LUKAS 10:33 - KITAB NU TUMPU ALLA LELE MA'IMAI'

³³ Panyo ilapas aijo' samian na mian nu Samaria anu hau-haunyo lumambanan notulu suele i kiijo'. Salatan tinoanyo na mian aijo' talalomo ginuaon na kinyonyoanyo kalana molibosmo.

LUKAS 10:33 Iomraidhean Croise

1 TOMU-TOMUNDO' 8:50

Ampuniakon na dosa' nu aha iwi-iwi' ka' kalakuan nu aha anu ma'idek hi Belento, ka' potimbali na sampo bali' nu aha iwi-iwi' ka' mombau han anu ma'ima' hi aha.

NOSABATMO 2:6

Salatan bengkele' i tomundo nombukai mo kalanjang aijo', tinoanyo ko bungamea' i unonyo, ka' bungamea' aijo' hau-haunyo humang. Bengkele' i tomundo nolibosmo hi ia ka' notatae, “Aiyamo na anak nu mian Ibrani”.

AMSAL 27:10

Boli okolilimi na sangalu nu beleyum kabai sangalu nu tuuma nu beleyum. I uno nu kasusa'an boli momoita tulung hi utus nu beleyum anu mompaha ohani laigan na lebe kogunanyo nulingkudui na utus anu majo'on.

MATIUS 10:5

Sampu-sampulu' ka' ohua' na rasul aijo' pinokaumo Yesus ka' pinokinde'anmo sumo uuka, “Boli mamba i tano' nu to mia-mian misa' Yahudi. Boli mule' mamba i to kota-kota' nu Samaria.

MATIUS 18:33

Te misa' beleyum suele tionyo ahi' molibos hi sangaluyum, susumo aku nongkalibosimo beleyum?’

LUKAS 10:32

Sumo aijo' mule' na samian, mian nu Lewi anu notulu i kiijo'; salatan tinoanyo na mian aijo', ingohaniannyomo da mompinasa. Panyo ia suele nolilit nokiijo' i sambiha' nu jalan ka' ilumajang lau-laus.

LUKAS 10:34

Sahingga ingohaniannyo na mian aijo' ka'binaso'annyo iwi-iwi' na belanyo nu anggur ka' nompakuli'i nu lanya', lantas binobodannyomo na bela aijo'. Lapas aijo' pinosake'nyomo na mian aijo' iposi keledainyo, lantas binoanyo i sa'angu' nalaigan panumpangan da opalakai.

LUKAS 7:13

Salatan i Tumpu Yesus nontoa boune aijo', Ia nolibos hi ia, lantas notatae, “Boli humaang kita Tina!”

YOHANES 4:9

Boune nu Samaria aijo' nontaami, “Kita Tuan mian nu Yahudi, aku mian nu Samaria; kadaka' kita Tuan mompoita monginum hi belengku?” (Kalana to mia-mian nu Yahudi madi' mompahasumbu' tiba mian nu Samaria.)

YOHANES 8:48

To mia-mian nu Yahudi aijo' nontaami, i Yesus, “Te misa' totu'u na potatae mami, Beleyum mian nu Samaria anu pininsoopanmo nu setan?”