LUKAS 10:42 - KITAB NU TUMPU ALLA LELE MA'IMAI'

⁴² padahan anu penting ola sa'angu'. Ka' i Maria nompile'imo anu ma'ima', anu madi'mo timbali o ala aijo' hi ia.”

LUKAS 10:42 Iomraidhean Croise

MAZMUR 119:111

Palentah nu Belento baumo pusaka'ku sampe toka sidu-sidutu', anu nompolame'mo kinyonyoangku.

MAZMUR 119:173

O' amalakon da Belento saja' sanang mae na montulungi aku, kalana aku nompile'imo da montulutimo atulan nu Belento.

MAZMUR 119:30

Aku nompile'imo da tulu-tulutan, palentah nu Belento saja' sabole-boleh ku inau'.

MAZMUR 142:5

Salatan aku nosiloi i sohipi'ku, madi' aku nontoa anu montulungi mae aku. Madi' ko anu monjagai mae aku, kabai anu mompalahatikan mae butongku.

MAZMUR 17:15

Panyo aku na daagi' ahi' montoa Belento, kalana aku madi' ko kasala'an. Salatan aku mobulamo, kinyonyoangku lame'mo kalana Belento tokamo mae.

MAZMUR 27:4

Ola sa'angu' na anu ku kakase hi Tumpu, ola aiya na anu ku kahanda'i: jojoong i Laigan nu Tumpu sampe toka sidu-sidutu' de aku daagi' tutuu' da ku oa'i na kanonongan nu Tumpu, ka' mongkakase da nu pokinde'i mae nu Tumpu.

MAZMUR 73:25

Ihe na anungku kiita' i suluga', olamo ahi' samata-mata Belento? Madi' ko anu ku ka'ima'i sangga'at i dunia aiya, olamo ahi' samata-mata Belento.

ANU MOMPOLELE POTATAE NU TUMPU 12:13

Salatan iwi-iwi' pinotutugakonkumo; aiyamo na kasingkatannyo nu anu ihumpaku. Kabuhuk na Tumpu ka' otuluti na palentah-Nyo iwi-iwi'. Kalana makisud aijo' sahingga manusia pinotimbali-Nyomo.

MARKUS 8:36

Apaa na untungnyo hi toto samian, de songko-songko na dunia aiya timbalimo anunyo, panyo ia madi' matantu na kantumuu'annyo?

LUKAS 10:39

I Marta ko utusnyo boune, sanggonyo i Maria. I Maria aiya sinumuhang koko hi Tumpu Yesus mohongo to poki-pokinde'-Nyo.

LUKAS 11:1

Daagi' ko sansinaan i Yesus binalado'a i sa'angu' na tampat. Noko balado'a sala'samian na anu saja' mombatuki Ia notatae, “Kita Tumpu, soba potingan mae na kami balado'a sumo i Yohanes nompotingan aha anu saja' mombatuki ia balado'a.”

LUKAS 12:20

Panyo Tumpu notatae hi ia, ‘O anu ponga'! Pihi uuka mule' beleyum matemo, lantas ihemo ahi' na mohumpak iwi-iwi' kakaya'an anu ilimu'umo bau kapentingan nu butongum?’

LUKAS 12:33

Pobaluk na anu daagi' hi beleyum ka' bee' na doinyo hi mian kasiasi. Pombaumo dompet bau kapentingan nu butongum, anu madi' toho' ma'idek, aijo'mo halata' anu opo una' i suluga'. Halata' aijo' madi' ko kapolapusannyo, kalana madi' nupoko ala nu anu buling, ka' atak madi' moko ala mongidei.

LUKAS 16:2

Sahingga i laganyo na pongulus doi aijo' ka' notatae, ‘Mosia na uuka anu i hongongkumo mongkona beleyum? Uuka aiya bee'mae hi belengku na lapulan iwi-iwi' nu kalajaum nongatun kakaya'anku. Beleyum madi'mo daagi' timbali mongulus doingku.’

LUKAS 16:25

Panyo i Abraham nontaami, ‘Tutugi anakku: Salatanmo pe'e tinuu'um, beleyum nohumpakmo anu toto ima-ima'; sadang i Lazarus nohumpak anu toto ide-idek. Uuka ia sanangmo i aiya, ka' beleyumo na sansala.

LUKAS 18:22

Nohongo aijo', i Yesus notatae, “Daagi' ko sa'angu' na han na anu tionyo nu bau: Pobaluk na anu iwi-iwi' hi beleyum, bee' hi mian kasiasi na doinyo, mohumpakje halata' i suluga' na beleyum. Lapas aijo' tokaje mae mombatuki Aku.”

