LUKAS 10:9 - KITAB NU TUMPU ALLA LELE MA'IMAI'

⁹ Opa'alinakon na to mia-mian anu masakit i kota aijo', ka' opoto'i hi to mia-mian i kiijo'. ‘Tumpu malia'mo montampu'uni mompalentah sumo Tomundo hi komiu.’

LUKAS 10:9 Iomraidhean Croise

DANIEL 2:44

Tempo'nyo tomundo' haha aijo' mompalentah Tumpu i suluga' nompotinjomo sa'angu' na kalaja'an anu timbali totahan sampe toka sidu-sidutu' ka' anu madi' nu poko ala nu patundu' nu bansa maumo pa' iyamae. Kalaja'anmo ai-aijo' na mohansuni iwi-iwi' na kalaja'an sangga'at haha aijo'.

MATIUS 3:2

“Balatobatmo bolimo mombau dosa-dosa' miu,” tukoonyo, “kalana Tumpu mompalentahmo sumo Tomundo!”

MATIUS 4:17

Lengkat tempo'nyo aijo' i Yesus nontampu'unimo nompolele, “Balatobatmo bolimo komiu mombau dosa-dosa' miu, kalana Tumpu Allah malia'mo mompalentah sumo Tomundo!”

MARKUS 4:30

“De Tumpu mompalentah, tiba apaa na kita timbali mompokakanakon?” pinokilawa i Yesus mule'. “Sonto' apaa na timbali opakento montutuhakon?

MARKUS 6:13

Anu saja' mombatuki Yesus aijo' nolaa' da'isan na roh ma'idek, nonsapuakon lanya' nu zaitun hi mian masakit, ka' nompa'alinakon aha.

LUKAS 10:10

Panyo de komiu toka i sa'angu' na kota, ka' i kiijo' komiu madi' otalima, posabat mokiijo' i jalan ka' otaloakon,

LUKAS 10:11

‘Ka' mule' abu' nu kota'um anu matikampit i tengke mami, o sapuakon mami sumo salaku pokinde' hi beleyum. Panyo osumbu'mo saba' malia'mo na tempo'nyo Tumpu montampu'uni mompalentah sumo Tomundo hi komiu!’

LUKAS 9:2

Lapas aijo' Ia nompokau aha namba nompa'alinakon mian masakit, ka' mompolele lele mongkona mosia na Tumpu mompalentah sumo Tomundo.

YOHANES 3:3

I Yesus nontaami, “Palesayamo, madi' ko samian pe'e timbali minsoop anu palesayamo hi Tumpu, de madi' ia po'ule' ohampeakon.”

YOHANES 3:5

I Yesus nontaami, “Totu-totu'u na potataeng-Ku aiya: de mian madi' ohampeakon nu uee ka' mule' nu Roh nu Tumpu, mian aijo' madi' timbali mian anu palesayamo hi Tumpu.

SISIKON NU TO RASUL-RASUL 28:28

Ahennyo i Paulus notatae, “To Utu-utus tionyo monsumbu' saba' lele mongkona kasalamatan anu lengkat mae hi Tumpu uuka pinolelemo i to bansa-bansa sangga'at anu misa' Yahudi. Aha tionyo montuluti!” [

SISIKON NU TO RASUL-RASUL 28:31

Ka' baani hondo na ia mompoto'i hi aha mongkona mosia na Tumpu mompalentah sumo Tomundo', ka' mongkona i Tumpu Yesus Kristus. I Paulus nombau han aijo' binebas hondo madi' ko anu lewa' montewa'. 64