LUKAS 10:2 - KITAB NU TUMPU ALLA LELE MA'IMAI'

² “Hasin anu tionyo o padak manjoo',” tukoo-Nyo hi aha, “panyo mian anu mokalaja mompadak ola sangkiding. Kalana aijo' poita hi tumpu nu ale' da Ia monsai mae mian anu mompadak hasin nu sosu'anon-Nyo.

LUKAS 10:2 Iomraidhean Croise

1 TOMU-TOMUNDO' 18:22

Lapas aijo' i Elia notataemo, “Te to nabi-nabi nu Tumpu me ola-olanyomo aku na aiya, padahan aiya sinihuk nabi Baal 450.

MAZMUR 68:11

Lantas mian anu palesayamo hi Belento jinojoongmo i kiijo' mae; kalana kanonongan nu Belento, o, Tumpu Belento nompotuu' mo mian anu kasiasi.

YEREMIA 3:15

Aku mombee'imo belemiu to pola-polaya' anu tulu-tulutan hi beleng-Ku. Ahamo na mompalentah belemiu ka' ia pande ka' mangalati' hondo.

ZAKHARIA 11:17

Kinutukan na polaya' potuu'on anu madi' mingkaliangan aijo'! Ia nompala'imo pahasan nu dombanyo. Kakuasa'annyo belentimo de saidi' mae mahampatemo. Limanyo lundengmo ka' mule' matanyo anu sasu koanannyo mapisokmo.”

ZAKHARIA 11:5

Anu mongoli domba aijo' nompateimo domba haha aijo', pada han madi' kinohukumannyo. Aha anu nompobaluk antoknyo nu domba haha aijo' notatae, ‘Opuji' na Tumpu! Uuka aiya kita nompaka kayamo!’ Topo laya' potuu'on haha aijo' madi' kinokalibosan hi domba haha aijo' anu nu jagai nu aha.

NOMBILANGMO 11:17

Aku mintatau'je mae ka' motatae hi beleyum i tampat atina' ka' sambagian na kuasa anu binee'-Kumo hi beleyum, Ku bee'mo hi aha. Sahingga timbalimo na aha montulungi beleyum mongkalesang hingga-hinggat bansa aiya, ka' bolimo ola posi beleyum na mongkalesang.

NOMBILANGMO 11:29

Tinaaman i Musa, “Kadaka' Beleyum mompopikilakonmo aku? La ahi' aku montaha'imani da Tumpu mombee'i Roh-Nyo hi iwi-iwi' bansa-Nyo, ka' mompojadi aha iwi-iwi' timbali nabi!”

MATIUS 20:1

“De Tumpu mompalentah, ka'ada'annyo sumomo kantuang aiya: Samian na tumpu nu ale' nu anggur nosabat tempo'nyo daagi' subu, molio mian anu mokalaja i ale' nu anggurnyo.

MARKUS 13:34

Ka'ada'annyo sumomo anu mompala'i laigannyo, lantas mamba i tampat anu majo'on. Ia nonsai to posa-posaihonnyo montamongi laigannyo, ka' nombee'imo palentah hi aha toto samian. Hi aha anu montamongi pontumban, ia nompoto'i da balajaga ma'i-ma'ima'.

MARKUS 16:15

Lantas i Yesus notatae hi aha, “Lako'mo i songko-songko na dunia aiya, ka' polele na Lele Ma'ima' lengkat mae hi Tumpu aijo' hi iwi-iwi' na mian.

MARKUS 16:20

Lantas anu saja' mombatuki Ia nambamo ka' nompolele lele lengkat mae hi Tumpu iyayamae. Ka' Tumpu suele mokalaja mohingga-hinggat tiba aha ka' nompotoamo bukuti', i hahan anu okabangangi, saba' apaa na anu pinotokamo nu aha aijo' memang totu'u.] [

LUKAS 9:1

I Yesus nolagamo sampu-sampulu' ka' ohua' anu saja' mombatuki Ia, lantas nombee'i aha kuasa molaa' roh ma'idek ka' nompa'alin panyakit.

