong ka' madi' tageo' na kinyonyoanyo. Ia tulu-tulutan hi atulan-Ku iwi-iwi' ka' nu bau na aijo' ijalannyo anu sahondo-hondonyo, sahingga ia tataap ahi' tumuu'.

MATIUS 23:27

Silakamo na komiu to gulu-gulu' agama ka' to mia-mian Farisi! Komiu ola ahi' mombau pula-pula! Komiu sumomo to kubu-kubun anu o set mopute', i sambiha'nyo o toa ma'ima', padahan i unonyo mobuke' nu buku ka' iwi-iwi' anu to busi-busik.

MATIUS 23:31

Jadi, posi komiu mangaku saba' komiumo na lee' nu to mia-mian anu nompatei to nabi-nabi!

LUKAS 11:47

Silaka na komiu! Komiu mombau polamunan to nabi-nabi anu pinosi patean nu mompolee' miu.

LUKAS 11:49

Aijo' na sababnyo Kapandean nu Tumpu notatae, ‘Ku saije mamba hi aha na to nabi-nabi ka' to posa-posaihon-Ku; sambagian o patei ka' sambagian o sakisa!’

ROMA 1:32

Nusumbu' nu aha, tukoonyo atulan nu Tumpu, mian anu mombau aijo' iwi-iwi' tionyo ohukum mate. Mau mule' sumo aijo' nubau ahi' nu aha na hahan aijo'; tiba mule' monsetujui mian sangga'at mombau.

YAKOBUS 5:10

To Utu-utus, o inau' na to nabi-nabi anu binasisikmo salaku nowakini mae Tumpu. Aha sinabanmo ka' madi' nompele-pele' na nongoa'i sansala. Jadi, ala na aha da salaku bau sonto'.

YOSUA 24:22

Lantas i Yosua notataemo, “Jadi posi belemiumo na timbali sakisi tukoonyo nu belemiu, belemiu nompoto'imo palesayamo ka' mohongo-hongomo Tumpu.” “Totu'u,” na koonyo nu aha, “posi kamimo na timbali sakisi.”