LUKAS 10:22 - KITAB NU TUMPU ALLA LELE MA'IMAI'

²² Iwi-iwi' na apa-apaa binee'mo nu Tuuma hi beleng-Ku. Madi' ko samian pe'e monsumbu' Anak, de misa' Tuuma. Madi' mule' suele ko anu monsumbu' Tuuma, de misa' Anak; ka' to mia-mian pa' hi he na anu nukahanda'i nu Anak aijo' pomposumbu'annyo Kita Tuuma.”

LUKAS 10:22 Iomraidhean Croise

MATIUS 11:25

Tempo'nyo aitu i Yesus binala do'amo, “Tuuma, Tumpu anu mongkuasai langit ka' tano'! Aku mompoita talima kaseh hi Kita saba' iwi-iwi' aijo' Belento nolahasiakonmo hi to mia-mian anu pande, ka' ko ilimu', panyo Belento nompotiju'akonmo hi to mia-mian anu madi' ko sikolah.

MATIUS 11:27

Lantas i Yesus notatae, “Iwi-iwi na apaa pinotalimamo nu Tuuma hi beleng-Ku. Madi' ko samian pe'e monsumbu' Anak, de misa' Tuuma. Madi' mule' ko anu monsumbu' Tuuma de misa' Anak, ka' to mia-mian maumo ihe na Anak aijo' monsisikakon Tuuma.

MATIUS 28:18

I Yesus nongohani aha ka' notatae, “Iwi-iwi' na kuasa i suluga' ka' i dunia aiya binee'mo hi beleng-Ku.

YOHANES 1:18

Madi' ko anu toho'mo nontoa Tumpu, de misa' anak nu Tuuma anu samba-sambatumo, anu pokakana tiba Tuuma ka' anu mompahakona hondo Ia. Ia na anu momponyata' Tuuma hi kita.

YOHANES 13:3

Sinumbu'mo i Yesus na Tuumanyo nombee'mo iwi-iwi' na kuasa hi Ia. Nusumbu' suele na Ia, lengkat mae hi Tumpu, ka' po'ule' minsusule' hi Tumpu.

YOHANES 17:10

Iwi-iwi' na anung-Ku, i Tuuma suele na tumpunyo; ka' iwi-iwi' na anu nu kita Tuuma, Aku suele na tumpunyo. Aku opopodaka' aijo' hi aha.

YOHANES 17:2

Kita Tuuma nombee'mo kuasa mompalentah iwi-iwi' na mian hi Anak, da Ia mombee'i kantumuu'an kopian ka' toka sidu-sidutu' hi iwi-iwi' na mian anu binee'mo nu Tuuma hi Ia.

YOHANES 17:26

Aku nompoto'imo sanggo nu kita Tuuma hi aha; ka' saja' Kubau sumo aitu, da liibos nu kita Tuuma hi beleng-Ku tataap i uno nu kinyonyoa nu aha, ka' Aku mosa'angu' tiba aha.”

YOHANES 17:5

Kita Tuuma! Popodaka'mo na Aku u'uka aiya hi kita Tuuma nu kadaka'an anu daagi' hi beleng-Ku, ka' hi kita Tuuma, ma'isa pe'e dunia aiya pinotimbali.

YOHANES 3:35

Tuuma mongkalibosi Anak-Nyo, ka' nombee'mo iwi-iwi' na kuasa hi Ia.

1 KORINTUS 15:24

Lapas aijo' tokamo na kakiamatan. Tempo'je aijo' ka' i Kristus mompotundu' iwi-iwi na kapalentahan, iwi-iwi na kuasa, ka' iwi-iwi na kahosonan; lantas nubee'mo na kakuasa'an-Nyo salaku Tomundo, hi Tumpu, Tuumanto.

2 KORINTUS 4:6

Tumpu na notatae, “Tionyo ahi' lengkat i uno nu pintung bete'mo na jingka,” Tumpu ai-aijo'mo na nompobete' jingka aijo' i uno nu kinyonyoanto, da pikilanto timbali majingka ka' monsumbu' kalonyingkaban nu Tumpu anu i lonyingkabanmo hi ohup i Kristus.

EFESUS 1:21

Pangkat i Kristus aijo' lebe matangkas molingkudui pangkat nu iwi-iwi' na pamalentah, iwi-iwi' na anu ko kuasa, iwi-iwi' na polaya', iwi-iwi' na to tuan-tuan ka' mau mule' ihe na anu binee'anmo pangkat anu matangkas; mau anu tumuu' tempo' uuka aiya, mau mule' anu tumuu' i tempo' anu tokaje mae.

IBRANI 2:8

ka' nompotimbalimo ia anu mongkuasai iwi-iwi na apaa.” Jadi, de koonyo, Tumpu na nompotimbali mian, “anu nongkuasai iwi-iwi na apaa”, aijo' alati'nyo saba' madi' ko sangga'atan pe'e na anu madi' i aluk nu kakuasa'an nu mian. Mau mule' sumo aijo', kita madi' montoa uuka aiya mian mongkuasai iwi-iwi na apaa.

1 YOHANES 5:20

Osumbu'to saba' Anak nu Tumpu tinokamo ka' nompopangalati'mo kita, da kita monsumbu' Tumpu anu totu'u. Kita tumuu' nosa'angu'mo tiba Tumpu anu totu'u, ka' tumuu' mosa'angu'mo tiba Anak-Nyo i Yesus Kristus. Aiyamo na Tumpu anu totu'u, ka' aiyamo na kantumuu'an anu kopian ka' sampe toka sidu-sidutu'.

2 YOHANES 1:9

Mian anu madi' montoongi pangajalan i Kristus, ka' ola mule' monggeo-geoakon apaa na ingajanakonmo i Kristus, mian aijo' madi' ko Tumpunyo. Mian anu tataap i uno nu pangajalan i Kristus, alati'nyo daagi'mo ko Tumpu Tuuma ka' mule' Anak.