SISIKON NU TO RASUL-RASUL 11:19

Lapas i Stefanus pinatean, to mia-mian anu palesayamo hi Yesus mulaimo saja' iloloi', sahingga aha noga'a-ga'atmo iyayamae. Daagi' ko anu nalai sampe tinoka i Fenisia, ka' daagi' mule' ko anu tinoka kiijo' mae i Siprus ka' i Antiokhia. Aha nompolele lele anu lengkat hi Tumpu ola hi to mia-mian nu Yahudi.

SISIKON NU TO RASUL-RASUL 13:2

Tempo'nyo aha hau-haunyomo mogaleja hi Tumpu ka' bapuasa', Roh nu Tumpu notatae hi aha, “Pile'imo na i Barnabas ka' i Saulus, da mokalaja hi beleng-Ku da aha mokalaja anu tinantukankumo hi aha.”

SISIKON NU TO RASUL-RASUL 13:4

Kalana sinai nu Roh nu Tumpu, i Barnabas ka' i Saulus namba nokiijo' i Seleukia. Lengkat kiijo' mae aha tinalabutmo nokiijo' i togong Siprus.

SISIKON NU TO RASUL-RASUL 20:28

Tionyo obala ingati na butong miu ka' otoa suele na jama'at iwi-iwi' anu binee'mo nu Roh nu Tumpu hi komiu da otoa; kalana komiu ingangkatmo da montoa jama'at aijo'. Tionyo komiu montoa jama'at nu Tumpu aijo' sumo polaya' montoa dombanyo, kalana Tumpu nompotimbalimo jama'at-Nyo, aijo'mo na sababnyo sahingga i Yesus Anaknyo sinilakamo.

SISIKON NU TO RASUL-RASUL 22:21

Panyo Tumpu po'ule' notatae hi belengku, ‘Sampamo lako', kalana Aku monsaimo beleyum mamba mokiijo' i tampat anu majo'on hi aha to mia-mian anu misa' Yahudi.’ ”

SISIKON NU TO RASUL-RASUL 8:4

To mia-mian palesaya anu noga'a-ga'atmo aijo' noleleakonmo Lele Ma'ima' lengkat mae hi Tumpu aijo' iyaya mae.

1 KORINTUS 12:28

Sumo aitumo i uno nu jama'at, Tumpu nontantukanmo tampat hi ngangahan nu mian: Momonanyo to rasul-rasul; ko ohua'nyo to nabi-nabi, ko totolu'nyo to gulu-gulu', lantas aha anu mombau hahan anu okabangangi, lapas aijo' aha binee'anmo balakat da nompa'alin mian, kabai montulungi mian sangga'at, kabai anu mongatun, kabai mule' da basisik tiba ngangahan nu basa' anu okabangangi.

1 KORINTUS 15:10

Panyo kalana balakat nu Tumpu aku tinimbalimo susumo tinuu'ku uuka aiya. Ka' madi' pinalasuma na Tumpu nongampunimo aku. Pakalaus aku ahi' na mokalaja lebe makeke molingkudui rasul kanjoo'annyo sangga'at. Panyo sabenannyo aijo' misa' usahangku; aijo' usaha nu Tumpu anu mongkalibosi aku ka' mokalaja hingga-hinggat ka' aku.

2 KORINTUS 6:1

Kalana kami mokalaja hingga-hinggat tiba Tumpu, mokonyo aijo' opoita mami sabole-bole boli komiu monsia-siakon ka'ima'an nu kinyonyoa nu Tumpu aijo'.

FILIPI 2:21

Anu iwi-iwi' sangga'at ola mongkalesang kapentingan nu posi butong nu aha, misa' kapentingan i Yesus Kristus.

