LUKAS 10:31 - KITAB NU TUMPU ALLA LELE MA'IMAI'

³¹ Madi' sinangka-sangka samian na imam suele ilumajang nontulu i kiijo'. Salatan tinoanyo na mian aijo' ola pinolilitnyo nokiijo' i sambiha' nu jalan, ka' ilumajang lau-laus.

LUKAS 10:31 Iomraidhean Croise

2 SAMUEL 1:6

Tinaamannyo, “Papatuannyo aitu aku kiita i Bungkutnyo nu Gilboa, lantas nontoamo i Saul naninsehamo i talombo'nyo ka' to kale-kaleta tiba to sulu-suludadu nu sampo bali'nyo anu nonsake'i ajahan nongohanimo kahanda'mo montumbuhi ia.

MAZMUR 142:4

Tempo'nyo me ise-ise' madi'mo ko anu ku taha'imani, sinumbu'mo nu Belento apaa na anu tionyo ahi' ku bau. I jalan anu tionyo ahi' ku tului, anu monsampobali' mae hoko-hokot nompokonamo so'o bau pohakop aku.

MAZMUR 69:20

Sinumbu'mo nu Belento na aku, iletakonmo, ingalumo, ka' pinobau-baumo tinoamo nu Belento iwi-iwi' na mian anu monsampobali' mae aku.

AMSAL 21:13

Ihe na madi' mongka'oho' mohongo tusa' nu mian anu kinaku langanmo madi' opolahatikan de ia na momoita tulung.

ANU MOMPOLELE POTATAE NU TUMPU 9:11

I dunia aiya daagi mule' ko anu tinoangku; pailomba'an madi' saja'mo ko kamanangan na mian anu mopadeka', pahampatean madi' saja'mo ko kamanangan na mian anu mahoson. Mian anu pande madi' saja'mo mohumpak pakalaja'an polioan, ka' mian anu mangalati' madi' saja'mo mohumpak kakaya'an. Ka' mule' suele mian anu ahali madi' saja'mo talasanggo, Kalana maumo ahi' pa' ihe timbali nu tokai mae nu nasib soe'.

YESAYA 58:7

Obagi na kaanon nu belemiu hi mian anu mo'ohopmo, otalima na to mia-mian anu mahalajangan i laigan nu belemiu. Obee'i baju' na mian anu langgo' ka'boli mojalo i utus nu belemiu anu palalumo otulungi.

YEREMIA 5:31

to nabi-nabi binaleko'mo, to ima-imam mombau anu nu palentahkon nu Tumpu ola yayamo pongka'oho' nu kinyonyoa nu aha ka' belemiu mian anu palesayamo hi beleng-Ku nongka'ima'imo han aijo'. Panyo apaa na anu obau nu belemiu saidi' mae de tokamo na sinaanyo anu imihinyomo mae?”

HOSEA 5:1

Tumpu notatae, “Potombihing mae o to ima-imam! Palahatikan o mian nu Israel. Potombihing mae o to mia-mian lee' nu tomundo'! Hukuman opokonamo hi belemiu. Kalana sabenanyo adin ahi' na belemiu momputusi palakala, panyo belemiu ola mule'ahi' susumo totumban kiijo' i Mizpa ka' susumo so'o i bungkutnyo nu Tabor,

HOSEA 6:9

To ima-imam i kota' aijo' sumomo sa'angu' na tompukan nu mian anu buling ka' anu lewa' mohakop mian anu motulu. I jalan anu mompatui mokiijo' i tampat anu susi' kiijo' i Sikhem suele aha nompateimo mian! Iwi-iwi' na kalakuan anu ma'idek aijo' anu binaumo nu aha memang ototonggolakon.

MALEAKHI 1:10

Tumpu Anu Daka' na Kuasanyo notataemo, “Lebe ma'ima' tumban nu Laigan-Ku otumbanmo kalana palasuma ahi' na belemiu mompomoak apu i mezbah-Ku. Madi'mo Ku ka'ima'i na belemiu ka' mule' madi'mo mongka'oho' mongala palasombahan nu belemiu.

LUKAS 10:30

I Yesus nontaami, “Daagi' ko samian na mo'ane nintudun mae lengkat i Yerusalem mamba mokiijo' i Yerikho. I totonga' nu jalan, ia tinumbuhanmo nu tololang, ingagoanmo iwi-iwi' na anu daagi' hi ia, binandahannyo boboli' inate, lantas pinala'iannyo banda-bandang i jalan kahomo bela daka'.

LUKAS 10:32

Sumo aijo' mule' na samian, mian nu Lewi anu notulu i kiijo'; salatan tinoanyo na mian aijo', ingohaniannyomo da mompinasa. Panyo ia suele nolilit nokiijo' i sambiha' nu jalan ka' ilumajang lau-laus.

I RUT 2:3

Jadi nambamo na i Rut i ale' ka' nontoluki gandum nompayuntun to mia-mian anu mompadak. Pinopatunyo tempo'nyo aijo' ia nambamo hi ale' i Boas.