LUKAS 11:40 - KITAB NU TUMPU ALLA LELE MA'IMAI'

⁴⁰ Komiu ponga'! Te misa' Tumpu na nombau sasu sambiha'nyo aijo', ka' suele nombaumo sasu unonyo?

LUKAS 11:40 Iomraidhean Croise

KAJADIAN 1:26

Lapas aijo' Tumpu notatae mule', “Uuka aiya kita mombaumo manusia anu saidi' mae timbali susumo kita ka' montiho kita. Aha mongkuasai to ika-ikan, to tomo-tomonsi', ka' iwi-iwi' na binatang sangga'at, anu manyaam kabai anu ma'ela', anu daka' kabai anu ise'.”

KAJADIAN 2:7

Lapas aijo' Tumpu Allah nongalamo sangkiding na tano', lantas kinompon-Nyomo ka' tinimbalimo samian na manusia, lantas pinuhakon-Nyomo na sawo anu mompotumuu' i uno nu bolo' nu sungnyo; sahingga tinumuu'mo na manusia aijo'.

MAZMUR 14:1

Anu mongkapalai panyanyi. Mazmur i Daud. Mian anu ponga' motatae i uno nu kinyonyoanyo, “Madi' ko Tumpu.” Palabuatan nu aha ma'idek ka' okahegati madi'mo ko anu mombau anu ma'ima'.

MAZMUR 33:15

Iamo na nombontuk kinyonyoa nu manusia, ka' monsumbu' iwi-iwi' palabuatan nu aha.

AMSAL 1:22

“O to mia-mian anu panggaga! Sampe toka hipian na kopinnyo na belemiu me saja' sumo aijo'. Hipianje na tempo'nyo belemiu madi'mo montee ilimu' ka' montulutimo pangajalan?

AMSAL 8:5

Belemiu ma'isa ko anu opisumbu-sumbu', balagulu' pe'e da kopikilan ahi' anu matajom, belemiu anu madi' sampa mangalati' balagulu' pe'e da timbali pande.

YEREMIA 5:21

“Potombihing mae, o belemiu mian anu ponga' ahi taha-tahahumo! Belemiu ko mata panyo madi' montoa, ko bihing panyo madi' mohongo!

ZAKHARIA 12:1

Aiyamo na potuunon nu Tumpu mongkona Israel. Tumpu anu nompotimbalimo langit ka' mule' nompotimbalimo dunia ka' nompotumuu'mo manusia notatae,

NOMBILANGMO 16:22

Panyo i Musa ka' i Harun tinolodadupu nonsombah ka' notatae, “O Tumpu Allah, Belentomo na anu nombee'i mae kantumuu'an hi iwi-iwi' na anu tumuu'. De ola samian na anu baladosa', pa' Belento montambuha'imo mian iwi-iwi'?”

MATIUS 23:17

Komiu to mia-mian ponga' anu mapisok! Iya na anu talalo palalu: Mosoni'nyo kabai Laigan nu Tumpu anu mompotimbali mosoni' aijo' susi'?

MATIUS 23:26

Farisi mapisok! Baso'i pe'e bele-belesi' na anu i unonyo i to mangko-mangko' ka' to lea-lean miu da i sambiha'nyo timbali belesi' suele!

LUKAS 12:20

Panyo Tumpu notatae hi ia, ‘O anu ponga'! Pihi uuka mule' beleyum matemo, lantas ihemo ahi' na mohumpak iwi-iwi' kakaya'an anu ilimu'umo bau kapentingan nu butongum?’

LUKAS 24:25

Lantas i Yesus notatae hi aha, “Komiu memang ponga'! Talalo bata-bata na komiu mompalesaya iwi-iwi' anu tinaloakonmo nu to nabi-nabi!

1 KORINTUS 15:36

Ponga' hondo! De kita Utus mosu'an bine' i tano', bine' aijo' madi' tumuu', de bine' aijo' madi' mate pe'e.

IBRANI 12:9

Kita ko tuuma i dunia. Ia mompokinde'i kita, da kita mongangga'i ia. Jadi sumo aitu mule' kona hi Tuuma nu rohaninto anu i suluga', tantu kita tionyo lebe mule' tulu-tulutan hi Ia da kita tumuu'.