FILIPI 2:25

Mongkona utusto i Epafroditus anu sinai miu mae da montulungi aku, ku oa'i palalu monsai ia da po'ule' minsusule' hi komiu. Ia nonsangaluimo aku i uno nu kalajangku ka' usahangku.

FILIPI 2:30

Bau kapalaluan nu kalaja i Kristus, ia kiniboli' sinilakamo; ia nombatoniakonmo nyawanyo bakasmo da silaka asan montulungi aku salaku mowakini mae komiu.

KOLOSE 1:29

Da timbali moko ala montokai han aijo', aku nokalajamo juku-jukut. Aku binala usahamo nu kahosonanku iwi-iwi' anu binee'mo i Kristus hi belengku ka' anu nokalajamo totu-totu'u nu kuasanyo i uno nu butongku.

KOLOSE 4:12

Salan do'a lengkat mae hi Epafras. Ia suele lengkat mae atina' i gampa miu. Ia posaihon i Kristus Yesus anu saja' tapakun mondo'akon komiu. Ia nompoitamo hi Tumpu sabole-bole da kapalesaya'an miu timbali mahoson ka' komiu totu-totu'u timbalimo otaha'imani, da sahondo-hondonyo na kinyonyoa miu tulu-tulutan i pongka'oho' nu Tumpu.

1 TESALONIKA 2:9

Tantu komiu daagi' tonginau' mosia na kosigonyo na kami bala usaha ka' bakalaja. Sinaa ka' pihi kami mokalaja da kami madi' monsusa'i mau ola samian anu itina' hi komiu, tempo'nyo kami nompolele Lele Ma'ima' anu lengkat mae hi Tumpu aijo' toka hi komiu.

1 TESALONIKA 5:12

To Utu-utus, opoita mami da sabole-bole komiu mongangga'i to mia-mian anu mokalaja itina' hi komiu; aijo'mo aha anu pinile'anmo nu Tumpu da molaya' ka' mompokinde'i komiu.

2 TESALONIKA 3:1

Ka' mule' to Utu-utus, do'akon mae na kami. Balado'a da lele lengkat mae hi Tumpu saja' sampa tolele ka' otalima ma'i-ma'ima' susumo anu toho'mo jinadi hi komiu u'utu mae.

1 TIMOTIUS 4:10

Aijo' na sababnyo kita mompagala ahi' bala usaha mokalaja totu-totu'u, kalana kita montaha'imani ahi' totu-totu'u hi Tumpu Allah anu tumuu'; Iamo na anu Momposalamat iwi-iwi' na mian, ka' anu talalo hondo to mia-mian anu pinalesayamo.

2 TIMOTIUS 4:5

Maumo sumo aitu beleyum tionyo mongkuasai posi butongum i uno nu ka'ada'an maumo pa' mosia. Sabaalakon na kasansala'an, baumo na kalajaum salaku anu mompolele Lele Ma'ima' aijo', ka' opojalan ma'i-ma'ima' na kalajaum salaku mian monjalanakon palentah nu Tumpu.

FILEMON 1:1

Utusku i Filemon, sangalu sampo kanaya mami! Aku, i Paulus mian anu tinalungku'mo kalana i Kristus Yesus, tiba Utusto i Timotius, nontulismo sulat aiya toka hi beleyum

IBRANI 3:6

Panyo i Kristus tinulu-tulutanmo salaku Anak anu mompangakui kalajanyo i uno nu Laigan nu Tumpu. Ka' kita aiya atina'mo na Laigan nu Tumpu, de kita tataap daka-daka' na kinyonyoa ka' tataap palesaya totu-totu'u da mohumpak apaa na anu otaha'imaninto.

ANU PINOTO'I HI YOHANES 2:1

“Toka hi malaikat anu kiijo' i jama'at nu Efesus, tulismo sumo uuka: Aiyamo na potuunon lengkat mae hi Ia anu montoongi popi-popitu' na mandala' i lima koanan-Nyo, ka' i lumajang i olot nu popi-popitu' na tengke nu sulu' mosoni' aijo'.