LUKAS 8:18

Mokonyo aitu o intomakon ma'i-ma'ima' apaa na anu i hongomo miu. Kalana mian anu daagi'mo opaka bee'i mule' lebe manjoo'; panyo mian anu madi' ko apa-apaa, sangkiding pe'e anu daagi' hi ia suele o ala.”

YOHANES 11:1

Samian anu sanggonyo i Lazarus jojoong i Betania tiba utusnyo i Maria ka' i Marta.

YOHANES 11:19

Da'isan na mian nu Yahudi tinoka hi Marta ka' hi Maria mongindeko' aha, kalana utus nu aha sinilakamo.

YOHANES 12:3

Lapas aitu i Maria nomboa mae kila-kila mintonga' na liter minya-minya' manohong narwastu, lampa-lampa anu manohong na binau ka' mahan hondo na olinyo. Ia nondudu'akon minya-minya' aijo' i tengke i Yesus, ka' sinapuannyo nu ubaknyo. Sinongko nu nohong na laigan aijo', kalana minya-minya' aijo'.

YOHANES 17:3

Aiyamo na kantumuu'an kopian ka' toka sidu-sidutu'; da mian monsumbu' kita Tuuma, ola sa'a-sa'angu'nyomo na Tumpu anu totu'u, ka' monsumbu' i Yesus Kristus anu sinai mae nu kita Tuuma.

YOHANES 4:14

“panyo mian anu monginum uee anu Ku bee', madi'mo daagi' megot sidu-sidutu'. Kalana uee anu Ku bee' aijo' timbalimo mata nu uee i uno nu butongnyo anu mo'ili mosabat ka' mombee'i ia kantumuu'an talakana' sampe toka sidu-sidutu'.”

YOHANES 5:24

Totu-totu'u hondo na anu Kutaloakon aiya; mian anu mongintomakon potataeng-Ku, ka' palesaya hi Ia anu nonsai mae Aku, ko kantumuu'an anu talakana' ka' toka sidu-sidutu'. Ia madi' o hukum, ia nolapasmo lengkat i kapatean ka' nohumpakmo kantumuu'an.

YOHANES 6:27

Boli mokalaja de ola da mohumpak anu okaan anu timbali mingkot ka' mawa'i. Bakalaja da pohumpakan anu okaan, anu madi' toho' mawa'i ka' anu mombee'i kantumuu'an anu talakana' ka' sampe toka sidu-sidutu'. Anu okaan aijo' nubee'je nu Anak Mian hi beleyum, kalana Ia i hangkatmo nu Tumpu, Tuuman-To.”

1 KORINTUS 13:3

Mau mule' iwi-iwi' na anu daagi' hi belengku kubee' hi mian kasiasi, ka' kubee' na butongku da opapui, panyo aku madi' mongkalibosi to mia-mian sangga'at, saba' iwi-iwi' aijo' madi' hondo ko kaliangannyo.

GALATIA 5:6

Kalana de kita mosa'angu'mo tiba i Kristus Yesus, han mombatuki kabai madi' mombatuki atulan nu sunat, madi'mo mongkuka. Anu palalu hondo ola ahi' palesayamo hi Kristus, ka' aijo' oponyata' i uno nu kita mongkalibosi mian sangga'at.

PO'ULE' INGULIT 30:19

Uuka aiya opile'imo miu pa' tumuu' kabai silaka, pa' balakat nu Tumpu kabai kutuk-Nyo. Langit ka' tano' ku lagamo da bau sakisi apaa na anu tinaloakonkumo. Pile'i na kantumuu'an.

YOSUA 24:15

De belemiu madi'mo palesaya ka' mohongo-hongomo Tumpu poto'i mae nasa-nasa sinaa aiya ihe na anu opalesaya ka' o hongo-hongo nu belemiu; hi to pilo-pilogot sangga'at anu sinombahmo nu mompolee' miu kiijo' mae i Mesopotamia naipuan mae kabai hi to pilo-pilogot mian nu Amori anu lipu' nu aha kinajojoonganmo nu belemiu uuka aiya. Panyo kami – aku tiba kami salaigan – mompalesayamo ka' mohongo-hongomo samata-mata hi Tumpu.”

YOSUA 24:22

Lantas i Yosua notataemo, “Jadi posi belemiumo na timbali sakisi tukoonyo nu belemiu, belemiu nompoto'imo palesayamo ka' mohongo-hongomo Tumpu.” “Totu'u,” na koonyo nu aha, “posi kamimo na timbali sakisi.”