LUKAS 10:32 - KITAB NU TUMPU ALLA LELE MA'IMAI'

³² Sumo aijo' mule' na samian, mian nu Lewi anu notulu i kiijo'; salatan tinoanyo na mian aijo', ingohaniannyomo da mompinasa. Panyo ia suele nolilit nokiijo' i sambiha' nu jalan ka' ilumajang lau-laus.

LUKAS 10:32 Iomraidhean Croise

MAZMUR 109:25

To mia-mian anu montoa mae aku, mongalu mae aku ka' molilo-lilokakon ubak.

AMSAL 27:10

Boli okolilimi na sangalu nu beleyum kabai sangalu nu tuuma nu beleyum. I uno nu kasusa'an boli momoita tulung hi utus nu beleyum anu mompaha ohani laigan na lebe kogunanyo nulingkudui na utus anu majo'on.

YESAYA 58:7

Obagi na kaanon nu belemiu hi mian anu mo'ohopmo, otalima na to mia-mian anu mahalajangan i laigan nu belemiu. Obee'i baju' na mian anu langgo' ka'boli mojalo i utus nu belemiu anu palalumo otulungi.

LUKAS 10:31

Madi' sinangka-sangka samian na imam suele ilumajang nontulu i kiijo'. Salatan tinoanyo na mian aijo' ola pinolilitnyo nokiijo' i sambiha' nu jalan, ka' ilumajang lau-laus.

LUKAS 10:33

Panyo ilapas aijo' samian na mian nu Samaria anu hau-haunyo lumambanan notulu suele i kiijo'. Salatan tinoanyo na mian aijo' talalomo ginuaon na kinyonyoanyo kalana molibosmo.

SISIKON NU TO RASUL-RASUL 16:28

Panyo i Paulus noloboo' hoso-hoson, “Boli minoo'! Kami iwi-iwi' daagi' i aiya!”

SISIKON NU TO RASUL-RASUL 18:17

Sahingga aha nohakop i Sostenes, anu mongkapalai laigan pogalejaan aijo', ka' nomboboti ia i ahop nu meja' pomputusian. Panyo i Galio madi' hondo-hondo mompajuli aha aitu.

2 TIMOTIUS 3:2

Mian mosi pentingkanmo butongnyo, me saja' mongkamata doi, kobubuun ka' mongka'ima'i sisik anu madi' kogunanyo. Aha mongka'ima'i mompopo'ise' mian, panggaga hi tuumanyo, madi' monsumbu' montalima kase ka' mongka'ideki hahan rohani.