LUKAS 10:7 - KITAB NU TUMPU ALLA LELE MA'IMAI'

⁷ Jojoong ola i sa'angu' na laigan. Talima apaa na anu nubagiakon i kiijo' hi komiu, kalana mian mokalaja ko hak montalima tamboonyo. Bolimo molali-lalin lengkat i laigan sa'angu' mamba i laigan sangga'at.

LUKAS 10:7 Iomraidhean Croise

NOMBILANGMO 18:31

Labinyo aijo' timbalimo okaan nu belemiu iyaya mae hingga-hinggat tiba belemiu sa'anakan, salaku tambonyo belemiu mokalaja i Kemah nu Tumpu.

MARKUS 6:10

Ia suele notatae, “De komiu minsoop i sa'angu' na laigan, jojoongmo i kiijo' sampe komiu mompala'i kota aijo'.

LUKAS 10:6

De i kiijo' ko mian anu mongka'oho' dame, salan do'a nu dameum aijo' tataap hi ia; de madi', po'ule' o ala na salan do'a nu dameum aijo'.

LUKAS 9:4

Pa' iyayamae na komiu otalima, jojoongmo i kiijo' sampe komiu mompala'i kota aijo'.

SISIKON NU TO RASUL-RASUL 16:15

I Lidia ka' aha iwi-iwi' isi nu laigannyo pinalamandikanmo. Noko palamandikan ia nolagamo kami. Ia notatae, “De to Utu-utus mongoa'i aku totu-totu'u pinalesayamo hi Tumpu Yesus, imbo'mo da sonsoo' i laiganku.” Lantas ia sabole-bole nompoita kami da otuluti na pongka'oho'nyo.

SISIKON NU TO RASUL-RASUL 16:34

Lapas aijo' ia nomboa i Paulus ka' i Silas nokiijo' i laigannyo ka' nombee'i nongkaan aha. Ia ka' iwi-iwi' to Utu-utusnyo sinanangmo hondo kalana aha uuka aiya pinalesayamo hi Tumpu.

SISIKON NU TO RASUL-RASUL 16:40

I Paulus ka' i Silas nompala'imo talungku' aijo' lantas nambamo nokiijo' i laigan i Lidia. Salatan nompahakabotmo tiba to mia-mian anu palesayamo i kiijo' mae, ka' nombee'imo pikilan hi aha, i Paulus ka' i Silas nambamo.

GALATIA 6:6

Mian anu nontalimamo pangajalan i Kristus, tionyo ahi' mobagi hi gulu'nyo apaa na anu ma'ima' iwi-iwi', anu daagi'mo hi ia.

PO'ULE' INGULIT 12:12

Okalame'i i ahop nu Tumpu Allah nu belemiu, hingga-hinggat tiba to ana-anak nu belemiu, to posa-posaihon nu belemiu ka' to mia-mian nu aha Lewi anu jojoong i iwi-iwi' na kota nu belemiu, kalana mian nu aha Lewi madi' binagian tano' i lipu' nu belemiu.

PO'ULE' INGULIT 18:8

Ia tionyo ahi' mohumpak anu okaan pokakana na konjoo'nyo susumo to ima-imam sangga'at; apaa na anu ihumpaknyomo hi to utu-utusnyo suele anunyomo.”

1 TIMOTIUS 5:13

Ka' mule' aha ola lewa' mongingkoti tempo' kalana lewa'mo mosabat ka' minsoop i laigan nu mian. Ka' anu lebe ma'idek mule', aijo'mo saba' aha lewa'mo mompitana'i sanggo nu mian sangga'at ka' monggalo'imo ulusan nu mian tiba lewa'mo monsisik hahan anu madi' palalu lewa' osisik.

2 TIMOTIUS 2:6

Anu topo ale', anu mokalaja totu-totu'u iamo na momonanyo ko hak mohumpak hasin anu sinu'annyo.