LUKAS 11:4 - KITAB NU TUMPU ALLA LELE MA'IMAI'

⁴ Ampuniakon na dosa-dosa' mami, kalana kami suele nongampunimo batu-batu mian anu kosala'nyo hi kami. Ka' boli mompojohok kami nukona nu soba'an dumo kami madi' palesaya.’ ”

LUKAS 11:4 Iomraidhean Croise

KAJADIAN 48:16

Iamo na malaekat anu nonjagaimo mae aku sahingga iwi-iwi' na balaa' madi'mo mompoposia. O'amalakon da Tumpu Allah mombalakati anak haha aiya. O'amalakon da saja' osanggo na sanggongku ka' sanggo i Abraham ka' i Ishak kalana anak haha aiya! O'amalakon da aha mohumpak makumpu, ka' ko lee' manjoo' i dunia aiya.”

1 TOMU-TOMUNDO' 8:34

ku taha'imani Belento kiita' ii suluga' mompotombihingakon mae aha. Ku taha'imani Belento mongampuni dosa' nu mian anu pinalesayamo hi Belento aiya ka' po'ule' mo momboa aha i lipu' anu binee'mo nu Belento hi mompolee' nu aha.

1 TOMU-TOMUNDO' 8:36

ka' ampuniakon mae na dosa' nu mian Israel anu pinalesayamo hi Belento tiba tomundo' nu aha. Pokinde'iakon na aha da mombau apaa na anu totu'u. Lapas aijo' Tumpu tudunakonmo mae na ujan i lipu' nu Belento aiya, lipu' anu binee'mo nu Belento hi mian anu pinalesayamo hi Belento da timbali anu nu aha sampe toka sidu-sidutu'.

MAZMUR 121:7

Tumpu na monjagai beleyum da madi' mohumpak balaa' Ia na monjagai beleyum da kantumuu'an nu beleyum salamat.

MAZMUR 25:11

O Tumpu, ampuniakon mae na aku susumo anu jinanji'mo nu Belento, kalana dinaka'mo hondo na kasala'anku.

MAZMUR 25:18

Toakon mae na kasansala'anku ka' kasusa'anku, ka' ampuniakon mae na dosa'ku iwi-iwi'.

DANIEL 9:19

O, Tumpu potombihingakon mae na kami ampuniakon mae na kami ka' palahatikan mae na kami, ka' palia-lia'mo na mombau kaputusan! Bolimo otanda'i pipin da iwi-iwi' na mian monsumbu' talu' Belento ahi' na Tumpu. Kalana Yerusalem tiba mian anu palesayamo hi Belento memang ahi' madi'mo sala', Belentomo na Tumpu-Nyo'.”

HOSEA 14:2

Pinsusule'mo mae hi Tumpu na belemiu o bansa Israel! Dosa' nu belemiu nonsaduakonmo sahingga belemiu tinompaleda'mo ka' tinombahangkangmo.

MATIUS 18:35

I Yesus nompomingkot sisik-Nyo nu potatae sumo uuka, “Sumo aijo'mo na Tuumang-Ku i suluga' mombau komiu toto samian, de madi' sanang na komiu mongampuni utusum.”

MATIUS 26:41

Bajaga-jaga, ka' balado'a da komiu boli nu kona nu soba'an. Roh miu mongka'oho' mombau anu totu'u, panyo komiu madi' moko ala, kalana sipat nu mian aijo' madi' moko ala.”

LUKAS 11:5

I Yesus notatae hi anu saja' mombatuki Ia, “De daagi' ko samian atina' hi komiu mamba i laigan nu sangalunyo tonga' pahu, ka' motatae, ‘Sangalu, posabolaakon mae roti tolumbatu,

LUKAS 13:4

Mosia na anu sampulu' ka' uwalu' na mian anu nate i Siloam, tempo'nyo menara aijo' nontuda' aha? Komiu monsangka aijo', pomponyata'mo aha anu talalomo baladosa' molingkudui aha iwi-iwi' to mia-mian anu jojoong i Yerusalem?

LUKAS 22:46

Lantas Ia notatae hi aha, “Kadaka' komiu hoyot? Bulamo ka' balado'a da boli komiu nukona nu ponsobai.”

LUKAS 8:13

Bine' anu nanabu' i tampat anu ko batunyo sumomo mian anu mohongo lele aijo', kinyonyoanyo sanang na montalima. Panyo lele aijo' madi' nimbakat i kinyonyoa nu aha. Aha palesaya ola sasaingoni', ka' de soba'an toka, aha madi'mo mule' palesaya.

YOHANES 17:15

Madi' Ku poita da kita Tuuma mongala aha i dunia aiya, panyo Ku poita da kita Tuuma mompimpaliakon aha i Anu Ma'idek.

1 KORINTUS 10:13

Batu-batu soba'an anu o'oa'i nu kita Utus, atina' soba'an anu saja'mo o'oa'i nu mian. Panyo Tumpu tataap i pala janjian-Nyo. Ia madi' mompojohok kita Utus osobai molingkudui anu opoko ala obau miu. Tempo'nyo kita Utus nukona nu soba'an, Ia mombee'i jalan hi komiu da mahoson, da kita Utus moko ala montahan.

KOLOSE 3:13

Komiu tionyo ahi' mompaha saba-sabalakon samian ka' samian ka' mompaha ampu-ampuni de daagi' ko anu mongingu sangga'at. Sanang na kinyonyoa nu Tumpu mongampuni komiu, jadi komiu suele tionyo ahi' mongka'oho' mongampuni samian ka' samian.

2 TESALONIKA 3:3

Panyo Tumpu mongkanonongi. Ia mompohoson ka' monjagai komiu da te Ibilis madi' mompoposia komiu.

2 TIMOTIUS 4:18

Memang Tumpu na montulungi mae aku i iwi-iwi na usaha anu ma'idek da madi' mae mongkona aku. Ia momboaje aku i uno nu ka'ada'an salamat hi Kalaja'an-Nyo i Suluga'. Tionyo Ia saja' opopodaka' sampe toka sidu-sidutu'! Amin.

YAKOBUS 2:13

Kalana Tumpu madi' mompotoa kalibosan-Nyo hi mian anu madi' monsumbu' kalibosan. Panyo kalibosan lebe mahoson molingkudui hukuman!

ANU PINOTO'I HI YOHANES 2:10

Boli mabuhuk i kasansala'an anu madi'mo daagi' pin tionyo o'oa'imo miu. O inau', Ibilis momposoopje sambahagian anu atina' hi komiu i uno nu talungku' monsobai miu. Komiu mongoa'ije sansala sampulu' na sinaa na kopinnyo. Tionyo ahi' komiu tulu-tulutan hi beleng-Ku sampe mate, sahingga aku mombee'ije hi beleyum kantumuu'an kopian ka' sampe toka sidu-sidutu' salaku tamboo inguntungmo, i uno nu kasabalan.

ANU PINOTO'I HI YOHANES 3:10

Kalana belemiu nontulutimo palentah-ngKu da totu-totu'u na kinyonyoa, Aku suele monjagaije komiu i tempo' nu kasusa'an anu mongkona songko-songko na dunia. Han aijo' saidi' mae timbali da monsobai iwi-iwi' na mian i dunia.