LUKAS 11:39 - KITAB NU TUMPU ALLA LELE MA'IMAI'

³⁹ Kalana aijo' Tumpu notatae hi ia, “Memang komiu to mia-mian nu Farisi saja' mombaso'i mangko' ka' lean i sasu sambiha'nyo, panyo i uno nu posi butongum saja' hondo panggaga ka' manjoo' na ka'idekan.

LUKAS 11:39 Iomraidhean Croise

KAJADIAN 6:5

Tinoa nu Tumpu ma'idek hondo na kalakuan nu to mia-mian i dunia; iwi-iwi' na pikilan nu aha aijo' saja' ma'idek.

2 TAWARIKH 25:2

I Amazia nombaumo anu momposanang kinyonyoa nu Tumpu, panyo madi' buke-buke' na kinyonyoanyo.

MAZMUR 22:13

Sumomo ahi' gombuan nu sapi', na sampobali' nohuntumo mae aku, sumomo ahi' sapi' ma'ela' anu lengkat i Basan na aha nontikumo mae aku.

AMSAL 26:23

Sumomo kuhon tano' osopu' nu salaka; sumo atina'mo na mian anu ola matami' ipotatae, panyo kinyonyoa ma'idek.

AMSAL 26:25

Mau mule' ia motatae ma'ima' boli mompalesaya; kalana han mongka'ideki nongkuasaimo kinyonyoanyo.

AMSAL 30:12

Daagi' ko mian anu mongoa'i butongnyo susi' padahan ia mahumimi' hondo.

YEREMIA 4:14

O Yerusalem alinmo na palabuatan anu ma'idek anu lengkat ikinyonyoa nu beleyum da beleyum oposalamatmo. Sampe toka hipian na kopinnyo na pikilan toto ide-idek haha aijo' daagi' opo una' nu beleyum i uno nu kinyonyoa nu beleyum?

YEHEZKIEL 22:25

To pola-polaya' nu aha sumomo ahi' singa molohu'mo salatan nonsa'umo kaanonnyo. Aha nompateimo mian da'isan, nongagoimo iwi-iwi' na halata' tiba kakaya'an anu nu humpak nu aha ka' nonsaduakonmo manjoo' na to bou-boune anu binalumo.

YEHEZKIEL 22:27

To pama-pamalentahnyo sumomo ahi' serigala anu nombente-bentekmo kaanonnyo. Aha sola'mo nompatei mian ola kalana da molio ka untungan.

ZEFANYA 3:3

To mia-mian daka' anu i kota' aijo' sumomo singa anu lewa' molohu'. To mia-mian kopiannyo sumomo to seri-serigala anu no'ohopmo, aha talalomo hondo nangoa sahingga sangkolong pe'e na buku madi'mo ko tuha'nyo anu okaan dodop.

MATIUS 15:19

Kalana lengkat i uno nu kinyonyoa lubat na pikilan-pikilan anu ma'idek, anu monsabapi mian mompatei, masala' mombau anu moko mahenyu, montomang, mombee'i sakisi baleko', ka' mompitana'akon.

MATIUS 7:15

“Opoko piani na mongahopi to nabi-nabi anu madi' totu'u. Aha toka hi komiu mimbalu-balu' domba, panyo aha sabenannyo sumo pojek anu baani.

LUKAS 16:15

Panyo i Yesus notatae hi aha, “Komiumo na mian de i ahop nu san-samianan otoa totu'u, panyo Tumpu monsumbu' isi nu kinyonyoaum. Kalana apaa na anu osangka matangkas nu mian, nutoa nu Tumpu heede'.

LUKAS 7:13

Salatan i Tumpu Yesus nontoa boune aijo', Ia nolibos hi ia, lantas notatae, “Boli humaang kita Tina!”

LUKAS 7:19

Lantas nonsai aha namba hi Tumpu Yesus ka' mompokilawa, “Kitamo Tuuma na mian anu toka mae susumo anu jinanji'mo nu Tumpu, kabai tionyo kami montanda'i san-samianan?”

YOHANES 12:6

I Yudas notatae sumo aijo' misa' kalana monginau' mian kasiasi, panyo kalana ia pambuling. Ia toto minsan mongala doi anu olimu' nu aha ka' o'una' hi ia.

YOHANES 13:2

I Yesus tiba anu saja' mombatuki Ia hau-haunyo mongkaan malom. Ibilis nomposoopmo tanga'an i uno nu kinyonyoa i Yudas anak i Simon Iskariot da monguwesani Yesus.

SISIKON NU TO RASUL-RASUL 5:3

Sahingga i Petrus notatae hi ia, “Ananias, kadaka' nu pojohok na Ibilis mongkuasai kinyonyoaum, sampe beleyum nombaleko'i Roh nu Tumpu, hoko-hokot nontahan posi anu nu butongum sambagian na doi oli nu tano' anu pinobaluk aijo'?

GALATIA 1:14

I uno nu han mompojalan agama Yahudi manjoo' na mian nu Yahudi anu pokakana na umun tiba aku, aku na lebe monsumbu'. Ku palahatikan hondo na hahan mongkona to ada-adat nu mompolee' mami.

2 TIMOTIUS 3:5

Mau mule' otoa aha tulu-tulutan mompojalan apaa na koonyo nu agama panyo madi' montalima isinyo nu agama anu sahondo-hondonyo aijo'. Opimpali na to mia-mian anu sumo aijo'.

TITUS 1:15

Iwi-iwi na apaa susi' kona hi to mia-mian anu susi'. Panyo kona hi to mia-mian anu pikilannyo mahenyu ka' anu madi' palesaya, madi' hondo-hondo ko anu susi', kalana pikilan ka' kinyonyoa nu aha nahenyumo!

YAKOBUS 4:8

O'ohani na Tumpu, da Tumpu suele mongohanije komiu. Obaso'i na lima miu, komiu anu baladosa'! Ka' opolino na kinyonyoa miu, komiu anu mopanga' na kinyonyoa!