LUKAS 10:27 - KITAB NU TUMPU ALLA LELE MA'IMAI'

²⁷ Mian aijo' nontaami, “ ‘Kalibosi na Tumpu-Um nu kinyonyoaum iwi-iwi', ka' totu-totu'u na santuu'um, ka' kahosonanum, tiba iwi-iwi' na kapandeanum,’ tiba ‘Kalibosi na sangko kita mian, sumo beleyum mongkalibosi posi butongum.’ ”

LUKAS 10:27 Iomraidhean Croise

IMAMAT 19:18

Boli mombalosi kasala'an nu mian ka' boli mongka'ideki mian sangga'at, panyo kanonongi na sangko mian susumo belemiu mongkanonongi posi butong nu belemiu! Akumo na Tumpu.

MATIUS 19:19

o adati na tuumaum ka' tinaum; ka' okalibosi na sangko mian sumo beleyum mongkalibosi posi butongum.”

LUKAS 10:26

I Yesus nontaami, “Apaa na anu tinulismo i uno nu Kitab nu Tumpu? Mosia na pikilanum mongkona han aijo'?”

ROMA 13:9

Kalana atulan nu agama Yahudi, aijo'mo: Boli masala', boli mompatei, boli mombuling, boli mongkamilui anu nu mian; iwi-iwi' aijo' naninggalumo tiba to atu-atulan sangga'at, kinodo'anmo sahingga pinosa'angu'mo na atulan, aijo'mo, “Kalibosi na sangko mian sumo beleyum mongkalibosi posi butongum.”

GALATIA 5:13

Kita Utus ilagamo da timbali mian anu bebas. Panyo boli mompake kabebasan miu aijo' da saja' mombau mau mule' pa' apaa na anu oka'oho' obau miu. Ola ahi' komiu tionyo mompaha kali-kalibosi ka' mompaha toa-toa anu kakulangan.

PO'ULE' INGULIT 10:12

“Uuka aiya to Utu-utus, palahatikan apaa na anu nupoita nu Tumpu Allah nu belemiu hi belemiu: O'adati na Tumpu Allah nu belemiu ka' baumo iwi-iwi' na palentah-Nyo.

PO'ULE' INGULIT 30:6

Belemiu ka' lee' nu belemiu obee'imo kinyonyoa anu mohongo-hongo sahingga belemiu mongkanonongimo Tumpu Allah nu belemiu totu-totu'u i uno nu kinyonyoa nu belemiu ka' sainjojoongmo i lipu' aijo'.

PO'ULE' INGULIT 6:4

To utu-utus, jaga mae! Ola Tumpu, ka' ola Tumpu na Tumpu Allah-nto!

PO'ULE' INGULIT 6:5

Kanonongi na Tumpu Allah nu belemiu, nu kinyonyoa miu anu totu-totu'u; Opotoa i uno nu kantumuu'an nu belemiu ka' i uno nu ko langka-langkas.

IBRANI 8:10

Panyo uuka aiya, aiyamo na palajanjian anu Ku baumo tiba mian nu Israel, i sina-sinaa anu tokaje mae, koonyo nu Tumpu: Aku monguna'mo atulan-Ku i uno nu pikilan nu aha, ka' montulismo i kinyonyoa nu aha. Aku timbalimo Tumpu nu aha, ka' aha timbalimo mian anu palesayamo hi beleng-Ku.

YAKOBUS 2:8

Komiu nombaumo anu totu'u, de komiu nontulutimo atulan nu Kalaja'an anu tuli-tulis i uno nu ayat nu Kitab nu Tumpu aiya, “Okalibosi na sangko mian, sumo komiu mongkalibosi posi butong miu.”

1 YOHANES 3:18

To Ana-anakku! Boli mongkalibosi ola i nganga' kabai ola i potatae. Tionyo ahi' kita mongkalibosi nu kalibosan anu totu-totu'u, anu oponyata' i palabuatanto.