LUKAS 11:13 - KITAB NU TUMPU ALLA LELE MA'IMAI'

¹³ Mau mule' komiu ma'idek, komiu ahi' monsumbu' mombee' anu ma'ima' hi anakum. Apaa mule' Tuuma i suluga'! Ia mombee' Roh-Nyo hi aha anu momoita hi Ia!”

LUKAS 11:13 Iomraidhean Croise

KAJADIAN 8:21

Hongohisnyo nu koloban anu sinombahkonmo aijo' nomposanangmo kinyonyoa nu Tumpu, sahingga Ia notataemo i uno nu kinyonyoa-Nyo, “Aku madi'mo daagi' mongkutuki dunia aiya kalana palabuatan nu manusia; Ku sumbu' saba' aha daagi' pe'e tempo'nyo ma'isa motu'a, pikilan nu manusia aijo' ma'idek. Aku madi'mo daagi' monsilakai iwi-iwi' apaa na anu ko nyawanyo, susumo anu sala'je binaung-Ku aiya.

MAZMUR 51:5

Kalana ku akuimo na kasala'an-kasala'anku, dosa'ku saja'mo sola' ku inau'.

AMSAL 1:23

Potombihing mae na aku de aku mompisala'imo beleyum sahingga ku poto'imo hi beleyum na isi nu kinyonyoangku ka' ku pogulu'mo na ilimu'ku.

YESAYA 49:15

Tumpu nontaamimo mae, Ia notatae, “Tetoho' mule' samian na tina nu anak mongkolilimi anaknyo, ka' madi'mo mongkalibosi anak anu kinandungnyomo? Maumo ahi' ia na mongkolilimimo, panyo Aku na madi' ahi' mongkolilimi beleyum!

YEHEZKIEL 36:27

Roh-Ku, Ku dudu'akonmo i uno nu kinyonyoa nu beleyum ka' belemiu Ku jagaimo da tumuu'mo montuluti iwi-iwi na atulan-Ku ka' mule' montulutimo iwi-iwi' na palentang-Ku.

YOËL 2:28

“Lapas na aijo' iwi-iwi' na mian Ku bee'imo rok-Ku. Sahingga to ana-anak mo'ane, boune mompoto'imo anu Ku potuun; to tu'a-tu'anyo atina' hi belemiu mongipimo anu otoa opotoamo hi olitau ka' langkoyang.

MATIUS 5:16

Sumo aitu mule' na jingkaum tionyo monjingkai ahop nu mian da aha montoa anu ma'ima', apaa na anu binau miu, lantas mompuji' Tuumaum i suluga'.”

MATIUS 5:45

da komiu timbali to ana-anak nu Tuumaum i suluga'. Kalana Tumpu mompobete' batu nu sinaa bau bagi nu mian anu ma'ima' ka' bagi nu mian anu ma'idek. Ia mombee'i ujan hi mian anu mombau ima', ka' hi mian anu mombau idek suele.

MATIUS 6:14

De komiu mongampuni mian anu mombau sala' hi beleyum, Tuumaum i suluga' suele mongampunije kasala'anum.

MATIUS 6:30

Hemput i padang tumuu' sinaa aiya, ka' dodop o papui mingkotmo. Panyo Tumpu mompakei hemput aijo' kino ima'nyo. Apaa mule' komiu! Panyo komiu madi' talalo palesaya!

MATIUS 6:32

Hahan aijo' saja' pagala o lio nu to mia-mian anu madi' monsumbu' Tumpu. Padahan Tuumaum anu i suluga' monsumbu', saba' komiu mompalalui iwi-iwi' aijo'.

MATIUS 7:11

Mau mule' komiu ma'idek, komiu suele mombee' anu ma'ima' hi to ana-anakum. Apaa mule' Tuumaum i suluga'! Ia lebe mule' mombee' anu ma'ima' hi mian anu momoita hi Ia.

LUKAS 11:12

Kabai mombee' beyua' de ia momoita nggalau'?

LUKAS 11:2

Lantas i Yesus notatae hi aha, “De komiu balado'a, taloakon sumo uuka, ‘Tuuma, Kitamo na Tumpu anu sa'a-sa'angu'nyo. O amalakon na Kita o sombah ka' o angga'i.

LUKAS 18:7

Yo, te Tumpu madi' montinjohi palakala nu mian anu palesayamo hi Ia, anu momoita tulung hi Ia sinaa ka' malom? Te Ia montunda-tunda tempo' na montulungi aha?

YOHANES 4:10

I Yesus nontaami, “De beleyum monsumbu' apaa na anu nubee' nu Tumpu ka' ihe na mompoita monginum hi beleyum tantu beleyum na momoita monginum hi Ia, ka' Ia tionyo mombee'i beleyum uee kantumuu'an.”

SISIKON NU TO RASUL-RASUL 2:38

Tinaaman i Petrus, “Balatobatmo, bolimo mombau dosa-dosa' miu. Ka' tionyo komiu toto samian opalamandikan nu sanggo i Yesus Kristus, da dosa-dosa'um o ampuni. Sahingga to Utu-utus montalimaje tambo nu Roh nu Tumpu lengkat hi Tumpu.

ROMA 5:17

Kalana samian nolanggaimo anu otewa', kapatean nolelemo iyaya mae kalana sinaduakon nu samian aijo'. Lebe daka' mule' apaa na anu binau nu samian aijo'mo i Yesus Kristus. Kalana Ia, Tumpu mombee' molabi-labih na balakat-Nyo hi mian anu sumo aijo' na konjoo'nyo, ka' ola i halala'akon da aha timbali mompo'ule' ma'ima' tiba Tumpu; aha nongkuasai dunia aiya kalana i Yesus Kristus.

ROMA 7:18

Kusumbu' madi' ko sa'angu' pe'e na anu ma'ima' i butongku; aijo'mo sipatku salaku mian. Kalana daagi' ko indi hi belengku mombau anu ma'ima', panyo aku madi' moko ala mombau.

ROMA 8:32

Posi Anak-Nyo madi kinalibosan-Nyo, panyo binee'-Nyo bau kapentingan nu kita iwi-iwi'; te madi' mule' Ia mombee' hi kita anu sasangga'atannyo?

TITUS 3:3

Kalana naipuan mae kita suele ponga', sala' na jalan, ka' madi' tulu-tulutan. Kita binotuananmo nu ngangahan na napisu tiba anu o ka'ima'i; kita tumuu' ko makisut ma'idek ka' madi' sanang hi sangalu, tiba mule' mompaha ka'i-ka'ideki.