LUKAS 10:34 - KITAB NU TUMPU ALLA LELE MA'IMAI'

³⁴ Sahingga ingohaniannyo na mian aijo' ka'binaso'annyo iwi-iwi' na belanyo nu anggur ka' nompakuli'i nu lanya', lantas binobodannyomo na bela aijo'. Lapas aijo' pinosake'nyomo na mian aijo' iposi keledainyo, lantas binoanyo i sa'angu' nalaigan panumpangan da opalakai.

LUKAS 10:34 Iomraidhean Croise

KAJADIAN 42:27

I tampat aha sinonso' nale, sala'samian anu aitu hi aha nombukaimo kalung nu gandumnyo da mongala bau pompakan keledainyo. Tinoanyomo na doinyo tudu-tudu i gandum aijo'.

MAZMUR 147:3

Ia nompa'alinmo mian anu madi'mo ko anu opitaha-taha'imani, ka' mombobodimo iwi-iwi na bela nu aha.

NOSABATMO 4:24

I sa'angu' na tampat pinombauan nu aha kemah aijo' tempo'nyo aha namba aijo'. Tumpu tinokamo hi Musa ka' ka oho'mo mompatei ia.

MARKUS 14:8

Boune aiya nombaumo apaa na anu timbali nu poko ala o bau. Ia nomposadiakonmo hi beleng-Ku minya-minya' manohong bau pongkubulan Aku mau ma'isa pe'e toka na tempo'nyo.

LUKAS 10:33

Panyo ilapas aijo' samian na mian nu Samaria anu hau-haunyo lumambanan notulu suele i kiijo'. Salatan tinoanyo na mian aijo' talalomo ginuaon na kinyonyoanyo kalana molibosmo.

LUKAS 10:35

Nopatas mae ia nongala uwambatu na doi salaka, ka' binee'nyo hi tumpu nu laigan panumpangan aijo' ka' notatae. ‘Palakaiakon na ia, ka' de ko balanja sangga'at ku bayanje de aku minsusule'mo mae.’ ”

LUKAS 2:7

Ia nohampeakon samian na anak mo'ane, anaknyo anu tumpe. Anak aijo' sinabutannyo nu hude, ka' pinomale'nyo i tampat pompo'una'an hemput; kalana aha madi' nohumpak panumpangan.

ROMA 12:20

Ola ahi', de anu monsampo bali' beleyum mo'ohop, obee'i na ia mongkaan; ka' de ia megot obee'i na ia monginum. Kalana de mombau anu sumo aijo', kita Utus sumomo nompopo'ambangmo ia.

1 TESALONIKA 5:15

Ojagai da boli ko anu mombalosi ka'idekan nu ka'idekan. Saja' bala usaha mombau anu ma'ima'; samian toka hi sangga'at ka' hi iwi-iwi' na mian.