LUKAS 10:29 - KITAB NU TUMPU ALLA LELE MA'IMAI'

²⁹ Panyo gulu' agama aijo' mompai pototu'u butongnyo. Ia nompokilawa, “Ihe na sangko mianku?”

LUKAS 10:29 Iomraidhean Croise

AYUB 32:2

Panyo hi aha aijo' daagi' ko samian sanggonyo i Elihu anak i Barakheel, tulunan mae i Bus aha mae sa'anakan i Ram. Madi'mo pinoko intimnyo na idek nu kinyonyoanyo, kalana i Ayub nosi pototu'umo butongnyo, ka' nompisala'imo Tumpu Allah.

IMAMAT 19:34

Opalentah na aha susumo belemiu mompalentah to mia-mian anu bubuu' bansa nu belemiu ka' okanonongi na aha susumo belemiu mongkanonongi posi butong nu belemiu. Inau' saba' belemiu suele toho'mo jinojoong salaku mian anu lengkat mae i salipu'an tempo'nyo kiijo' mae i Mesir. Akumo na Tumpu Allah nu belemiu.

MARKUS 8:34

Lapas aijo' i Yesus nolaga mian da'isan anu daagi' i kiijo' tiba anu saja' mombatuki Ia. Lantas Ia notatae hi aha, “Mian anu mongka'oho' mombatuki Aku, tionyo mongkolilimi posi kapalaluannyo, lapas aijo' monsimbuje salibnyo, ka' lau-laus mombatuki Aku.

LUKAS 10:36

Lapas aijo', sisikon aijo' pinopupus i Yesus nu pompokilawa aiya, “Aha anu toto-totolu' na mian aijo', iya na anu mingkona i pikilanum anu ko usaha i sangko mian, hi mian anu tinumbuhanmo nu tololang aijo'?”

LUKAS 16:15

Panyo i Yesus notatae hi aha, “Komiumo na mian de i ahop nu san-samianan otoa totu'u, panyo Tumpu monsumbu' isi nu kinyonyoaum. Kalana apaa na anu osangka matangkas nu mian, nutoa nu Tumpu heede'.

ROMA 10:3

Aha madi' monsumbu' jalannyo nu Tumpu mombau pompahasumbu'an nu mian, tiba Ia mompo'ule' ma'ima'. Ka' kalana aha ola mosi bau pongka'oho' nu aha, sahingga aha madi' tundu' i jalan anu nupotiju' nu Tumpu.

ROMA 4:2

De hahan anu binaunyomo nonsabapi Tumpu nontalimamo ia salaku mian anu momposanang kinyonyoa nu Tumpu, aijo' yo daagi' ko pintoongan na ia de kobubuun. Panyo ia madi' moko ala buulon i ahop nu Tumpu.

GALATIA 3:11

Madi' ko samian pe'e na anu mompo'ule' ma'ima' tiba Tumpu Allah ola kalana mompojalan atulan nu agama. Han aijo' pinonyata'mo i uno nu Kitab nu Tumpu, “Ola mian anu palesaya hi Tumpu, sahingga pompahasumbu'annyo tiba Tumpu timbali mompo'ule' ma'ima', atina' yo tumuu'!”

YAKOBUS 2:24

Nanasamo uuka aiya, saba' mian nu pototu'u nu Tumpu, kalana apaa na anu binaumo nu mian aijo', ka' misa' ola kalana imannyo.